പൗരത്വ നിയമ ഭേദഗതിക്കെതിരേയും എന്ആര്സിക്കെതിരേയുമുള്ള പ്രക്ഷോഭങ്ങളുടെ ഭാഗമായി സംയുക്ത സമിതി ആഹ്വാനം ചെയ്ത ഹര്ത്താല് ആരംഭിച്ചു, രാവിലെ ആറു മുതല് വൈകുന്നേരം ആറുവരെയാണ് ഹര്ത്താല്, ഹര്ത്താലിന്റെ മറവില് അക്രമങ്ങള് തടയാന് സംസ്ഥാനത്ത് പോലീസ് സുരക്ഷ ശക്തമാക്കി
പൗരത്വ നിയമ ഭേദഗതിക്കെതിരേയും എന്ആര്സിക്കെതിരേയുമുള്ള പ്രക്ഷോഭങ്ങളുടെ ഭാഗമായി സംയുക്ത സമിതി ആഹ്വാനം ചെയ്ത ഹര്ത്താല് തുടങ്ങി. രാവിലെ ആറു മുതല് വൈകുന്നേരം ആറുവരെയാണ് ഹര്ത്താല്. ശബരിമല തീര്ഥാടനം കണക്കിലെടുത്ത് റാന്നി താലൂക്കിനെ ഹര്ത്താലില് നിന്ന് ഒഴിവാക്കിയിട്ടുണ്ട്. ഉപതെരഞ്ഞെടുപ്പു നടക്കുന്ന തദ്ദേശവാര്ഡുകളെയും ഹര്ത്താലില് നിന്ന് ഒഴിവാക്കി. പാല്, പത്രം, ആശുപത്രി തുടങ്ങിയ അവശ്യസേവനങ്ങളെയും പൊതുപരീക്ഷകളെയും ഹര്ത്താലില് നിന്നും ഒഴിവാക്കിയിട്ടുണ്ട്.
ഹര്ത്താലിന്റെ മറവില് അക്രമങ്ങള് തടയാന് സംസ്ഥാനത്ത് പോലീസ് സുരക്ഷ ശക്തമാക്കി. സംഘര്ഷസാധ്യതയുള്ള സ്ഥലങ്ങളില് തിങ്കളാഴ്ച വൈകീട്ടോടെ പോലീസ് സംഘത്തെ വിന്യസിച്ച് പിക്കറ്റിങ് ഏര്പ്പെടുത്തി. അടിയന്തര സാഹചര്യം നേരിടാന് പോലീസ് കണ്ട്രോള് റൂമുകളില് അഗ്നിരക്ഷാസേന സ്ട്രൈക്കിങ് സംഘത്തെ വിന്യസിച്ചു. പ്രശ്നസാധ്യതയുള്ള മേഖലകളില് എക്സിക്യൂട്ടീവ് മജിസ്ട്രേറ്റുമാരെ നിയോഗിച്ചു. പൊതുസ്ഥലങ്ങളില് കൂട്ടംകൂടാന് അനുവദിക്കില്ല. ജില്ലകളിലെ സുരക്ഷ അതത് പോലീസ് മേധാവിമാര് വിലയിരുത്തും. ജുഡീഷ്യല് ഓഫീസര്മാര്ക്കും പ്രോസിക്യൂട്ടര്മാര്ക്കും പോലീസ് സംരക്ഷണം നല്കും. പൊതു-സ്വകാര്യ സ്വത്തുകള് നശിപ്പിക്കുന്നവര്ക്കെതിരേ കര്ശന നടപടിയെടുക്കും. ഹര്ത്താലുമായി ബന്ധപ്പെട്ട് ഉച്ചഭാഷിണികള് ഉപയോഗിക്കാന് അനുമതിനല്കില്ല. ഹര്ത്താലുമായി ബന്ധപ്പെട്ട് അക്രമങ്ങളോ വഴിതടയലോ ഉണ്ടായാല് കര്ശന നടപടി സ്വീകരിക്കാന് ഡി.ജി.പി. നിര്ദേശം നല്കി. അതിജാഗ്രതാ നിര്ദേശമാണ് നല്കിയിട്ടുള്ളത്.
റോഡ് തടസ്സപ്പെടുന്നില്ലെന്ന് ഉറപ്പുവരുത്താന് പോലീസ് തുടര്ച്ചയായി റോന്തുചുറ്റും.അക്രമത്തിനു നേതൃത്വം നല്കാനിടയുള്ളവരെ കരുതല്ത്തടങ്കലില് വെക്കും. സര്ക്കാര് ഓഫീസുകള്, സ്ഥാപനങ്ങള്, കോടതികള്, കെ.എസ്.ഇ.ബി. എന്നിവയുടെ പ്രവര്ത്തനം തടസ്സപ്പെടാതിരിക്കാന് പോലീസ് സംരക്ഷണം നല്കും. കെ.എസ്.ആര്.ടി.സി. സര്വീസ് നടത്താന് പോലീസ് അകമ്പടി നല്കും.
https://www.facebook.com/Malayalivartha
