ബി.ജെ.പിക്കൊപ്പമോ മോദിക്കൊപ്പമോ; പൗരത്വ ഭേദഗതി നിയമവുമായി ബന്ധപ്പെട്ടു ബിജെപിക്കെതിരെ നടക്കുന്ന ബഹിഷ്‌കരണത്തിനെതിരെ മുതിര്‍ന്ന കോണ്‍ഗ്രസ് നേതാവ് ആര്യാടന്‍ മുഹമ്മദ്
പൗരത്വ ഭേദഗതി നിയമവുമായി ബന്ധപ്പെട്ടു ബിജെപിക്കെതിരെ നടക്കുന്ന ബഹിഷ്‌കരണത്തിനെതിരെ മുതിര്‍ന്ന കോണ്‍ഗ്രസ് നേതാവ് ആര്യാടന്‍ മുഹമ്മദ്. അഭിപ്രായ സ്വാതന്ത്ര്യം എല്ലാവര്‍ക്കും ഉണ്ടെന്ന് ആര്യാടന്‍ മൂഹമ്മദ് പറഞ്ഞു.
ബിജെപിക്കെതിരെ ഇപ്പോള്‍ നടക്കുന്ന ബഹിഷ്‌കരണ സമരം ന്യായീകരിക്കാനാവില്ല. ഇത് തെറ്റാണെണെന്നും അഭിപ്രായം പറയാന്‍ എല്ലാവര്‍ക്കും എന്ന പോലെ ബിജെപിക്കും അവകാശമുണ്ടെന്നും ആര്യാടന്‍ മുഹമ്മദ് പറഞ്ഞു.
പൗരത്വ ഭേദഗതി നിയമത്തിനെതിരെയുള്ള സമരത്തില്‍ സിപിഎമ്മിന് ആത്മാര്‍ത്ഥത ഇല്ല. പഞ്ചായത്ത് തെരഞ്ഞെടുപ്പ് മാത്രമാണ് സിപിഎമ്മിന്റെ ലക്ഷ്യം. വോട്ട് ബാങ്ക് രാഷ്ട്രീയമാണ് സിപിഎം കളിക്കുന്നതെന്നും ആര്യാടന്‍ മുഹമ്മദ് പറഞ്ഞു.
ഭരണഘടന നല്‍കുന്ന അഭിപ്രായ സ്വാതന്ത്ര്യം എല്ലാവര്‍ക്കുമുണ്ടെന്നും അദ്ദേഹം കൂട്ടിച്ചേര്‍ത്തു. മലപ്പുറം ജില്ലയില്‍ അടക്കം ബിജെപിയുടെ ജന ജാഗ്രതാ സമ്മേളനത്തിന് എതിരെ ബഹിഷ്‌കരണം നടന്ന സാഹചര്യത്തിലാണ് ആര്യാടന്‍ മുഹമ്മദിന്റെ പ്രതികരണം.
https://www.facebook.com/Malayalivartha
