ശബരിമല മാലിന്യമുക്തമാകുന്നു : പ്രതീക്ഷ നല്കി ബോധവത്കരണം
അനേകായിരം ഭക്തരാണ് ദിവസേന അയ്യപ്പസന്നിധിയിലെത്തുന്നത്. ഇതിന്റെ ഫലമായി ലക്ഷകണക്കിന് മാലിന്യവും ശബരിമല പരിസരത്തു നിക്ഷേപിക്കപെടുന്നു. മാലിന്യ നിര്മ്മാര്ജ്ജനത്തിനായി നിരവധി പദ്ധതികള് സര്ക്കാര് പ്രയോഗിച്ചെങ്കിലും അവയൊക്കെയും പൂര്ണമായും വിജയം കണ്ടില്ല. എന്നാല് മാലിന്യ നിക്ഷേപത്തിന്റെ അളവിന് മാറ്റം വന്നുവെന്നാണ് ഇത്തവണത്തെ കണക്കുകള് സൂചിപ്പിക്കുന്നത്. ശബരിമലയിലെ പ്ലാസ്റ്റിക് മാലിന്യങ്ങള് ശേഖരിക്കുന്ന ഏജന്സിയാണ് കണക്കുകള് വ്യക്തമാക്കിയത്. തീര്ത്ഥാടകര് ഉപക്ഷിക്കുന്ന പ്ലാസ്റ്റിക് ശേഖരിക്കാന് പ്ലാപ്പള്ളി മുതല് പമ്പവരെ ഹരിത സേനാംഗങ്ങളെ 200 മീറ്ററില് രണ്ടു പേര് എന്ന രീതിയില് വിന്യസിച്ചിട്ടുണ്ട്.
തിരുവല്ല കേന്ദ്രമാക്കി പ്രവര്ത്തിക്കുന്ന സ്വകാര്യ ഏജന്സിയാണ് ശബരിമലയിലെ പ്ലാസ്റ്റിക് മാലിന്യം ശേഖരിക്കുന്നത്. വില്ക്കാന് കഴിയുന്ന വസ്തുക്കള് വേര്തിരിച്ച് ആവശ്യമുള്ളവര്ക്ക് നല്കുകയും പുനരുപയോഗ സാധ്യത ഉള്ളത് അതിനായി മാറ്റിവക്കുകയുമാണ് ചെയ്യുന്നത്. വിവിധ മാധ്യമങ്ങളിലൂടെയും മറ്റും നിരന്തരമായ ബോധവത്കരണം നല്കിയതാണ് മാലിന്യത്തിന്റെ അളവ് കുറയാന് കാരണം എന്നാണ് വിലയിരുത്തുന്നത്.
എന്നാല് നിലക്കല് പ്രധാന ഇടതാവളമായതോടെ ഇവിടെ പ്ലാസ്റ്റിക് മാലിന്യം കൂടുതല് എത്താന് തുടങ്ങി എന്നും പരാതി ഉയര്ന്നിട്ടുണ്ട്. കുടുംബശ്രീ സ്റ്റാളിലൂടെ പ്ലാസ്റ്റിക് ശേഖരിച്ച് തുണിസഞ്ചി നല്കുന്ന പദ്ധതിയും മാലിന്യത്തിന്റെ തോത് കുറയ്ക്കുന്നതിനായി സര്ക്കാര് നടപ്പാക്കിയിരുന്നു.
L
https://www.facebook.com/Malayalivartha