എട്ട് രാപ്പകലുകള് നീണ്ട ലോക സിനിമക്കാഴ്ചകളുടെ ഉത്സവത്തിന് ഇന്ന് അനന്തപുരിയില് കൊടിയിറക്കം.... സമാപനസമ്മേളനം മുഖ്യമന്ത്രി പിണറായി വിജയന് ഉദ്ഘാടനം ചെയ്യും, മന്ത്രി എ കെ ബാലന് അധ്യക്ഷനാകുന്ന ചടങ്ങില് സ്പീക്കര് പി ശ്രീരാമകൃഷ്ണന് മുഖ്യാതിഥിയും പ്രതിപക്ഷ നേതാവ് രമേശ് ചെന്നിത്തലയും ധനമന്ത്രി ഡോ.തോമസ് ഐസക്കും വിശിഷ്ടാതിഥികളാകും
എട്ട് രാപ്പകലുകള് നീണ്ട ലോക സിനിമക്കാഴ്ചകളുടെ ഉത്സവത്തിന് ഇന്ന് അനന്തപുരിയില് കൊടിയിറക്കം. സമാപനസമ്മേളനം മുഖ്യമന്ത്രി പിണറായി വിജയന് ഉദ്ഘാടനം ചെയ്യും. പ്രശസ്ത അര്ജന്റീനിയന് സംവിധായകനായ ഫെര്ണാണ്ടോ സൊളാനസിന് ആജീവനാന്ത സംഭാവനക്കുള്ള പുരസ്ക്കാരവും മുഖ്യമന്ത്രി വിതരണം ചെയ്യും. മന്ത്രി എ കെ ബാലന് അധ്യക്ഷനാകുന്ന ചടങ്ങില് സ്പീക്കര് പി ശ്രീരാമകൃഷ്ണന് മുഖ്യാതിഥിയും പ്രതിപക്ഷ നേതാവ് രമേശ് ചെന്നിത്തലയും ധനമന്ത്രി ഡോ.തോമസ് ഐസക്കും വിശിഷ്ടാതിഥികളാകും. മേയര് കെ.ശ്രീകുമാര് ,കിലെ ചെയര്മാന് വി.ശിവന്കുട്ടി,ചലച്ചിത്ര അക്കാദമി ചെയര്മാന് കമല്,വൈസ് ചെയര് പേഴ്സണ് ബീനാപോള്,സെക്രട്ടറി മഹേഷ് പഞ്ചു തുടങ്ങിയവര് പങ്കെടുക്കും. . വിവിധ മേളകളില് പ്രേക്ഷക പ്രീതി നേടിയവ ഉള്പ്പടെ 186 സിനിമകളാണ് മേളയില് പ്രദര്ശിപ്പിച്ചത്.
തുടര്ന്ന് ചലച്ചിത്രമേളയുടെ 2020 ലെ സില്വര് ജൂബിലി ആഘോഷങ്ങളുടെ വരവറിയിച്ച് ചലച്ചിത്രതാരം റീമാ കല്ലിങ്ങലിന്റെ നേതൃത്വത്തില് കണ്ടംപററി ഡാന്സ് അരങ്ങേറും. ബിജിപാലാണ് ഈ പരിപാടിയ്ക്ക് സംഗീത സംവിധാനം നിര്വ്വഹിച്ചിരിക്കുന്നത് .വൈകിട്ട് 5.30ന് നിശാഗന്ധിയിലാണ് സമാപനച്ചടങ്ങുകള് നടക്കുക. സമാപന സമ്മേളനത്തിന് ശേഷം മത്സരവിഭാഗത്തില് സുവര്ണ്ണചകോരത്തിന് അര്ഹമാകുന്ന ചിത്രം പ്രദര്ശിപ്പിക്കും.
മേളയിലെ പ്രേക്ഷകരുടെ ഇഷ്ടചിത്രം തിരഞ്ഞെടുക്കാനുള്ള വോട്ടിങ് തുടരുകയാണ്. അക്കാദമിയുടെ ഔദ്യോഗിക വെബ്സൈറ്റ് വഴിയും എസ്.എം.എസ്.വഴിയും മൊബൈല് ആപ്ലിക്കേഷന് വഴിയും ഡെലിഗേറ്റുകള്ക്ക് വോട്ട് ചെയ്യാം. വൈകിട്ട് 5.45 വരെയാണ് പ്രേക്ഷക ചിത്രം തെരഞ്ഞെടുക്കാനുള്ള അവസരം.
https://www.facebook.com/Malayalivartha