പൗരത്വ നിയമ ഭേദഗതിയിൽ നടക്കുന്ന പ്രതിഷേധങ്ങള്‍ രാഷ്ട്രീയപ്രേരിതമാണെന്ന ഗവര്‍ണര്‍ ആരിഫ് മുഹമ്മദ്ഖാന്‍റെ പ്രസ്താവനയെ തള്ളി ധനമന്ത്രി തോമസ് ഐസക് രംഗത്ത് . ഗവര്‍ണര്‍ പറയുന്നത് കേന്ദ്ര സര്‍ക്കാര്‍ നയങ്ങൾക്ക് അനുകൂലമാണ . എന്നാൽ സംസ്ഥാനം ഭരിക്കുന്നവര്‍ക്ക് നിലപാട് വ്യത്യസ്ഥമാണെന്നും തോമസ് ഐസക് കൊച്ചിയിൽ വ്യക്തമാക്കി.

പൗരത്വ നിയമ ഭേദഗതി പ്രതേകിച്ച് ഒരു സമുദായത്തെ ലക്ഷ്യം വച്ചിട്ടുള്ളതല്ലെന്നും ഭരണഘടന അനുസരിച്ച് കേന്ദ്ര നിയമം അനുസരിക്കാൻ എല്ലാവരും ബാധ്യസ്ഥരാണെന്നുമാണ് ഗവര്‍ണര്‍ പറയുന്നത്. ജനങ്ങള്‍ക്ക് രാഷ്ട്രീയ തിരുമാനങ്ങളിലൂടെ എന്ത് പ്രശ്നമുണ്ടായാലും സംരക്ഷകരായി കോടതി ഉണ്ട് എന്നും അദ്ദേഹം വ്യക്തമാക്കി . അത്കൊണ്ട് പൗരത്വ നിയമ ഭേദഗതി സംബന്ധിച്ച് ആർക്കും ആശങ്ക വേണ്ട എന്നും ഗവര്‍ണര്‍ അഭിപ്രായപ്പെട്ടിരുന്നു.