കേന്ദ്രസര്ക്കാര് നടപ്പിലാക്കുന്ന പൗരത്വ ഭേദഗതി നിയമം നടപ്പാക്കില്ലെന്ന് പറയാന് മുഖ്യമന്ത്രി പിണറായി വിജയന് യാതൊരു അധികാരവുമില്ലെന്നും നിയമം നടപ്പാക്കണമെന്ന് മുഖ്യമന്ത്രിയോട് ആരും ആവശ്യപ്പെട്ടിട്ടില്ലെന്നും കേന്ദ്ര വിദേശകാര്യസഹമന്ത്രി വി. മുരളീധരന്
കേന്ദ്രസര്ക്കാര് നടപ്പിലാക്കുന്ന പൗരത്വ ഭേദഗതി നിയമം നടപ്പാക്കില്ലെന്ന് പറയാന് മുഖ്യമന്ത്രി പിണറായി വിജയന് യാതൊരു അധികാരവുമില്ലെന്നും നിയമം നടപ്പാക്കണമെന്ന് മുഖ്യമന്ത്രിയോട് ആരും ആവശ്യപ്പെട്ടിട്ടില്ലെന്നും കേന്ദ്ര വിദേശകാര്യസഹമന്ത്രി വി. മുരളീധരന്. നിയമം സംസ്ഥാനത്ത് നടപ്പാക്കില്ലെന്ന മുഖ്യമന്ത്രിയുടെ പ്രസ്താവനയ്ക്ക് മറുപടി നല്കുകയായിരുന്നു അദ്ദേഹം. നിയമം നടപ്പാക്കില്ലെന്ന് പറയാന് കേരളാ മുഖ്യമന്ത്രിക്ക് എന്തെങ്കിലും റോള് വേണം. അതില്ലെന്ന് തിരിച്ചറിഞ്ഞ അദ്ദേഹം ഉണ്ടെന്ന് വരുത്തി തീര്ക്കാനുള്ള ശ്രമമാണ് നടത്തുന്നതെന്നും കോഴിക്കോട്ട് മാധ്യമപ്രവര്ത്തകരുടെ ചോദ്യത്തിന് മറുപടിയായി മന്ത്രി പറഞ്ഞു.
സി.എ.എ നടപ്പാക്കുമ്പോള് ഇന്ത്യയില് ജീവിച്ചിരിക്കുന്ന ഒരു മുസ്്ലിം മതവിശ്വാസിയും രാജ്യത്തിന് പുറത്താവില്ലെന്ന് പലതവണ പറഞ്ഞിട്ടും പ്രതിഷേധങ്ങളുമായി മുന്നോട്ട് പോകുന്നത് എന്തിനാണെന്ന് മനസ്സിലാകുന്നില്ല. സമരവുമായി മുന്നോട്ട് പോകുന്നവര്ക്ക് കാര്യങ്ങള് മനസ്സിലായിട്ടുണ്ട്. എന്നിട്ടും മുന്നോട്ട് പോവാനാണ് ചിലരുടെ ശ്രമം. ദേശീയ പൗരത്വ രജിസ്റ്റര് ആസാമിന് മാത്രം ബാധകമായ കാര്യമാണെന്ന് പ്രധാനമന്ത്രി വ്യക്തമാക്കിയിട്ടുണ്ട്. മറ്റ് സംസ്ഥാനങ്ങളില് നടപ്പിലാക്കാത്ത ഒരു നിയമത്തിന്റെ പേരിലാണ് പ്രക്ഷോഭം നടക്കുന്നത്. അതിനാല് വസ്തുതകള് തിരിച്ചറിയാന് ശ്രമിക്കണമെന്നും മന്ത്രി ആവശ്യപ്പെട്ടു. കേരളത്തില ജനങ്ങള്ക്ക് കേന്ദ്ര ആനുകൂല്യങ്ങള് നല്കണ്ട എന്നാണ് മുഖ്യമന്ത്രി പിണറായി വിജയന്റെ തീരുമാനമെന്ന് തോന്നുന്നു. അതുകൊണ്ടാണ് ജനസംഖ്യാ കണക്കെടുപ്പ് നിര്ത്തിവച്ചിരിക്കുന്നതെന്നും അറിയുന്നു. ജനങ്ങളാണ് അന്തിമതീരുമാനം എടുക്കേണ്ടതെന്നും വി.മുരളീധരന് ചൂണ്ടിക്കാട്ടി.
പാര്ലമെന്റ് പാസാക്കിയ ബില് രാഷ്ട്രപതി ഒപ്പിട്ട് കഴിഞ്ഞാല് നിയമമാണ്. അത് നടപ്പാക്കേണ്ടത് സംസ്ഥാന സര്ക്കാരുകളുടെ ഭരണഘടനാ ബാധ്യതയാണ്. കോടതിക്ക് മാത്രമാണ് നിയമം ചോദ്യം ചെയ്യാന് അധികാരമുള്ളൂ. എന്നാല് ഭരണഘടനാ വിരുദ്ധമായ നിയമങ്ങളുണ്ടായാല് അത് നടപ്പിലാക്കാതിരിക്കാന് സംസ്ഥാന സര്ക്കാരിന് അധികാരമുണ്ടെന്ന് സ്പീക്കര് പിശ്രീരാമകൃഷ്ണനും ആഞ്ഞടിച്ചതോടെയാണ് വി.മുരളീധരന് നിലപാട് വ്യക്തമാക്കിയത്. ബി.ജെ.പി അധ്യക്ഷസ്ഥാനം ഒഴിഞ്ഞ് കിടക്കുന്നതിനാല് പാര്ട്ടി നിലപാട് വ്യക്തമാക്കാന് മറ്റ് നേതാക്കളാരും തയ്യാറകുന്നില്ല. അതിനാലാണ് കേന്ദ്രമന്ത്രി തന്നെ നേരിട്ട് കാര്യങ്ങള് വ്യക്തമാക്കിയത്. സംസ്ഥാനത്തിന്റെ വിവിധ ഭാഗങ്ങളില് പ്രതിഷേധം നടക്കുന്നുണ്ടെങ്കിലും സംയമനം പാലിക്കണമെന്നാണ് നേതാക്കളുടെ തീരുമാനം. അതിനാലാണ് ബി.ജെ.പിയോ, യുവമോര്ച്ചയോ പ്രകോപനപരമായ രീതിയിലേക്ക് കാര്യങ്ങളെ വഴിതിരിച്ചുവിടാത്തതെന്ന് അറിയുന്നു.
ബംഗ്ലാദേശ്, പാക്കിസ്ഥാന്, അഫ്ഗാനിസ്ഥാന് എന്നീ രാജ്യങ്ങളില് നിന്നുള്ള ന്യൂനപക്ഷങ്ങള്ക്ക് മാത്രം പൗരത്വം നല്കുന്നതാണ് പൗരത്വഭേദഗതി നിയമം. കേരളത്തില് അന്യസംസ്ഥാന തൊഴിലാളികളുടെ കൂട്ടത്തില് ബംഗ്ലാദേശില് നിന്ന് എത്തിയ ധാരാളം പേരുണ്ട്. അതില് മുസ്്ലിം മതവിശ്വാസികള്ക്ക് വര്ക്ക് പെര്മിറ്റ് മാത്രമായിരിക്കും ലഭിക്കുക, പൗരത്വം കിട്ടുകയില്ല. മതത്തിന്റെ അടിസ്ഥാനത്തില് പൗരത്വം നിശ്ചയിക്കാന് തീരുമാനിച്ചതോടെയാണ് നിയമത്തിനെതിരെ രാജ്യവ്യാപകമായി പ്രക്ഷോഭം ആരംഭിച്ചത്. അത് കേരളത്തിലേക്കും വ്യാപിച്ചു... തുടര്ന്നാണ് നിയമം നടപ്പാക്കില്ലെന്ന് സംസ്ഥാനം തീരുമാനിച്ചത്.
https://www.facebook.com/Malayalivartha
