അന്തംവിട്ടാല് എന്തും ചെയ്യും... 500 രൂപ ഫൈന് പേടിച്ച് ഹെല്മറ്റ് വയ്ക്കുന്നവര് സ്വന്തം സുരക്ഷ ഓര്ക്കാറില്ല; തരം കിട്ടുമ്പോള് ഹെല്മറ്റ് ഊരുന്നവര്ക്ക് മാസ് ഉപദേശം നല്കിയ പോലീസ് ഓഫീസര് താരമാകുന്നു
ഇരുചക്ര വാഹനത്തിലെ പിന് സീറ്റ് യാത്രക്കാര്ക്കും സംസ്ഥാനത്ത് ഹെല്മറ്റ് നിര്ബന്ധമാക്കിയിരിക്കുകയാണ്. അതേസമയം സംസ്ഥാനമൊട്ടാകെ കര്ശന പരിശോധനയും നടക്കുന്നുണ്ട്. പലരും സ്വന്തം സുരക്ഷ നോക്കി ഹെല്മറ്റ് വയ്ക്കാറില്ല. ഇതിനിടെ ഹെല്മറ്റ് ധരിക്കാതെ യാത്ര ചെയ്ത യുവാവിനെ പോലീസ് ലാത്തികൊണ്ട് എറിഞ്ഞ് വീഴ്ത്തിയ സംഭവം വരെ ഉണ്ടായി. നിയമം കര്ക്കശമാക്കിയതോടെ 500 രൂപ കൈയ്യില് നിന്നു പോകുമെന്നോര്ത്താണ് പലരും ഹെല്മറ്റ് വയ്ക്കുന്നത്. പോലീസിനെ കണ്ടു കഴിഞ്ഞ് ഹെല്മറ്റ് ഊരുന്നവരും കുറവല്ല. എന്നാല് ഇതിനൊക്കെ ശക്തമായ ബോധവത്ക്കരണത്തിലൂടെ മാത്രമേ ചെറുക്കാനാകു. അത്തരത്തില് മാസ് ഉപദേശം നല്കിയ ഒരു പോലീസ് ഉദ്യോഗസ്ഥന് വൈറലാകുകയാണ്.
ഹെല്മറ്റ് ധരിക്കാതെ യാത്ര ചെയ്ത വിദ്യാര്ത്ഥികളെ തടഞ്ഞു നിര്ത്തി മാതൃകാപരമായ നിര്ദേശങ്ങള് നല്കുന്ന പോലീസ് ഉദ്യോഗസ്ഥന്റെ വീഡിയോയാണ് ഇപ്പോള് സോഷ്യല് മീഡിയയില് വൈറലായിരുക്കുന്നത്. പാലക്കാട് തൃത്താലയിലാണ് സംഭവം.
പോലീസ് പിടിച്ചതോടെ ഭയന്ന് നിന്ന വിദ്യാര്ത്ഥികളുടെ തലയില് ഹെല്മെറ്റ്വച്ചുകൊടുത്താണ് ഉദ്യോഗസ്ഥന് മാതൃകയായത്. കൂടെയുള്ള വിദ്യാര്ത്ഥിയോടും ഹെല്മറ്റ് ധരിക്കണമെന്ന് പോലീസ് ഉദ്യോഗസ്ഥന് പറയുന്നു. ആയിരം രൂപ പിഴ ഈടാക്കേണ്ടതാണ്. പിഴ ഈടാക്കാന് അറിയാത്തതുകൊണ്ടല്ല. ഇനി ആവര്ത്തിക്കരുതെന്നും അദ്ദേഹം പറയുന്നു.
രാജ്യത്ത് ഏറ്റവും കൂടുതല് അപകടങ്ങള് നടക്കുന്നത് ഇരുചക്രവാഹനങ്ങളില് യാത്ര ചെയ്യുന്നവര്ക്കാണ്. ഹെല്മറ്റ് ധരിക്കാതെ യാത്ര ചെയ്യുന്നതുകൊണ്ടാണ് അധികം മരണങ്ങളും സംഭവിക്കുന്നത്. കഴിഞ്ഞ രണ്ടുമാസം മുന്പ് ഒരു ഇന്ക്വസ്റ്റിന് പോയി, നിങ്ങളുടെ പ്രായത്തിലുള്ള ഒരുത്തന് മോര്ച്ചറിയില് ഇങ്ങനെ മലര്ന്ന് കിടക്കുവാ. മുടിയൊക്കെ നന്നായി വാര്ന്ന് വച്ച് യൂണിഫോമില് ആ പയ്യന് മരിച്ചുകിടക്കുന്ന കണ്ടപ്പോള് ഹൃദയം പൊട്ടിപ്പോയി. അച്ഛനും അമ്മയും ഇത്രയുമൊക്കെ വളര്ത്തിയത് മറക്കരുത്. അപമാനിക്കാന് വേണ്ടിയല്ല നിങ്ങളോട് ഇങ്ങനെ പറയുന്നതെന്നും പോലീസ് ഉദ്യോഗസ്ഥന് പറയുന്നു.
സംസ്ഥാനത്ത് അതേസമയം ശക്തമായ വാഹന പരിശോധനകളാണ് നടക്കുന്നത്. ജില്ലകള് തിരിച്ച് വാഹന വകുപ്പിന്റെ നേതൃത്വത്തില് വ്യാപക വാഹന പരിശോധനയാണ് നടക്കുന്നത്. വാഹനങ്ങളിലെ നിയമലംഘനങ്ങള് കണ്ടെത്തുകയാണ് പരിശോധനയുടെ പ്രധാന ലക്ഷ്യം. ഒപ്പം സീറ്റ് ബെല്റ്റും ഹെല്മറ്റും ധരിക്കാതെ വാഹനം ഓടിക്കുന്നവരും പരിശോധനയില് കുടുങ്ങുന്നുണ്ട്. ചെറിയ തോതില് നിയമം ലംഘിച്ചവര്ക്ക് ബോധവല്ക്കരണം നല്കുമ്പോള് ഗൗരവമേറിയ നിയമ ലംഘനങ്ങള്ക്ക് പിഴ ചുമത്തുന്നുണ്ട്. അടുത്ത മാസത്തെ റോഡ് സുരക്ഷാ വാരാചരണത്തിന് മുന്നോടിയായി വാഹന യാത്രക്കാര് റോഡ് നിയമങ്ങള് പാലിക്കുന്നു എന്ന് ഉറപ്പാക്കാനും ഈ പരിശോധനകളിലൂടെ മോട്ടോര്വാഹനവകുപ്പ് ലക്ഷ്യമിട്ടു.
കൈ കാണിച്ചിട്ടും നിര്ത്താതെ പോകുന്ന വാഹനങ്ങളെ പിന്തുടര്ന്ന് പിടികൂടരുതെന്ന് കര്ശന നിര്ദ്ദേശം ഉണ്ട്. ഇങ്ങനെ നിര്ത്താതെ പോയ വാഹനങ്ങളുടെ നമ്പര് രേഖപ്പെടുത്തി അവര്ക്കെതിരെ കേസെടുക്കും. വരും ദിവസങ്ങളിലും ഇത്തരത്തില് വ്യാപക പരിശോധനകള് നടത്താനാണ് മോട്ടോര് വാഹന വകുപ്പിലെ തീരുമാനം.
അതേസമയം ലൈസന്സില്ലാതെ ബൈക്കോടിക്കുന്ന വിദ്യാര്ഥികളുടെ എണ്ണം വര്ധിച്ചു വരുന്ന സാഹചര്യത്തിലും നടപടി ശക്തമാക്കിയിട്ടുണ്ട്.
പരിശോധനയില് ഹെല്മെറ്റ് ധരിക്കാതെ ബൈക്കോടിച്ചവര്ക്കെതിരെ നടപടികളെടുത്തു. മൊബൈല് ഫോണില് സംസാരിച്ചുകൊണ്ട് വാഹനമോടിച്ചവരും പിടിയിലാകുന്നുണ്ട്. നിയമപരമായ നമ്പര് പ്ലേറ്റ് ഘടിപ്പിക്കാത്തവര്ക്കും സൈലന്സര് മാറ്റി സ്ഥാപിച്ച് ബൈക്കോടിച്ചവര്ക്കും പിഴയടക്കാന് നോട്ടീസ് നല്കും. ഇങ്ങനെ ശക്തമായി നിയമം നടപ്പിലാക്കുമ്പോള് അവനവന് വിചാരിക്കാതെ ഹെല്മറ്റ് നടക്കില്ല. അത് വിചാരിക്കണമെങ്കില് ഇതേ പോലുള്ള ബോധവത്ക്കരണം തന്നെ വേണം.
https://www.facebook.com/Malayalivartha
