സ്ത്രീകളുടെ നഗ്നദൃശ്യങ്ങൾ പകർത്തി അത് കാണിച്ചു ഭീഷണിപ്പെടുത്തി പീഡിപ്പിക്കുന്ന വാർത്തകൾ ധാരാളം പുറത്തട്ടുവരുന്നുണ്ട്.. എന്നാൽ ഇത്തരം സന്ദർഭങ്ങളിൽ സ്ത്രീകൾ കുറച്ചുകൂടി മനഃസാന്നിധ്യം കാണിച്ചാൽ ഇതുമാതിരിയുള്ള പ്രശ്നങ്ങളിൽ നിന്ന് രക്ഷപ്പെടാം എന്നതിന് ഉദാഹരണമാണ് ഈയിടെ നടന്നത്

യുവതിയുടെ കുളിമുറി ദൃശ്യങ്ങള്‍ പകര്‍ത്തിയ ശേഷം ഇതുപയോഗിച്ച് ഭീഷണിപ്പെടുത്തി പീഡിപ്പിക്കാന്‍ ശ്രമിച്ച യുവാവിനെയാണ് യുവതി ബുദ്ധിപൂർവ്വം അറസ്റ്റ് ചെയ്യിച്ചത് . കോട്ടപ്പുറം സ്വദേശിയായ 20കാരന്‍ ഗ്രിഫ് ആണ് വിഴിഞ്ഞം പോലീസ് കസ്റ്റഡിയിൽ ആയത് . വെള്ളിയാഴ്ച വൈകുന്നേരം നാല് മണിയോടെയാണ് കേസിനാസ്പദമായ സംഭവം ഉണ്ടായത്. യുവതിയുടെ ഭര്‍ത്താവിന്റെ പരാതിയുടെ അടിസ്ഥാനത്തിലാണ് പ്രതിയെ പോലീസ് പിടികൂടിയത്.

യുവതി കുളിക്കുന്ന ദൃശ്യങ്ങള്‍ പ്രതി മൊബൈല്‍ ഫോണില്‍ പകര്‍ത്തുകയായിരുന്നു. പിന്നീട് ഈ ദൃശ്യങ്ങള്‍ പുറത്തുവിടുമെന്ന് ഭീഷണിപ്പെടുത്തി പ്രതി യുവതിയെ പീഡിപ്പിക്കാന്‍ ശ്രമിച്ചു . എന്നാല്‍ പ്രതിയുടെ ഉദ്ദേശ്യം മനസ്സിലാക്കിയ യുവതി ഇയാളെ ബുദ്ധിപൂര്‍വം മടക്കി അയച്ചു. ഭര്‍ത്താവ് വീട്ടിലെത്തിയപ്പോള്‍ ഇക്കാര്യം പറയുകയും ചെയ്തു. തുടര്‍ന്നാണ് ഭര്‍ത്താവ് പോലീസ് സ്റ്റേഷനിലെത്തി പരാതി നല്‍കിയത്. പരാതിയുടെ അടിസ്ഥാനത്തിലാണ് ഗ്രിഫിനെ പോലീസ് അറസ്റ്റ് ചെയ്തത്.