പുലിവാലുപിടിച്ച് അനില്‍ അക്കര എംഎല്‍എ. തന്റെ ഫേസ്ബുക്ക് പേജില്‍ പോസ്റ്റ് ചെയ്ത ഒരു ചിത്രവും ക്യാപ്ഷനുമാണ് ഇപ്പോള്‍ അനില്‍ അക്കര എംഎല്‍എയ്ക്കു പുലിവാലായിരിക്കുന്നത്. ഡൽഹിയിൽ കെപിസിസി, യൂത്ത് കോണ്‍ഗ്രസ് പുന: സംഘടനയുമായി ബന്ധപ്പെട്ട് ഹൈക്കമാന്‍ഡുമായി ചര്‍ച്ചയ്‌ക്കെത്തിയ കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍, ഉമ്മന്‍ ചാണ്ടി, രമേശ് ചെന്നിത്തല, ശശി തരൂര്‍ എംപി എന്നീ നാലുപേരുടെ ചിത്രമാണ് അനില്‍ അക്കര പോസ്റ്റ് ചെയ്തത്. ചിത്രത്തിന് ക്യാപ്ഷനായി 'ഇവര്‍ക്ക് ഒരുമിച്ച്‌, തീര്‍ക്കാവുന്നതേയുള്ളൂ മോഡി, അമിത് ഷാ ടീംസിനെ' എന്നും കുറിച്ചു.

അനില്‍ അക്കര ഫോട്ടോ പോസ്റ്റ് ചെയ്തതോടെ സ്വന്തം നേതാക്കളെ തന്നെ ഇങ്ങനെ ട്രോളാമോ എന്നു ചോദിച്ചുള്ള കമന്റുകൾ ഉയരുകയാണ്. അനില്‍ അക്കരെ ശരിക്കും കോണ്‍ഗ്രസ് നേതാക്കളെ ട്രോളിയതാണോ എന്ന അന്വേഷിച്ച്‌ പ്രാദേശിക കോണ്‍ഗ്രസ് നേതാക്കളും രംഗത്തെത്തിയിട്ടുണ്ട്.