ഗവര്ണര് ആരിഫ് മുഹമ്മദ് ഖാന് അവതരിപ്പിക്കാനുള്ള നയപ്രഖ്യാപന പ്രസംഗത്തിന് മന്ത്രിസഭയുടെ അംഗീകാരം
ഗവര്ണര് ആരിഫ് മുഹമ്മദ് ഖാന് അവതരിപ്പിക്കാനുള്ള നയപ്രഖ്യാപന പ്രസംഗത്തിന് മന്ത്രിസഭ അംഗീകാരം നല്കി. പൗരത്വ ഭേദഗതി നിയമത്തിനെതിരായ വിമര്ശനങ്ങളും നയപ്രഖ്യാപന പ്രസംഗത്തില് ഉള്പ്പെടുത്തിയിട്ടുണ്ട്. ഈ മാസം 29നാണ് ഗവര്ണര് നിയമസഭയില് നയപ്രഖ്യാപന പ്രസംഗം നടത്തുക. നേരത്തെ, പൗരത്വ നിയമ ഭേദഗതി വിഷയത്തില് സര്ക്കാരും ഗവര്ണറും തമ്മിലുള്ള അഭിപ്രായ ഭിന്നത് പരസ്യമായ വാഗ്വാദങ്ങളിലേക്ക് മാറിയിരുന്നു.
തന്നോട് ആലോചിക്കാതെ പ്രമേയം പാസാക്കിയതും, സുപ്രീംകോടതിയെ സമീപിച്ചതുമെല്ലാം ഗവര്ണറെ ചൊടിപ്പിച്ചിരുന്നു. ഇത്തരം നടപടികള് ചട്ടവിരുദ്ധമാണ് എന്നും അദ്ദേഹം വാദിച്ചിരുന്നു. ഈ സാഹചര്യത്തില് നയപ്രഖ്യാപന പ്രസംഗം സംബന്ധിച്ച് ഗവര്ണര് സ്വീകരിക്കുന്ന നിലപാട് സര്ക്കാരിന് വിനയാകുമെന്ന ആശങ്കകള് ഉയര്ന്നിരുന്നു. ഈ ആശങ്കകള് നിലനില്ക്കുന്നതിനിടെയാണ് നയപ്രഖ്യാപന പ്രസംഗത്തിന് മന്ത്രിസഭ അംഗീകാരം നല്കിയത്.
L" fra
https://www.facebook.com/Malayalivartha