ബി.ജെ.പി സംസ്ഥാന ഘടകത്തിന് പുതുവര്ഷത്തില് പുതിയമുഖം. മുന് പ്രസിഡന്റ് പി.എസ് ശ്രീധരന്പിള്ള മിസോറാം ഗവര്ണറായി പോയതിനെ തുടര്ന്ന് നാഥനില്ലാത്ത അവസ്ഥയിലാണ് കേരളത്തിലെ പാര്ട്ടി
ബി.ജെ.പി സംസ്ഥാന ഘടകത്തിന് പുതുവര്ഷത്തില് പുതിയമുഖം. മുന് പ്രസിഡന്റ് പി.എസ് ശ്രീധരന്പിള്ള മിസോറാം ഗവര്ണറായി പോയതിനെ തുടര്ന്ന് നാഥനില്ലാത്ത അവസ്ഥയിലാണ് കേരളത്തിലെ പാര്ട്ടി. തുടര്ന്ന് അധ്യക്ഷസ്ഥാനത്തേക്ക് വടംവലി തുടര്ന്നതോടെയാണ് സമവായത്തിലെത്താന് കഴിയാതിരുന്നത്. ഇതോടെയാണ് തര്ക്കം പരിഹരിക്കാന് കേന്ദ്രനേതാക്കള് ക്രിസ്മസിന് ശേഷം സംസ്ഥാനത്തെത്തുന്നത്. കേരളത്തിന്റെ ചുമതലയുള്ള ദേശീയ നേതാക്കളായ നളിന്കുമാര് കട്ടീലും എച്ച്.രാജയുമാണ് സംസ്ഥാന നേതാക്കളുമായി ചര്ച്ചനടത്തുന്നത്. ജനുവരി 15ന് മുന്പ് സംസ്ഥാന അധ്യക്ഷനെ തെരഞ്ഞെടുക്കാനാണ് നീക്കം.
26, 27, 28 തീയതികളില് കേരളത്തിന്റെ ചുമതലയുള്ള കേന്ദ്രനേതാക്കളായ നളിന്കുമാര് കട്ടീലും എച്ച്.രാജയും സംസ്ഥാന നേതാക്കളുമായി ചര്ച്ചനടത്തും. അതിന് ശേഷം സംസ്ഥാന അധ്യക്ഷനെ തെരഞ്ഞെടുക്കാനുള്ള വിശദ ചര്ച്ചകള്ക്ക് സംസ്ഥാനത്ത് നിന്നുള്ള കേന്ദ്രനേതാക്കളും നേതൃത്വം നല്കും. അതിന് ശേഷം ജില്ലാ അധ്യക്ഷന്മാരെ ആദ്യം പ്രഖ്യാപിക്കും. ദേശീയ സംഘടനാ സെക്രട്ടറി ബി.എല്.സന്തോഷ് നേരത്തെ കേരളത്തിലെത്തി പ്രാഥമിക ചര്ച്ചകള് പൂര്ത്തിയാക്കിയിരുന്നു. ഇപ്പോഴത്തെ സാഹചര്യത്തില് മുന് പ്രസിഡന്റ് കുമ്മനം രാജശേഖരന്, കെ.സുരേന്ദ്രന് എന്നിവര്ക്കാണ് കൂടുതല് സാധ്യത. എം.ടി.രമേശിന് വേണ്ടി കൃഷ്ണദാസ് വിഭാഗം മുന്നോട്ട് പോയെങ്കിലും മെഡിക്കല്കോഴയുമായി ബന്ധപ്പെട്ട വിവാദങ്ങള് അദ്ദേഹത്തിന് തിരിച്ചടിയായെന്നാണ് സൂചന.
കെ.സുരേന്ദ്രനൊപ്പം കേന്ദ്രമന്ത്രി വി. മുരളീധരന് ശക്തമായി നിലയുറപ്പിച്ചിട്ടുണ്ട്. ബി.ജെ.പി കേന്ദ്രനേതാക്കളുമായി അടുത്തബന്ധമുള്ള മുരളീധരന് സുരേന്ദ്രന് വേണ്ടിയുള്ള എല്ലാ ശ്രമങ്ങളും ഡല്ഹിയില് നടത്തിയന്നൊണ് ലഭ്യമായ വിവരങ്ങള്. പ്രസിഡന്റിനെ തെരഞ്ഞെടുക്കാന് സമവായത്തിന് ശ്രമിക്കേണ്ടതില്ലെന്ന് ആര്.എസ.്എസ് നിലപാടെടുത്തിട്ടുണ്ട്. ഓരോ ജില്ലയിലെയും മണ്ഡലങ്ങളുടെ ചുമതലയുണ്ടായിരുന്ന നേതാക്കളുമായി മുതിര്ന്ന നേതാക്കള് പ്രത്യേകം ചര്ച്ച നടത്തും. അതിലൂടെയായിരിക്കും പൊതുഅഭിപ്രായം രൂപീകരിക്കുക. കേന്ദ്രമന്ത്രി വി.മുരളീധരന്, ഒ.രാജഗോപാല് എംഎല്എ, കുമ്മനം രാജശേഖരന് തുടങ്ങിയവരും ചര്ച്ചകളില് പങ്കെടുക്കും.
മിസോറം ഗവര്ണര് പദവി രാജിവച്ച് ലോക്സഭാ തിരഞ്ഞെടുപ്പില് മത്സരിച്ച കുമ്മനം രാജശേഖരന് പാര്ട്ടിയില് ഔദ്യോഗിക പദവികളില്ല. കുമ്മനത്തെ വീണ്ടും പാര്ട്ടി നേതൃത്വത്തിലേക്കു കൊണ്ടുവരണമെന്നാണ് ബിജെപിയിലെയും ആര്.എസ്.എസിലെയും മുതിര്ന്ന നേതാക്കളുടെ വാദം. എന്നാല് ശബരിമല സമരത്തിലൂടെ പാര്ട്ടിക്ക് ഊര്ജ്ജം നല്കുകയും ആറന്മുള, കോന്നി തെരഞ്ഞെടുപ്പുകളില് വോട്ട് വിഹിതം കുത്തനെ കൂട്ടുകയും ചെയ്ത സുരേന്ദ്രനെ അധ്യക്ഷസ്ഥാനത്ത് കൊണ്ടുവരണമെന്നാണ് ഭൂരിപക്ഷം പ്രവര്ത്തകരുടെയും അണികളുടെയും ആഗ്രഹം. പ്രസിഡന്റ് തെരഞ്ഞെടുപ്പിന് മുന്നോടിയായി നിയോജകമണ്ഡലം പ്രസിഡന്റ്മാരെ തീരുമാനിക്കാന് ഇന്നലെ ചേര്ന്ന സംസ്ഥാന നേതൃയോഗത്തില് ധാരണയായി. 140 നിയോജകമണ്ഡലങ്ങളില് 20 ഇടത്ത് മാത്രമാണ് തര്ക്കമുള്ളത്. അതിനാല് സമവായ ചര്ച്ച നടക്കും.
https://www.facebook.com/Malayalivartha
