കാറുള്ളവരിൽ പലരും ബ്രേക്കിന് താഴെയായി ഒരു മാറ്റ് ഇടാറുണ്ട് അല്ലേ ? എന്നാൽ ഈ മാറ്റ് പലപ്പോഴും അപകടമുണ്ടാക്കാറുണ്ട്. കാറില്‍ ബ്രേക്കിന് താഴെ ഇട്ടിരുന്ന മാറ്റ് ഡ്രൈവറുടെ കാലിൽ ഉടക്കിയതിനെ തുടര്‍ന്ന് കാർ നിയന്ത്രണം വിട്ട് അപകടം ഉണ്ടായി. കോട്ടയത്താണ് സംഭവം ഉണ്ടായിരിക്കുന്നത്. സംഭവത്തിൽ കാറിന്റെ നിയന്ത്രണം നഷ്ടപ്പെടുകയും ചെയ്‌തു. മാത്രമല്ല നിയന്ത്രണം നഷ്‍ടപ്പെട്ട കാർ എതിർ ദിശയിൽ വന്ന ബൈക്കിലിടിക്കുകയും ചെയ്തു. ബൈക്കിലിടിച്ച കാർ നിർത്തിയിട്ടിരുന്ന കാറിലും പിക്കപ് വാനിലും ഇടിച്ചു നിൽക്കുകയായിരുന്നു. കഴിഞ്ഞദിവസം കോട്ടയം മുട്ടുചിറയിലായിരുന്നു ഈ അപകടം നടന്നത്. സംഭവത്തില്‍ ബൈക്ക് യാത്രക്കാരായ രണ്ടുപേര്‍ക്ക് പരുക്കേൽക്കുകയും ചെയ്തു . മുട്ടുചിറ ഫെഡറൽ ബാങ്കിന് സമീപത്തായിരുന്നു ഈ അപകടം നടന്നത്. കോട്ടയത്തു നിന്നും എറണാകുളത്തേക്കു പോയ കാറായിരുന്നു അപകടത്തില്‍പ്പെട്ടത്. ബൈക്കിനെ ഇടിച്ചു തെറിപ്പിച്ച ശേഷം കാര്‍ വലതു വശത്ത് പാർക്ക് ചെയ്തിരുന്ന കാറിലും പിക്കപ് വാനിലും ഇടിക്കുകയും ചെയ്‌തു.

ബൈക്ക് പൂർണമായി തകരുകയും ചെയ്‌തു. ബൈക്ക് യാത്രികരായ വൈക്കം ചാലപ്പറമ്പ് കൊച്ചുപറമ്പിൽ വീട്ടിൽ പ്രണവ് പ്രകാശ് (28), കാരിക്കോട് പടിഞ്ഞാറേ കീരിമറ്റം വിഷ്ണു വിനോദ് ( 23) എന്നിവർക്കായിരുന്നു ഈ അപകടത്തിൽ പരുക്കേറ്റത്. പ്രണവ് പ്രകാശിന്റെ തലയ്ക്കാണ് പരുക്ക് സംഭവിച്ചത്. നിർത്തിയിട്ടിരുന്ന കാർ ഇടിയുടെ ആഘാതത്തിൽ സമീപത്തെ ബേക്കറിയിലേക്ക് ഇടിച്ചുകയറുകയും ചെയ്‌തു. കാർ ഓടിച്ചിരുന്ന കോട്ടയം സ്വദേശി തോമസിന്റെ ഭാര്യയും ഒരു വയസ്സുള്ള പേരക്കുട്ടിയും പരുക്കില്ലാതെ രക്ഷപ്പെടുകയും ചെയ്തു. പലപ്പോഴും അങ്ങനെ ഇടുന്ന മാറ്റുകൾ എയ്തു പോലെ അപകടം ഉണ്ടാക്കാറുണ്ട്. കാറിൽ മാറ്റുഇടുന്നവർ ഈ അപകട സാധ്യത തള്ളി കളയരുത്.