വർക്കലയിൽ വാർത്ത റിപ്പോർട്ട് ചെയ്യാൻ എത്തിയ പ്രാദേശിക ചാനൽ പ്രവർത്തകരെ കെ.എസ്.ഇ.ബി ജീവനക്കാരനും പ്രദേശത്തെ ഡി.ഐ.എഫ്.ഐ പ്രവർത്തകനും ചേർന്ന് അകാരണമായിമർദിച്ചതായി പരാതി.. വിസ്മയാ ന്യൂസ് ചാനൽ റിപ്പോർട്ടർ വിജീഷ് ' ക്യാമറമാൻ അനീഷ് എന്നിവർക്കു നേരെയാണ് ആക്രമണം ഉണ്ടായത്. കഴിഞ്ഞ ദിവസം വൈകുന്നേരം 5 മണിയോടെ ഇടവ ഓടയം ജംഗ്ഷനിലാണ് സംഭവം. ഒരു വാർത്തയുമായി ബന്ധപെട്ട പശ്ചാതലം ചിത്രികരിക്കുന്നതിനിടെ സമീപത്തെ ഇലക്ട്രിക്ക് ലൈനിൽ അറ്റകുറ്റ പണി നടത്തുന്ന ജീവനക്കാരൻ പോസ്റ്റിനു മുകളിൽ നിന്ന് അലക്ഷ്യ മായി വലിച്ചെറിഞ്ഞ കയർ കുരുങ്ങി ചാനൽ പ്രവർത്തകരുടെ വാഹനം അപകടത്തിൽ പ്പെടുകയായിരുന്നു.

ഇത് ചോദ്യം ചെയ്തപ്പോൾ കെ.എസ്.ഇ.ബി ജീവനക്കാരൻ ഇലക്ട്രിക്ക് പോസ്റ്റിൽ നിന്നും ഇറങ്ങി വരികയും മാധ്യമ പ്രവർത്തകരെഅസഭ്യം പറയുകയും കയ്യേറ്റം ചെയുകയും ചെയ്തു.ഈ സമയത്ത് അവിടെയുണ്ടായിരുന്ന പ്രദേശ വാസിയായ ഡി.ഐ.എഫ്.ഐ പ്രവർത്തകനും കൂടി ഇവരോടൊപ്പം ചേർന്ന് ചാനെൽ ജീവനക്കാരെ അസഭ്യം പറയുകയും കയ്യേറ്റം ചെയുകയായിരുന്നു. . ക്യാമറക്കും സാരമായ കേടുപാടുകൾ ഉണ്ടായതായി ചാനൽ പ്രവർത്തകർ പറഞ്ഞു.. കെ.എസ്.ഇ.ബി ജീവനക്കാരൻ മദ്യപിച്ചിരുന്നതായും ഇവർ ആരോപിക്കുന്നു.സംഭവത്തെ തുടർന്ന് . മാധ്യമ പ്രവർത്തകർ പോലീസിൽ പരാതി നൽകുകയും, താലൂക്ക് ആശുപത്രിയിൽ ചികിത്സ തേടുകയും ചെയ്തു.