കാട്ടാക്കടയില് സ്വന്തം ഭൂമിയിലെ മണ്ണെടുപ്പ് ചോദ്യം ചെയ്ത ഭൂവുടമയെ ജെസിബി കൊണ്ട് അടിച്ചുകൊന്ന കേസില് ഡ്രൈവര് പോലീസിന് മുന്നില് കീഴടങ്ങി
കാട്ടാക്കടയില് സ്വന്തം ഭൂമിയിലെ മണ്ണെടുപ്പ് ചോദ്യം ചെയ്ത ഭൂവുടമയെ ജെസിബി കൊണ്ട് അടിച്ചുകൊന്ന കേസില് ഡ്രൈവര് പോലീസിന് മുന്നില് കീഴടങ്ങി. സംഭവശേഷം ഒളിവില് പോയ പ്രതികളിലൊരാളായ വിജിന് ഇന്ന് രാവിലെയോടെയാണ് കീഴടങ്ങിയത്. ഇന്ന് പുലര്ച്ചെയാണ് കാട്ടാക്കട അമ്പലത്തിന്കാല സ്വദേശിയായ സംഗീതിനെ വിജിന് അടങ്ങിയ ഗുണ്ടാസംഘം ക്രൂരമായി കൊലപ്പെടുത്തിയത്. ഉദ്യോഗസ്ഥരെന്ന വ്യാജേന പ്രതികള് സംഗീതിന്റെ പറമ്പില് മണ്ണെടുക്കാനെത്തിയതിനെ തുടര്ന്നുണ്ടായ തര്ക്കമാണ് കൊലപാതകത്തിലേക്ക് നീങ്ങിയത്.
നേരത്തെ, അനുമതിയോടെ സംഗീതിന്റെ ഭൂമിയില് മണ്ണെടുത്തിരുന്നു. ഇതിന്റെ മറവില് അനുമതിയില്ലാതെ മണ്ണെടുക്കാനെത്തിയ മറ്റൊരു സംഘമാണ് അക്രമം നടത്തിയത്.
https://www.facebook.com/Malayalivartha