പുള്ളിക്കാരി സ്റ്റാര് ആണ്... ഇഷാന് സൂര്യ ദമ്പതികള്ക്ക് പിന്നാലെ കേരളത്തില് മറ്റൊരു ട്രാന്സ്ജെന്ഡര് വിവാഹത്തിന് സാക്ഷിയാകുന്നു; ചേരാവള്ളി മുസ്ലിം ജമാഅത്ത് പള്ളി കമ്മിറ്റിക്ക് പിന്നാലെ താരമായി എറണാകുളം കരയോഗവും
രാഷ്ട്രീയക്കാര് പൗരത്വ ബില്ലിന് പുറകേ പോയി തമ്മിലടിക്കുമ്പോള് മതസൗഹാര്ദ്രത്തിന്റെ വെള്ളരിപ്രാവുകളായി പള്ളിക്കമ്മിറ്റി മാറുന്ന അപൂര്വ കാഴ്ചയാണ് കേരളം കണ്ടത്. ചേരാവള്ളി മുസ്ലിം ജമാഅത്ത് പള്ളി അങ്കണം കഴിഞ്ഞ ഞായറാഴ്ചയാണ് ഇതിന് സാക്ഷിയായത്. പള്ളി മുറ്റത്തൊരുക്കിയ കതിര്മണ്ഡപത്തിലാണ് അഞ്ജുവിന് ശരത് താലി ചാര്ത്തിയത്.
ചേരാവള്ളി അമൃതാഞ്ജലിയില് പരേതനായ അശോകന്റെയും ബിന്ദുവിന്റെയും മകളാണ് അഞ്ജു. മകളുടെ വിവാഹം നടത്താന് നിവൃത്തിയില്ലാതെ ബുദ്ധിമുട്ടിലായ ബിന്ദു, ജമാഅത്ത് കമ്മിറ്റിയുടെ സഹായം തേടുകയായിരുന്നു. ചേരാവള്ളി അമൃതാഞ്ജലിയില് പരേതനായ അശോകന്റെയും ബിന്ദുവിന്റെയും മകളാണ് അഞ്ജു. മകളുടെ വിവാഹം നടത്താന് നിവൃത്തിയില്ലാതെ ബുദ്ധിമുട്ടിലായ ബിന്ദു, ജമാഅത്ത് കമ്മിറ്റിയുടെ സഹായം തേടുകയായിരുന്നു. ചേരാവള്ളി അമൃതാഞ്ജലിയില് പരേതനായ അശോകന്റെയും ബിന്ദുവിന്റെയും മകളാണ് അഞ്ജു. മകളുടെ വിവാഹം നടത്താന് നിവൃത്തിയില്ലാതെ ബുദ്ധിമുട്ടിലായ ബിന്ദു, ജമാഅത്ത് കമ്മിറ്റിയുടെ സഹായം തേടുകയായിരുന്നു.
ഇപ്പോള് സമാനമായ മറ്റൊരു സംഭവത്തിനാണ് എറണാകുളത്ത് വേദിയായത്. കേരളത്തിലെ ആദ്യ ട്രാന്സ്ജെന്ഡര് ജേണലിസ്റ്റായ ഹെയ്ദി സാദിയയുടെ വിവാഹത്തിന് വേദിയൊരുക്കിയിരിക്കുകയാണ് എറണാകുളം കരയോഗം. ശ്രീ സത്യസായി ഓര്ഫനേജ് ട്രസ്റ്റും എറണാകുളം കരയോഗവും ചേര്ന്നാണ് വിവാഹം നടത്തുന്നത്. 26ന് എറണാകുളം ടി.ഡി.എം. ഹാളില് രാവിലെ 10.45നും 11.30നും മധ്യേയുള്ള മുഹൂര്ത്തത്തിലാണ് വിവാഹം. സത്യസായി ഓര്ഫനേജ് ട്രസ്റ്റാണ് വിവാഹം നടത്താന് മുന്കൈയെടുത്തത്.
സ്വകാര്യ വാര്ത്താ ചാനലിലെ അവതാരകയാണ് ഹെയ്ദി സാദിയ. രഞ്ജു രഞ്ജിമാരുടെ മകളാണ് ഹെയ്ദി. സുഹൃത്തും ഹരിപ്പാട് കരുവാറ്റ സ്വദേശിയുമായ അഥര്വ് മോഹനാണ് വരന്. തിരുവനന്തപുരത്ത് സ്വകാര്യ കമ്പനിയില് അക്കൗണ്ടന്റാണ് അഥര്വ്.
സ്പെഷ്യല് മാര്യേജ് ആക്ട് പ്രകാരം കേരളത്തില് നടക്കുന്ന നാലാമത്തെ ട്രാന്സ്ജെന്ഡര് വിവാഹമാണിത്. ഹെയ്ദി ട്രാന്സ് വുമണും അര്ഥവ് ട്രാന്സ്മാനുമാണ്. ഇരു വീട്ടുകാരും ചേര്ന്നാണ് വിവാഹം ഉറപ്പിച്ചത്. കരുവാറ്റ തട്ടുപുരയ്ക്കല് മോഹനന്റെയും ലളിതയുടെയും മകനാണ് അഥര്വ്. ട്രാന്സ്ജെന്ഡര് ദമ്പതിമാരായ ഇഷാന് കെ. ഷാന്, സൂര്യ ഇഷാന് എന്നിവരുടെ വളര്ത്തുമകന് കൂടിയാണ് അഥര്വ്.
വിവാഹം നടത്താനുള്ള വേദിയുടെ ആവശ്യത്തിനായി സത്യസായി ഓര്ഫനേജ് ട്രസ്റ്റ് കരയോഗത്തെ സമീപിക്കുകയായിരുന്നു. തുടര്ന്ന് ഒരുമിച്ച് നടത്താമെന്ന തീരുമാനത്തിലെത്തുകയായിരുന്നുവെന്ന് കരയോഗം പ്രസിഡന്റ് കൃഷ്ണമേനോന് പറഞ്ഞു. വിവാഹ ഒരുക്കങ്ങളുടെ ആലോചനകള് നടന്നുവരികയാണെന്ന് അദ്ദേഹം പറഞ്ഞു.
കേരളത്തിലെ ആദ്യത്തെ ട്രാന്സ്ജെന്ഡര് വിവാഹം ഇഷാന് സൂര്യ ദമ്പതികളുടേയാണ്. ലിംഗമാറ്റ ശസ്ത്രക്രിയയിലൂടെ സ്ത്രീയായി മാറിയ സൂര്യയും പുരുഷനായി മാറിയ ഇഷാന് കെ ഷാനും സ്പെഷ്യല് മാര്യേജ് ആക്ട് പ്രകാരമാണ് ഇവര് വിവാഹിതരായത്.
തിരുവനന്തപുരം മന്നം മെമ്മോറിയല് ഹാളില് ആയിരങ്ങളെ സാക്ഷിയാക്കിയാണ് സൂര്യയുടെ കഴുത്തില് ഇഷാന് മിന്നുകെട്ടിയത്. നൂറുകണക്കിന് ട്രാന്സ്ജെന്ഡേഴ്സും വിവാഹത്തിന് സാക്ഷ്യം വഹിച്ചു. നിരവധി പ്രമുഖര് ഇവര്ക്ക് ആശംസ അര്പ്പിക്കാനായെത്തി. കേരളത്തിന്റെ പൊതുബോധം രാജ്യത്തിനാകെ മാതൃകയാണെന്ന സന്ദേശമാണ് ഇതിലൂടെ ഉണ്ടായതെന്ന് പ്രശസ്ത സാമൂഹ്യപ്രവര്ത്തകയും അഭിനേത്രിയുമായ ശീതള് ശ്യാം പ്രതികരിച്ചു. പാട്ടും നൃത്തവും അടങ്ങിയ ആഘോഷങ്ങള് സദസ്സിനെ അക്ഷരാര്ത്ഥത്തില് ആവേശഭരിതരാക്കിയിരുന്നു. ഇതുപോലെ ആഘോഷമാക്കാനൊരുങ്ങുകയാണ് ഹെയ്ദി സാദിയുടെ വിവാഹവും.
"
https://www.facebook.com/Malayalivartha