മത്സ്യബന്ധനത്തിന് പോയി കാണാതായ മത്സ്യത്തൊഴിലാളികളെ കണ്ടെത്തി. പൊന്നാനി തുറമുഖത്ത് നിന്നും കാണാതായ ഇവരെ കൊച്ചിയ്ക്ക് അടുത്ത കടലിൽ നിന്നുമാണ് കണ്ടെത്തിയത്. ഇവിടെ മീൻ പിടിക്കാൻ പോയ മത്സ്യത്തൊഴിലാളികളാണ് കൊച്ചിയിലെ കടലിൽ നിന്നും കണ്ടെത്തിയത്. ഉച്ചക്ക് ഒരു മണിയോടെ മൂന്നു പേരും കൊച്ചി തുറമുഖത്ത് സുരക്ഷിതരായി എത്തിച്ചേരുകയായിരുന്നു. അവശരായതിനാൽ മൂന്നു പേരെയും പറവൂർ ഗവൺമെന്‍റ് ആശുപത്രിയിൽ പ്രവേശിപ്പിക്കുകയുണ്ടായി.

പൊന്നാനി സ്വദേശികളായ മുജീബ്, സുള്‍ഫീക്കർ, ബാവ എന്നിവരെയാണ് കണ്ടെത്തിയത്. കഴിഞ്ഞ വെളളിയാഴ്ച കടലിൽ പോയ മൂന്നു പേരും അഞ്ച് ദിവസങ്ങളായി തിരിച്ചെത്താത്തതിനെ തുടർന്ന് ബന്ധുക്കൾ പൊലീസിൽ പരാതി നൽകി. നിയന്ത്രണം നഷ്ടപ്പെട്ട് തോണി കൊച്ചി ഭാഗത്തേക്ക് പോകുകയായിരുന്നുവെന്നാണ് രക്ഷപ്പെട്ട മത്സ്യത്തൊഴിലാളികൾ വ്യക്തമാക്കി.