നൊബേല് സമ്മാന ജേതാവിനെ പണിമുടക്ക് ദിനത്തില് തടഞ്ഞതിന് നാലുപേര് അറസ്റ്റില്
നൊബേല് സമ്മാന ജേതാവായ മൈക്കില് ലെവിറ്റും ഭാര്യയും ഉള്പ്പെടെയുള്ളവരെ ആലപ്പുഴയില് തടഞ്ഞ സംഭവത്തില് നാലുപേര് അറസ്റ്റില്. ദേശീയ പണിമുടക്ക് ദിനമായ ഇന്നലെ പണിമുടക്ക് അനുകൂലികള് പുരവഞ്ചി തടഞ്ഞപ്പോഴാണ് ഇവര് കുടുങ്ങിയത്.
കുട്ടനാട് കൈനകരി സ്വദേശികളും സിഐടിയു അനുഭാവികളുമായ നാലുപേരാണ് സംഭവത്തില് അറസ്റ്റിലായത്. പുളിങ്കുന്ന് പോലീസാണ് ഇവരെ പിടികൂടിയത്്.
കേരളാ സര്വകലാശാലയില് പ്രഭാഷണത്തിനായി സര്ക്കാരിന്റെ അതിഥിയായാണ് 2013-ലെ രസതന്ത്ര നൊബേല് ജേതാവായ ലെവിറ്റ് കേരളത്തില് എത്തിയത്. സംഭവം വിവാദമായതിന് പിന്നാലെ വ്യാഴാഴ്ച ആലപ്പുഴ-കോട്ടയം കളക്ടര്മാര് ലെവിനെ നേരില് കണ്ട് സര്ക്കാരിനു വേണ്ടി ഖേദം അറിയിച്ചിരുന്നു.
എന്നാല്, സംഭവത്തില് പരാതിയില്ലെന്നായിരുന്നു മൈക്കില് ലെവിറ്റിന്റെ പ്രതികരണം.
വിവാദത്തോട് പ്രതികരിക്കാനില്ല. കേരളം നല്ലയിടമാണെന്നും അദ്ദേഹം കൂട്ടിച്ചേര്ത്തു. മൊഴിരേഖപ്പെടുത്താനായി പോലീസ് അദ്ദേഹത്തെ ബന്ധപ്പെട്ടിരുന്നുവെങ്കിലും ഇതു തന്നെയായിരുന്നു മറുപടി.
https://www.facebook.com/Malayalivartha
