ബസ്റ്റ് അമ്മായിയും മകളും... ഭര്ത്താവിന് മറ്റൊരു കാമുകി ഉണ്ടെന്നറിഞ്ഞാല് ഏതെങ്കിലും ഭാര്യ സഹിക്കുമോ? ആ കാമുകി അമ്മായിയമ്മയായാലോ; ഭര്ത്താവിന്റെ കുഞ്ഞിന് അമ്മ ജന്മം നല്കാന് ഒരുങ്ങുന്നു എന്ന് ഭാര്യ അറിഞ്ഞാലോ; സിനിമാ കഥയെപ്പോലും വെല്ലുന്ന ട്വിസ്റ്റ്
പ്രണയം എത്ര പവിത്രമാണെന്നാണ് പറയുന്നത്. പലര്ക്കും പലരോടും പ്രണയം തോന്നും. എന്നാല് ആ പ്രണയം ഒരിക്കലും ശാശ്വതമായിരിക്കില്ല. എപ്പോള് വേണമോ ഇഷ്ടക്കേട് തോന്നാം. ഒറ്റ നിമിഷം കൊണ്ട് ആ പ്രണയം തകര്ന്നടിഞ്ഞെന്നും വരാം. ആത്മാര്ത്ഥ പ്രണയത്തിന്റെ അവസാനം ചിലപ്പോഴെങ്കിലും വിവാഹത്തിലെത്താറാണ് പതിവ്. എന്നാല് ആഗ്രഹിച്ച് കെട്ടിയാലും പിന്നെ സംശയവും ബഹളവുമാകുന്ന എത്ര കുടുംബങ്ങളാ ഉള്ളത്. കെട്ടേണ്ടിയിരുന്നില്ല എന്നും ഇയാളെ തന്നെ എന്റെ തലയില് കെട്ടിവച്ചല്ലോ ഈശ്വരാ എന്നും ചിന്തിക്കുന്നവരും കുറവല്ല. എന്നാല് ഇതൊക്കെ പാവം മലയാളികളുടെ കഥ. അതൊക്കെ എന്തോന്ന് എന്ന് തോന്നിപ്പിക്കുന്ന സംഭവമാണ് സൗത്ത് വെസ്റ്റ് ലണ്ടനില് നിന്നും പുറത്ത് വരുന്നത്.
മകളുടെ ഭര്ത്താവിനെ അമ്മ പ്രണയിച്ചു എന്നതാണ് വാര്ത്ത മാത്രമല്ല മകളുടെ ഭര്ത്താവില് നിന്നും അമ്മ കുഞ്ഞിന് ജന്മം നല്കുകയും ചെയ്തുവത്രെ. സ്വന്തം അമ്മയും ഭര്ത്താവും ചേര്ന്ന് തന്നെ ചതിക്കുന്ന വിവരം വളരെ വൈകിയാണ് യുവതി അറിയുന്നത്. ഈ വിവരം യുവതി തന്നെയാണ് പങ്കുവെച്ചത്.
15 വര്ഷം പിന്നിട്ടിട്ടും അമ്മയും ഭര്ത്താവും ചേര്ന്ന് നടത്തിയ ചതിയുടെ ഞെട്ടലില് നിന്നും ലോറന് എന്ന 34കാരി മുക്തയായിട്ടില്ല. 2004 ആഗസ്തിലാണ് ലൊറനും എയര്പോര്ട്ട് ജീവനക്കാരനുമായ പോള് വൈറ്റും വിവാഹിതര് ആകുന്നത്. വിവാഹത്തിന് രണ്ട് വര്ഷം മുമ്പ് തന്നെ ഇരുവരും ഒന്നിച്ച് ജീവിതം തുടങ്ങിയതില് ഒരു കുഞ്ഞുണ്ടായിരുന്നു. കുഞ്ഞിന്റെ ജനനത്തോടെ ജീവിതം ആരംഭിക്കാന് ഇരുവരും നിശ്ചയിച്ചു.
ഇരുവരുടെയും തീരുമാനം ലോറന്റെ അമ്മയും പിന്തുണച്ചു. ആര്ഭാടത്തോടെ അമ്മ തന്നെ മകളുടെ വിവാഹം നടത്തി കൊടുത്തു. എല്ലാത്തിനും അമ്മ ഒപ്പം നിന്നതോടെ അമ്മയോടുള്ള സ്നേഹം ലോറന് കൂടി വന്നു. ഇതോടെ വിവാഹ ശേഷം ഉള്ള ആദ്യ യാത്രയില് ലോറന് അമ്മയെയും ഒപ്പം കൂട്ടി. എന്നാല് മൂന്നാഴ്ച നീണ്ട ആ യാത്രയാണ് ലോറന്റെ ജീവിതത്തെ തകിടം മറിച്ചത്. മധുവിധു യാത്രക്കിടെ ലോറന്റെ ഭര്ത്താവ് അമ്മയുമായി അടുക്കുകയായിരുന്നു
മൂന്ന് ആഴ്ചയ്ക്ക് ശേഷം വീട്ടില് തിരികെ എത്തിയപ്പോള് ആള് ആകെ മാറി. മണിക്കൂറുകളോളം ഫോണില് ചെലവഴിക്കാന് തുടങ്ങി. പലപ്പോഴും വീട്ടില് വളരെ വൈകിയെത്തി. ലൊറനെ അവഗണിച്ചു. പോളിന്റെ പെരുമാറ്റത്തില് ലോറന് സംശയം തോന്നി. അപ്പോഴും അമ്മയെ സംശയിച്ചില്ല. ഒരു ദിവസം ലൊറന്റെ സഹോദരിയാണ് അമ്മയുടെ ഫോണിലേക്ക് പോള് അയച്ച സന്ദേശങ്ങള് കണ്ടെത്തിയത്. ലൊറന് ഇതേക്കുറിച്ച് അമ്മയോട് ചോദിച്ചപ്പോള് ലൊറന് ഭ്രാന്ത് പറയുക ആണെന്ന് ആയിരുന്നു മറുപടി.
എന്നാല് ഈ ബന്ധം അധികകാലം ജൂലിക്കും പോളിനും മറച്ചുവെക്കാന് സാധിച്ചില്ല. ലൊറനെ ഉപേക്ഷിച്ച് പോള് അമ്മയ്ക്കൊപ്പം താമസം ആരംഭിച്ചു. ഇരുവരും വീടു വിട്ടുപോയ ശേഷം മറ്റൊരു ഞെട്ടിക്കുന്ന വാര്ത്ത കൂടി ലോറന് അറിഞ്ഞു. തന്റെ ഭര്ത്താവില് നിന്നും അമ്മ ഗര്ഭിണിയാണെന്ന്. മാനസികമായി ലൊറന് തകര്ന്നു. എന്നാല് ലോറന് തന്നെ മുന്കയ്യെടുത്ത് അമ്മയുടെയും ഭര്ത്താവിന്റെ വിവാഹം നടത്തി. സ്വന്തം കുഞ്ഞിന് വേണ്ടിയാണ് ലൊറന് വിവാഹത്തില് പങ്കെടുത്തത്. ഏറെ സ്നേഹിക്കുകയും വിശ്വസിക്കുകയും ചെയ്ത രണ്ടുപേര് കാണിച്ച ചതി ലൊറന്റെ ജീവിതത്തില് വലിയ ആഘാതമാണ് സൃഷ്ടിച്ചത്. ആ ആഘാതത്തില് നിന്നും പുറത്ത് വരാന് ഏറെ നാള് വേണ്ടി വരുമെന്നാണ് ലൊറ പറയുന്നത്. ഇങ്ങനെയൊരാള്ക്കും സംഭവിക്കരുത് എന്നാണ് അവരുടെ പ്രാര്ത്ഥന.
"
https://www.facebook.com/Malayalivartha