ലഹരിയുടെ ഉപയോഗം അതിരു കടന്നതോടെ കൺട്രോൾ പോയി... മതിലില് തലയിടിച്ച് പൊട്ടിച്ച് യുവാവ് ; ചോരയൊലിപ്പിച്ച് നിന്ന യുവാവിനെ കണ്ട് ഓടിയെത്തിയ പൊലീസിനോട് തട്ടിക്കയറി.. എസ്ഐയ്ക്ക് നേരെ കത്തി വീശിയതോടെ പ്രശ്നം വഷളായി... കൊച്ചി ഹൈക്കോടതി ജംക്ഷനില് ഭീകരാന്തരീക്ഷം സൃഷ്ടിച്ച് മൂവര് സംഘം പിടിയിലായതോടെ പുറത്ത് വരുന്നത്..
23 JANUARY 2020 03:05 PM IST
മലയാളി വാര്ത്ത
കഴിഞ്ഞ ദിവസമാണ് നാടിനെ നടുക്കിയ സംഭവമുണ്ടായത്. അമിത ലഹരിയില് ഹൈക്കോടതി ജംക്ഷനില് ഭീകരാന്തരീക്ഷം സൃഷ്ടിച്ച മൂവര്സംഘം പിടിയില്. മട്ടാഞ്ചേരി സ്വദേശി അല്ത്താഫ്, കത്തൃക്കടവ് സ്വദേശി ബ്ലെയ്സി, മുളവുകാട് സ്വദേശി വിശാല് എന്നിവരെയാണു സെന്ട്രല് പൊലീസ് അറസ്റ്റ് ചെയ്തത്. ചൊവ്വാഴ്ച ഉച്ചയ്ക്കു ശേഷം മൂന്നു മണിയോടെയാണ് സംഭവം. ഇവിടെയുള്ള മതിലില് അല്ത്താഫ് സ്വയം തലയിടിക്കുന്നതു കണ്ടാണു പൊലീസെത്തിയത്. ചോരയൊലിപ്പിച്ചു നിന്ന ഇയാള് പൊലീസിനോട് തട്ടിക്കയറി. എസ്ഐക്കു നേരെ കത്തിവീശുകയും ചെയ്തു. തുടര്ന്ന് സെന്ട്രല് സ്റ്റേഷനില് നിന്നു കൂടുതല് പൊലീസുകാരെത്തി മൂവരെയും അറസ്റ്റ് ചെയ്യുകയായിരുന്നു. ഇവര് അമിതമായി ലഹരി ഉപയോഗിച്ചിരുന്നതായി പൊലീസ് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
