ഉത്തര്‍പ്രദേശിലെ ഫത്തേപുരില്‍ പെണ്‍കുട്ടിയെ ബലാത്സംഗം ചെയ്ത് തീക്കൊളുത്തിയ സംഭവത്തില്‍ പ്രതി അറസ്റ്റില്‍. ഞായറാഴ്ചാണ് ഹുസൈന്‍ഗഞ്ച് പോലീസ് പ്രതി അറസ്റ്റു ചെയ്തത്. സംഭവ ശേഷം ഇയാള്‍ ഒളിവിലായിരുന്നു.

പെണ്‍കുട്ടിയുടെ ബന്ധുവാണ് ഇയാളെന്നും കുട്ടി ഒറ്റയ്ക്കായിരുന്നപ്പോള്‍ വീട്ടിലെത്തിയ പ്രതി മാനഭംഗപ്പെടുത്തി തീ കൊളുത്തുകയായിരുന്നുവെന്നും പോലീസ് പറഞ്ഞു. ഗുരുതരമായി പൊള്ളലേറ്റ പെണ്‍കുട്ടി കാണ്‍പൂര്‍ ലാലാലജ്പത്‌റായ് ആശുപത്രിയില്‍ ചികിത്സയിലാണ്. പെണ്‍കുട്ടിയ്ക്ക് തൊണ്ണൂറു ശതമാനം പൊള്ളലുണ്ടെന്ന് ആശുപത്രി വൃത്തങ്ങള്‍ അറിയിച്ചു.