നട അടച്ചാലും ശബരിമലയിൽ കാണിക്ക എണ്ണി തീരില്ല, ഇന്നലെ വരെ എണ്ണി തിട്ടപ്പെടുത്തിയത് 263 കോടി..ഇനിയും പെട്ടി കണക്കിന് നോട്ടുകളും നാണയങ്ങളും എണ്ണാൻ ബാക്കി
നട അടച്ചാലും ശബരിമലയിൽ കാണിക്ക എണ്ണി തീരില്ല, ഇന്നലെ വരെ എണ്ണി തിട്ടപ്പെടുത്തിയത് 263 കോടി..ഇനിയും പെട്ടി കണക്കിന് നോട്ടുകളും നാണയങ്ങളും എണ്ണാൻ ബാക്കി
മണ്ഡല മകരവിളക്ക് തീർത്ഥാടനം ഇന്ന് പൂർത്തിയാകും. ശബരിമല നട അടയ്ക്കുമ്പോഴും കാണിക്കയായി ലഭിച്ച തുക എണ്ണിത്തീർന്നിട്ടില്ല. അഞ്ചുകോടിയോളം രൂപയുടെ നാണയങ്ങൾ ഇനിയും എണ്ണാനുണ്ട്. ഇതിനായി ഫെബ്രുവരി 5 ന് ഭണ്ഡാരം വീണ്ടും തുറക്കും.
ഭണ്ഡാരത്തിൽ ജീവനക്കാർ കുറവായതും പുതിയ ഭണ്ഡാരത്തിലെ സ്ഥലപരിമിതിയും ആണ് കാണിക്ക എണ്ണിത്തീരാൻ വൈകുന്നതിന് കാരണമായി പറയുന്നത് .. പുതിയ ഭണ്ഡാരത്തിലെ സ്ഥലപരിമിതിയെ തുടർന്ന് പഴയ ഭണ്ഡാരം കൂടി തുറന്നിരുന്നു . രണ്ട് ഘട്ടങ്ങളിലായി ഇരുനൂറോളം പേരെ കാണിക്ക എണ്ണുന്നതിനായി നിയമിസിച്ചിരുന്നെങ്കിലും എന്നി തീരുന്നതിനു മുൻപ് മിക്കവരും തിരികെപ്പോയി.
തിരുപ്പതി മോഡലിൽ നാണയങ്ങൾ തൂക്കി എണ്ണിത്തിട്ടപ്പെടുത്താൻ ഇത്തവണ സംവിധാനമുണ്ട്. പക്ഷേ നാണയങ്ങൾ തരം തിരിച്ചാലേ ഇത് നടക്കു. 40 ചാക്കോളം കാണിപ്പണവും നെയ്യ്, മഞ്ഞൾ എന്നിവ പിടിച്ച 5 പെട്ടി നോട്ടും എണ്ണാൻ വേറെയുണ്ട്. ഇത് കാരം ഉപയോഗിച്ച് കഴുകി ഉണക്കിയെടുക്കേണ്ടി വരും. വീണ്ടും ഭണ്ഡാരം തുറന്ന് അടയ്ക്കുന്നത് വരെ ആശുപത്രിയും മെസും മറ്റും പ്രവർത്തിക്കേണ്ടി വരുന്നതിനാൽ ബോർഡിന് സാമ്പത്തിക നഷ്ടവുമുണ്ടാകും.
ഇന്നലെ വരെ 263 കോടി രൂപയാണ് ഈ സീസണിലെ തിട്ടപ്പെടുത്തിയ നടവരുമാനം. നാണയം കൂടി എണ്ണുന്നതോടെ ഇത് 268 കോടിയിലെത്തുമെന്നാണ് പ്രതീക്ഷിക്കുന്നത്
https://www.facebook.com/Malayalivartha