ഊബര് ഈറ്റ്സ് വിതരണക്കാര് തിരുവനന്തപുരത്ത് നടത്തിവന്ന സമരം ഒത്തുതീര്ന്നു
തിരുവനന്തപുരത്ത് കഴിഞ്ഞ മൂന്ന് ദിവസമായി തുടരുന്ന ഊബര് ഈറ്റ്സ് തൊഴിലാളികളുടെ സമരം പിന്വലിച്ചു. ആവശ്യങ്ങള് അംഗീകരിക്കാമെന്ന് കമ്പനി നല്കിയ ഉറപ്പിന്മേലാണ് സമരം ഒത്തുതീര്ന്നത്.
വെട്ടിക്കുറച്ച വേതനം വര്ദ്ധിപ്പിക്കുക, തൊഴിലാളികള്ക്ക് ഇന്ഷുറന്സ് പരിരക്ഷ നല്കുക, അകാരണമായി പുറത്താക്കാതിരിക്കുക തുടങ്ങി ഒമ്പത് ആവശ്യങ്ങള് നടപ്പാക്കുമെന്ന ഉറപ്പ് തൊഴിലാളികള്ക്ക് കമ്പനി നല്കി. ഇവ നടപ്പാക്കാന് കമ്പനി ആവശ്യപ്പെട്ട സാവകാശം തൊഴിലാളികളും അംഗീകരിച്ചു. അധികൃതര് നല്കിയ ഉറപ്പ് വിശ്വസിക്കുന്നതായും ഉടന് തന്നെ പ്രശ്നങ്ങള് പരിഹൃതമാകുമെന്ന് പ്രതീക്ഷിക്കുന്നതായും സമരസമിതി അറിയിച്ചു.
ആയിരത്തി അഞ്ഞൂറോളം വരുന്ന തൊഴിലാളികള് കഴിഞ്ഞ വെള്ളിയാഴ്ച മുതലാണ് അനിശ്ചിതകാല സമരം ആരംഭിച്ചത്. സമരം ഊബറുവഴിയുള്ള ഭക്ഷണ വിതരണത്തെ കാര്യമായി ബാധിച്ചു. ഇതേ തുടര്ന്ന് ഊബര് ഒത്തുതീര്പ്പ് ചര്ച്ചക്ക് വിളിക്കുകയായിരുന്നു. ഓണ്ലൈന് ഭക്ഷണ വിതരണത്തൊഴിലാളികള്ക്കായി സ്വതന്ത്ര ട്രേഡ് യൂണിയന് രൂപികരിക്കാനും സമരസമിതി തീരുമാനിച്ചു.
https://www.facebook.com/Malayalivartha
