പൗരത്വബില്: ഗവര്ണര് കടുപ്പം കുറയ്ക്കുന്നു... പ്രതിഷേധിക്കാന് എല്ലാവര്ക്കും അവകാശമുണ്ടെന്ന്
പൗരത്വ ഭേദഗതി ബില്ലിനെതിരായ സമരം ശക്തമായതോടെ ഗവര്ണര് ആരിഫ് മുഹമ്മദ് ഖാന് ആദ്യത്തെ നിലപാടില് നിന്ന് സ്വല്പം പിന്നോട്ട് പോയി. ജനാധിപത്യ സംവിധാനത്തില് പ്രതിഷേധിക്കാന് എല്ലാവര്ക്കും അവകാശമുണ്ടെന്നും നിയമം കയ്യിലെടുക്കാന് അവകാശമില്ലെന്നും ഗവര്ണര് കൊച്ചിയില് പറഞ്ഞു. ബില്ലിനെതിരായ സമരങ്ങള് രാഷ്ട്രീയ പ്രേരിതമെന്നായിരുന്നു ഗവര്ണര് ആദ്യം പറഞ്ഞത്. ജനാധിപത്യത്തില് വിയോജിക്കാനും പ്രതിഷേധിക്കാനും എല്ലാവര്ക്കും അവകാശമുണ്ട്. പ്രതിഷേധം സമാധാനമായിട്ടാകണം. അക്രമത്തിലേക്ക്് നീങ്ങാന് പാടില്ല. അത് അംഗീകരിക്കാന് കഴിയില്ലെന്നും ഗവര്ണര് കൊച്ചിയില് പറഞ്ഞു.
പൗരത്വ ഭേദഗതി ബില്ലിനെതിരെ തിരുവനന്തപുരത്ത് ഭരണപ്രതിപക്ഷ പാര്ട്ടികള് ഒരുമിച്ച് നടത്തിയ പ്രതിഷേധ സംഗമത്തെക്കുറിച്ചുള്ള ചോദ്യത്തിന് താന് അഭിപ്രായ പറയുന്നില്ലെന്നും എല്ലാവര്ക്കും അവരവരവരുടേതായ അഭിപ്രായം പ്രകടിപ്പിക്കാന് സ്വാതന്ത്ര്യമുണ്ടെന്നും മറുപടി നല്കി. തിരുവനന്തപുരത്ത് കഴിഞ്ഞ ദിവസം രാത്രി വിവിധ സംഘടനകളുടെ നേതൃത്വത്തില് രാജ്ഭവന്് മുന്നില് നടന്ന പ്രതിഷേധത്തിന്റെയും മണിപ്പൂര് ഗവര്ണര്ക്കെതിരെ ആലുവയില് ഇന്നലെ രാവിലെ നടന്ന പ്രതിഷേധത്തിന്റെയും പശ്ചാത്തലത്തില് പ്രതിഷേധങ്ങള് നടത്തുന്ന സംഘടനങ്ങളുമായോ വ്യക്തികളുമായി താന് സംസാരിക്കാന് തയാറാണെന്നും രാജ്ഭവനിലെത്തി താനുമായി കൂടിക്കാഴ്ച നടത്താന് അവരെ ക്ഷണിക്കുകയാണെന്നും ഗവര്ണര് പറഞ്ഞു.
പ്രതിഷേധിക്കുന്നവരെ കേള്ക്കാനും സംസാരിക്കാനും താന് തയാറാണ്.വിഷയത്തില് തനിക്ക് ചെയ്യാന് കഴിയുന്ന എല്ലാം ചെയ്യാനും താന് ഒരുക്കമാണ്. പതിഷേധക്കാര് താനുമായി പങ്കുവെയ്ക്കുന്ന ആശങ്കകള് കേന്ദ്രസര്ക്കാരിനെ അറിയിക്കുമെന്നും ഗവര്ണര് പറഞ്ഞു.
https://www.facebook.com/Malayalivartha
