സിവില് പോലീസ് ഓഫീസര് ജോജി ജോര്ജ് സമീപത്തുള്ള ലോഡ്ജില് തൂങ്ങി മരിച്ചത് ഭാര്യയ്ക്ക് നാല് വരിയുള്ള കത്ത് എഴുതി വെച്ച ശേഷം... നടുക്കം വിട്ടുമാറാതെ നാട്ടുകാരും ബന്ധുക്കളും
സിവില് പോലീസ് ഓഫീസറെ ജീവനൊടുക്കിയ നിലയില് കണ്ടെത്തി. ഇടുക്കി എ.ആര്.ക്യാന്പിലെ സിവില് പോലീസ് ഓഫീസര് മേലുകാവ് തടത്തിപറന്പില് ജോജി ജോര്ജി (36) നെയാണ് മുട്ടം കോടതിക്കവലയ്ക്ക് സമീപത്തുള്ള ലോഡ്ജില് തൂങ്ങി മരിച്ചനിലയില് കണ്ടെത്തിയത്. ഇന്നലെ വൈകിട്ട് നാലോടെയോടെയാണ് ലോഡ്ജ് മുറിയിലെ ഫാനില് തൂങ്ങിയ നിലയില് ജോജിയെ അടുത്ത മുറിയിലെ താമസക്കാര് കണ്ടത്. കഴിഞ്ഞ വെള്ളിയാഴ്ച്ച ജോലിക്ക് എത്തിയിരുന്ന ജോജി ഒരു ദിവസം അവധി വേണമെന്ന് ഓഫീസില് അറിയിച്ചിരുന്നു. ഭാര്യ സിന്ധുവിന്റെ പേരില് എഴുതിയ നാല് വരിയുള്ള കത്ത് ലോഡ്ജ് മുറിയില് നിന്ന് മുട്ടം എസ്ഐ ബൈജു പി.ബാബുവിന്റെ നേതൃത്വത്തിലുള്ള പോലീസ് കണ്ടെത്തിയിട്ടുണ്ട്. കത്തിന്റെ വിശദാംശങ്ങള് പോലീസ് പുറത്ത് വിട്ടില്ല. മൃതദേഹം ഇന്നലെ വൈകുന്നേരം കോട്ടയം മെഡിക്കല് കോളജില് എത്തിച്ചു. ഇന്ന് രാവിലെ പോസ്റ്റ്മോര്ട്ടത്തിന് ശേഷം ഉച്ചകഴിഞ്ഞ് മൂന്നിന് മേലുകാവ് മായാപുരി സിഎസ്ഐ പള്ളിയില് സംസ്കരിക്കും. മരണകാരണത്തെ സംബന്ധിച്ച് കൂടുതല് അന്വേഷണം നടത്തുമെന്ന് തൊടുപുഴ ഡിവൈഎസ്പി കെ.പി.ജോസ് പറഞ്ഞു. ഭാര്യയുടെ വീട് മുട്ടത്തിന് സമീപം വള്ളിപ്പാറയിലാണ്. രണ്ട് മക്കളുണ്ട്.
https://www.facebook.com/Malayalivartha