കേരള പൊലീസിന് വെല്ലുവിളി നിറഞ്ഞ കേസില് ജോളിക്കെതിരെ പഴുതടച്ചുള്ള കുറ്റപത്രം സമര്പ്പിക്കാനൊരുങ്ങി അന്വേഷണസംഘം, ചില സാക്ഷി മൊഴികള് കൂടി രേഖപ്പെടുത്താനുള്ള നീക്കത്തിൽ അന്വേഷണസംഘം
കേരളത്തെ ഒന്നടങ്കം ഞെട്ടിച്ച കൂടത്തായി കേസിൽ ചില സാക്ഷി മൊഴികള് കൂടി രേഖപ്പെടുത്താനുള്ള നീക്കത്തിലാണ് അന്വേഷണസംഘം. അതേസമയം, ശാസ്ത്രീയ തെളിവുകളുടെ അഭാവം മറ്റു കേസുകളുടെ കുറ്റപത്രം സമര്പ്പിക്കുന്നതില് വെല്ലുവിളിയായിരിക്കും. എന്നാല് മറ്റ് 5 കേസുകളുടെ കുറ്റപത്രവും സമയബന്ധിതമായി നല്കാന് കഴിയുമെന്നും അന്വേഷണസംഘം അറിയിച്ചു. കൂടത്തായി കൊലക്കേസില് കുറ്റപത്രം സമര്പ്പിക്കാനൊരുങ്ങി അന്വേഷണസംഘം. കൊലപാതക പരമ്ബരയിലെ റോയ് തോമസ് വധക്കേസിലാണ് അന്വേഷണ സംഘം ആദ്യം കുറ്റപത്രം നല്കുക. കേരള പൊലീസിന് വെല്ലുവിളി നിറഞ്ഞ കേസില് ജോളിക്കെതിരെ പഴുതടച്ചുള്ള കുറ്റപത്രം സമര്പ്പിക്കാനാണ് അന്വേഷണ സംഘം ഒരുങ്ങുന്നത്. 2011 ല് കൊല്ലപ്പെട്ട റോയ് തോമസ് കേസിലാണ് ഒക്ടോബര് അഞ്ചിന് ജോളിയുടെ ആദ്യ അറസ്റ്റ് രേഖപ്പെടുത്തിയത്. റോയ് തോമസ് കേസില് മാത്രമേ പോസ്റ്റ്മോര്ട്ടം റിപ്പോര്ട്ടുള്ളൂ. തെളിവെടുപ്പിനിടെ പൊന്നാമറ്റം വീട്ടില് നിന്ന് കണ്ടെത്തിയ സയനൈഡിന്റെ രാസപരിശോധനാ ഫലത്തിന്റെ റിപ്പോര്ട്ടും, വ്യാജ ഓസ്യത്ത് തെളിയിക്കുന്ന രേഖകളടങ്ങിയ കുറ്റപത്രമാണ് സമര്പ്പിക്കാന് ഒരുങ്ങുന്നത്.
https://www.facebook.com/Malayalivartha