പള്ളിയിലുണ്ടായ തര്ക്കത്തെ തുടര്ന്ന് ജമാഅത്ത് പ്രസിഡന്റ് തോക്ക് ചൂണ്ടിയത് വിവാദമാകുന്നു... കാസര്കോട് കുമ്പള മുട്ടം ജമാഅത്ത് പ്രസിഡന്റ് ഇസ്മാഈലിനെതിരെ കേസെടുത്ത ശേഷം പൊലീസ് വിട്ടയച്ചതിനെതിരെ നാട്ടുകാരും ഡിവൈഎഫ്ഐ പ്രവര്ത്തകരും
16 DECEMBER 2019 08:42 PM IST
മലയാളി വാര്ത്ത
പൊലീസ് വധശ്രമത്തിന് കേസ് എടുത്തില്ലെന്നും സ്റ്റേഷന് ജാമ്യത്തില് പള്ളി പ്രസിഡന്റിനെ വിട്ടയച്ചെന്നും ആരോപിച്ച് ഡിവൈഎഫ്ഐ പ്രവര്ത്തകര് കുമ്പള പൊലീസ് സ്റ്റേഷന് മുന്നില് കുത്തിയിരിപ്പ് സമരം നടത്തി. സംഭവം കൈവിട്ട് പോകുമെന്ന് മനസ്സിലായതോടെ ഉന്നത ഉദ്യോഗസ്ഥര് എത്തി ചര്ച്ച നടത്തിയ ശേഷമാണ് സമരം അവസാനിപ്പിച്ചത്. ഇന്നലെ രാത്രിയാണ് സംഭവം നടന്നത്. മുട്ടം താജ് മഹല് പള്ളിക്ക് സമീപത്തെ ഇസ്മാഈലാണ് പള്ളിയിലേക്ക് ആഹാരസാധനങ്ങള് എത്തിച്ചത്. എന്നാല് ജമാഅത്ത് പ്രസിഡന്റ് ഇസ്മാഈല് അത് വേണ്ടെന്ന്് പറയുകയായിരുന്നു. അതോടെ ഭക്ഷണം കൊണ്ടുവന്നയാളെ പിന്തുണച്ച് അഷ്റഫ് എന്നയാള് രംഗത്തുവന്നു. തുടര്ന്ന് പ്രസിഡന്റും മറ്റു രണ്ട് അംഗങ്ങളും തമ്മില് വാക്കേറ്റം രൂക്ഷമായി. അതിനിടെയാണ് പള്ളി പ്രസിഡന്റ് ഇവര്ക്ക് നേരെ തോക്ക് ചൂണ്ടിയതെന്ന് പറയുന്നു.
അതേസമയം താന് തോക്ക് ചൂണ്ടിയിട്ടില്ലെന്നും മടിയില് വച്ചിരുന്ന തോക്ക് ഉന്തിനും തള്ളിനും ഇടയില് താഴെ വീണപ്പോള് താന് എടുക്കുകയായിരുന്നെന്നും ജമാഅത്ത് പ്രസിഡന്റ് പറയുന്നു. തോക്കിന് ലൈസന്സ് ഉണ്ടെന്നും തമിഴ്നാട്, കേരള, കര്ണാടക സംസ്ഥാനങ്ങളില് ഉപയോഗിക്കാന് ലൈസന്സുള്ളതാണെന്നും ഇയാള് വ്യക്തമാക്കി. ഇക്കാര്യം പൊലീസിന് നല്കിയ മൊഴിയിലും പറയുന്നു. പരാതിക്കാരായ ഇസ്മാഈലിന്റെയും അഷ്റഫിന്റെയും മൊഴിയുടെ അടിസ്ഥാനത്തിലാണ് പള്ളി പ്രസിഡന്റിനെതിരെ പോലീസ് കേസെടുത്തത്. ഏഴ് വര്ഷം വരെ തടവ് ശിക്ഷ ലഭിക്കാവുന്ന വകുപ്പാണ് ചുമത്തിയിരിക്കുന്നതെന്ന് കുമ്പള പൊലീസ് പറഞ്ഞു. കാസര്കോട് മംഗലാപുരം അതിര്ത്തിയില് കള്ളക്കടത്ത്്, മാഫിയ സംഘങ്ങള് സജ്ജീവമാണ്. അവരുമായി പ്രസിഡന്റിന് എന്തെങ്കിലും തരത്തിലുള്ള ബന്ധം ഉണ്ടോ എന്നും അന്വേഷിക്കുന്നുണ്ട്.
ഐ.എസിന്റെ റിക്രൂട്ടിംഗ് ഹബ്ബാണ് കാസര്കോട് പടന്നയെന്ന് കണ്ടെത്തിയിരുന്നു. ഇവിടെ നിന്ന് നിരവധി പേര് ഐ.എസില് ചേരാനായി അഫ്ഗാനിലും സിറിയയിലും മറ്റും പോയിട്ടുണ്ട്. അതില് ചിലര് അടുത്തിടെ കീഴടങ്ങിയിരുന്നു. ഇത്തരത്തിലുള്ള അതീവഗുരുതരമായ സംഭവവികാസങ്ങള് നടന്നിട്ടുള്ള കാസര്കോട്ട് ഇത്തരത്തിലൊരു അനിഷ്ടസംഭവം നടന്നതിനെ കുറിച്ച് കേന്ദ്രഇന്റലിജന്സും മറ്റും അന്വേഷിക്കുന്നുണ്ട്. ജമാഅത്ത് പ്രസിഡന്റ് സ്വയരക്ഷയ്ക്കാണോ തോക്ക് വാങ്ങിയത് എന്നതിനെ കുറിച്ചും അന്വേഷിക്കുന്നുണ്ട്. പള്ളിയില് നടന്ന കാര്യങ്ങളെ കുറിച്ച് പരാതി ഉയര്ന്നതിനാലും ഡിവൈഎഫ്ഐ രംഗത്തെത്തിയതിനാലും അന്വേഷണം കൂടുതല് ഊര്ജ്ജിതമാക്കുമെന്നാണ് ലഭിക്കുന്ന സൂചന.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
