ആ രക്തത്തിന് മറുപടി പറഞ്ഞേ മതിയാകൂ; വിദ്യാർത്ഥികളെ തല്ലിച്ചതച്ച ചുവന്ന കുപ്പായക്കാരനെ കണ്ടെത്തി സോഷ്യൽ മീഡിയ
പൗരത്വ ഭേദഗതി നിയമത്തിനെതിരെ ഡല്ഹിയിലെ ജാമിയ മിലിയ ഇസ്ലാമിയ സര്വകലാശാലയില് പ്രതിഷേധിച്ച വിദ്യാര്ത്ഥികളെ മര്ദ്ദിക്കുന്ന പൊലീസുകാരന് ആരെന്ന ചോദ്യം സോഷ്യല് മീഡിയയില് വലിയ ചർച്ചയാകുന്നു ഒന്നാണ്. നേരത്തെ ജാമിഅ മില്ലിയയില് നടന്ന വിദ്യാര്ത്ഥി പ്രതിഷേധത്തിനിടയിലും പൊലീസുകാര്ക്കൊപ്പം അജ്ഞാതരായ ആളുകള് വിദ്യാര്ത്ഥികളെ ആക്രമിച്ചിരുന്നു. പൊലീസ് യൂണിഫോമിലല്ലാതെ മുഖം മറച്ചുവന്നവരാണ് പൊലീസ് നോക്കി നില്ക്കെ തന്നെ വിദ്യാര്ത്ഥികളെ ആക്രമിച്ചത്.
ജാമിയ മിലിയ ഇസ്ലാമിയ സര്വ്വകലാശാലയില് പ്രതിഷേധിച്ച വിദ്യാര്ത്ഥികളെ മര്ദ്ദിക്കുന്ന ചുവന്ന കുപ്പായക്കാരന് ആരാണെന്നു ചോദിച്ച് മുന് ജസ്റ്റിസ് മാര്ക്കണ്ഡേയ കട്ജു രംഗത്തെത്തിയിരിക്കുകയാണ്.
സര്വ്വകലാശാലയുടെ അകത്തു കയറി വിദ്യാര്ത്ഥികളെ അടിച്ചമര്ത്തിയവരില് പൊലീസുകാര് മാത്രമല്ല ഉണ്ടായിരുന്നതെന്ന് വെളിപ്പെടുത്തിക്കൊണ്ടാണ് കട്ജുവിന്റെ ചോദ്യം. പൊലീസ് പള്ളിയില് കയറി ഇമാമിനെ മര്ദ്ദിച്ചതായി സുരക്ഷ ഉദ്യോഗസ്ഥന്റെ വെളിപ്പെടുത്തല് ആ ചുവന്ന കുപ്പായക്കാരന് ആര്? മുഖം മറച്ച് ജാമിയയിലെ വിദ്യാര്ത്ഥികളെ പൊലീസിനൊപ്പം തല്ലിച്ചതച്ച യൂണിഫോമിലല്ലാത്ത അയാള് ആരെന്നു ആരെങ്കിലും പറഞ്ഞു തരുമോ?- കട്ജു ട്വിറ്ററില് കുറിച്ചു.
ജീന്സും സ്പോര്ട്സ് ഷൂവും ചുവന്ന കുപ്പായവും ഹെല്മറ്റും ധരിച്ച് പെണ്കുട്ടികളെ നീളന് വടികൊണ്ട് അടിക്കാനൊരുങ്ങുന്നയാളിന്റെ ചിത്രവും കട്ജു പോസ്റ്റ് ചെയ്തിട്ടുണ്ട്. കഴിഞ്ഞ ദിവസം പുറത്തുവന്ന വിഡിയോയിലും ഇയാളുടെ ദൃശ്യങ്ങളുണ്ട്.
ഒടുവിൽ ആ ചുവന്ന കുപ്പായക്കാരനെ സോഷ്യൽ മീഡിയ തന്നെ കണ്ടെത്തിയിരിക്കുകയാണ്. വിദ്യാര്ത്ഥികള് പ്രതിഷേധിക്കുന്നതിനിടെ ദല്ഹി യൂണിവേഴ്സിറ്റിയിലെ നിയമ വിദ്യാര്ത്ഥിയും എ.ബി.വി.പി സംസ്ഥാന എക്സിക്യൂട്ടിവ് അംഗവുമായ ഭാരത് ശര്മ്മ വിദ്യാര്ത്ഥിയെ ചവിട്ടുന്നതിന്റേയും അധിക്ഷേപിക്കുന്നതിന്റേയും ദൃശ്യങ്ങളാണ് പുറത്തുവന്നത്. അവരിൽ ജാമിയ മിലിയ സര്വകലാശാലയില് നിന്നുയര്ന്ന ഒരു സ്ത്രീ ശബ്ദവും ചൂണ്ടുവിരലുകളും നിമിഷങ്ങള് കൊണ്ടാണ് രാജ്യത്ത് കത്തിപ്പടര്ന്നത്. സോഷ്യൽ മീഡിയകളും മറ്റും നിമിഷ നേരം കൊണ്ട് അയിഷ റന്ന എന്ന ആ പെൺകുട്ടിയുടെ ചിത്രങ്ങളാൽ നിറഞ്ഞു. പൊലീസിനെതിരെ ചൂണ്ടുവിരല് ഉയര്ത്തി പ്രതിരോധിക്കുന്ന ധീരയായ ആ പെണ്കുട്ടി ഇന്ന് രാജ്യത്ത് ചര്ച്ചയാവുകയാണ്.
പൗരത്വ നിയമത്തിനെതിരെ പ്രതിഷേധം നടത്തിയ ജാമിഅ മില്ലിയ ഇസ്ലാമിയ സര്വകലാശാലയിലെ വിദ്യാര്ഥികള്ക്കു നേരെ പൊലീസ് ക്രൂരമായ അതിക്രമമായിരുന്നു ഞായറാഴ്ച രാത്രി നടത്തിയത്. പൊലീസ് സര്വകലാശാലാ ക്യാംപസില് കയറി നടത്തിയ അക്രമത്തെത്തുടര്ന്ന് നിരവധി വിദ്യാര്ഥികള്ക്കാണു ഗുരുതരമായ പരിക്കേറ്റത്.
അക്രമങ്ങളില് പ്രതിഷേധിച്ച് ദല്ഹി പൊലീസ് ആസ്ഥാനത്ത് വിദ്യാര്ഥികള് പ്രതിഷേധിച്ചിരുന്നു. ജെ.എന്.യു, ജാമിഅ വിദ്യാര്ഥികള്ക്ക് പിന്തുണയുമായി രാഷ്ട്രീയ നേതാക്കളും എത്തിയിരുന്നു. ജാമിഅ വിദ്യാര്ത്ഥികള്ക്ക് പിന്തുണയുമായി ബനാറസ് യൂണിവേഴ്സിറ്റിയിലേയും അലിഗഡ് യൂണിവേഴ്സിറ്റിയിലേക്കും വിദ്യാര്ത്ഥികള് രംഗത്തെത്തിയിരുന്നു.
അതേസമയമ് പൗരത്വ ഭേദഗതിക്കെതിരെ ഡല്ഹിയില് സമരം ചെയ്ത വിദ്യാര്ഥികള്ക്കു നേരെ പോലീസ് വെടിവെച്ചതായുള്ള സംശയം ബലപ്പെടുകയാണ്. പരിക്കുകളോടെ ഡല്ഹിയിലെ ആശുപത്രിയില് ചികിത്സയില് കഴിയുന്ന വിദ്യാര്ഥിയുടെ ചികിത്സാ രേഖകള് പുറത്തുവന്നു. വിദ്യാര്ഥികള് നടത്തിയ പ്രതിഷേധസമരത്തിനിടെയുണ്ടായ സംഘര്ഷവുമായി ബന്ധപ്പെട്ട് പത്തുപേരെ ഡല്ഹി പൊലീസ് അറസ്റ്റ് ചെയ്തു. ഇവര് വിദ്യാര്ഥികളല്ലെന്നും ക്രിമിനല് പശ്ചാത്തലമുള്ളവരാണെന്നും പൊലീസ് പറഞ്ഞു.
സമരത്തിനിടെ നുഴഞ്ഞ് കയറിയ ചില തദ്ദേശവാസികളായ ആളുകളാണ് സമരത്തിനിടെ പ്രശ്നങ്ങളുണ്ടാക്കിയത്. സമാധാനപരമായി വിദ്യാര്ത്ഥികള് നടത്തിയ സമരം പെട്ടെന്നാണ് സംഘര്ഷത്തിലേക്ക് വഴി മാറിയത്. സംഭവുമായി ബന്ധപ്പെട്ട് കൂടുതല് അറസ്റ്റുണ്ടാകുമെന്നാണ് സൂചന. അക്രമസംഭവങ്ങളുടെ സിസി ടിവി ദൃശ്യങ്ങള് പരിശോധിച്ച ശേഷമാണ് പ്രതികളെ പിടികൂടിയതെന്ന് പൊലീസ് പറയുന്നു.
https://www.facebook.com/Malayalivartha
