ഇറാനില് തകര്ന്നുവീണ യുക്രൈന് വിമാനത്തിന്റെ ബ്ലാക്ക് ബോക്സ് അമേരിക്കയ്ക്ക് കൈമാറില്ലെന്ന് ഇറാന്; വിമാനത്തിന്റെ രണ്ട് ബ്ലാക്ക് ബോക്സുകളും കണ്ടെത്തി; പരിശോധനയ്ക്കായി ഇവ ഏത് രാജ്യത്തേക്കാവും അയയ്ക്കുകയെന്ന് ഇപ്പോള് പറയാനാകില്ല
ഇറാനില് തകര്ന്നുവീണ യുക്രൈന് എയര്ലൈന്സ് വിമാനത്തിന്റെ ബ്ലാക്ക് ബോക്സ് അമേരിക്കയ്ക്ക് കൈമാറില്ലെന്ന് ഇറാന് വ്യക്തമാക്കി. ഇറാന് വ്യോമയാന അതോറിറ്റി വൃത്തങ്ങളെ ഉദ്ധരിച്ച് വാര്ത്താ ഏജന്സി റിപ്പോര്ട്ടു ചെയ്തതാണ് ഇക്കാര്യം.
ബ്ലാക്ക് ബോക്സുകള് വിമാനത്തിന്റെ നിര്മാതാക്കളായ ബോയിങ്ങിനോ അമേരിക്കയ്ക്കോ കൈമാറില്ലെന്ന് ഇറാന് സിവില് ഏവിയേഷന് ഓര്ഗനൈസേഷന് തലവന് വ്യക്തമാക്കി. പരിശോധനയ്ക്കായി ഇവ ഏത് രാജ്യത്തേക്കാവും അയയ്ക്കുകയെന്ന് ഇപ്പോള് പറയാനാകില്ലെന്നും അദ്ദേഹം പറഞ്ഞു. രാജ്യാന്തര നിയമങ്ങള് പ്രകാരം അപകടം നടന്നത് ഏത് രാജ്യത്തുവച്ചാണോ ആ രാജ്യത്തിനാവും അന്വേഷണത്തിന്റെ ഉത്തരവാദിത്വമെന്നും അദ്ദേഹം ചൂണ്ടിക്കാട്ടി.
വിമാനത്തിന്റെ രണ്ട് ബ്ലാക്ക് ബോക്സുകളും കണ്ടെത്തിയതായി ഇറാന് നേരത്തെ അറിയിച്ചിരുന്നു. അതിനിടെ ബ്രിട്ടന്, ഫ്രാന്സ്, ജര്മനി, അമേരിക്ക എന്നീ ചുരുക്കം ചില രാജ്യങ്ങള്ക്ക് മാത്രമാണ് ബ്ലാക്ക് ബോക്സിലെ വിവരങ്ങള് വിശകലനം ചെയ്യാനുള്ള സൗകര്യമുള്ളതെന്ന് വാര്ത്താ ഏജന്സികളുടെ റിപ്പോര്ട്ടില് പറയുന്നു.
ടെഹ്റാനിലെ ഇമാം ഖൊമെയ്നി ഇന്റര്നാഷണല് എയര്പോര്ട്ടില്നിന്ന് ബുധനാഴ്ച രാവിലെ പറന്നുയര്ന്ന യുക്രൈന് ഇന്റര്നാഷണല് എയര്ലൈന്സ് വിമാനം വിമാനത്താവളത്തില്നിന്ന് 45 കിലോമീറ്റര് അകലെയുള്ള ഖലാജ് അബാദ് എന്ന സ്ഥലത്താണ് തകര്ന്നുവീണത്. യുെ്രെകനിലെ കീവിലേക്ക് പോയ വിമാനമാണിത്. അതില് ഉണ്ടായിരുന്ന176 പേരില് ആരും രക്ഷപ്പെട്ടിട്ടില്ലെന്ന് ഇറാന് വ്യക്തമാക്കിയിരുന്നു. 2016 ല് നിര്മ്മിച്ച ബോയിങ് വിമാനമാണ് തകര്ന്നുവീണത്. രണ്ടു ദിവസം മുമ്ബ് വിമാനം പരിശോധനയ്ക്ക് വിധേയമാക്കിയിരുന്നു. അപകടത്തിന്റെ കാരണം എന്താണെന്ന് വിമാനക്കമ്ബനി ഇതുവരെ വ്യക്തമാക്കിയിട്ടില്ല. എന്ജിന് തകരാറാകാം അപകട കാരണമെന്ന് പ്രാഥമിക റിപ്പോര്ട്ടുകള് പുറത്തുവന്നിരുന്നു.
ഇറാന്റെ മുതിര്ന്ന സൈനിക കമാന്ഡര് ഖാസിം സുലൈമാനിയെ അമേരിക്ക ഡ്രോണ് ആക്രമണത്തില് വധിച്ചതിന് പ്രതികാരമെന്നോണം ഇറാഖിലെ സൈനികതാവളങ്ങള്ക്കുനേരെ ഇറാന് മിസൈലുകള്വര്ഷിച്ചതിന് തൊട്ടുപിന്നാലെയാണ് വിമാനം തകര്ന്നുവീണത്. അമേരിക്കന് വിമാനങ്ങള് ഇനി ഇറാന്, ഇറാഖ്, ഗള്ഫ് രാജ്യങ്ങള് എന്നിവയുടെ വ്യോമാതിര്ത്തിയിലൂടെ പറക്കില്ലെന്ന് ഇറാന്റെ മിസൈല് ആക്രമണത്തിന് തൊട്ടുപിന്നാലെ അമേരിക്കന് ഫെഡറല് ഏവിയേഷന് അഡ്മിനിസ്ട്രേഷന് വ്യക്തമാക്കിയിരുന്നു. ഇറാന്റെയും ഇറാഖിന്റെയും വ്യോമപാതയിലൂടെ ഇനി പറക്കില്ലെന്ന്മറ്റ് പ്രധാന വിമാനക്കമ്ബനികളും വ്യക്തമാക്കിയിരുന്നു.
https://www.facebook.com/Malayalivartha
