പോലീസിനെ കാണുമ്പോൾ വെട്ടിത്തിരിഞ്ഞ് പോകുന്നവർക്ക് കിടിലൻ പണി അണിയറയിൽ ഒരുങ്ങുന്നു. പോലീസ് കൈ കാണിക്കുമ്പോൾ നിർത്താതെ പോകുന്നവരെ ആപ്പിലാക്കാനുള്ള ആപ്പ് ആണ് കേരള പോലീസ് അവതരിപ്പിക്കാനൊരുങ്ങുന്നത്. നിർത്താതെ പോയാൽ രക്ഷപെടാം എന്ന് ഇനി ആരും കരുതണ്ട. പോലീസ് പുറകെ വരില്ല, പക്ഷെ ആപ്പിലൂടെ പോക്കും. കണ്ണുവെട്ടിച്ച് കടന്നുപോകുന്നവരെ അപ്പോൾ തന്നെ അറിയാനും വിവരങ്ങൾ ശേഖരിക്കാനും കുറ്റവാളിയെ തിരിച്ചറിയാനും സഹായിക്കുന്ന ഒരു വമ്പൻ അപ്പ്ലികേഷൻ ആണ് പോലീസ് സേന ഉപയോഗിക്കാൻ ഒരുങ്ങുന്നത്. ‘ക്രൈം ​ഡ്രൈ​വ്’എന്ന ഈ ആപ്പ് സ്‍മാര്‍​ട്ട് ഫോ​ണി​ൽ ആണ് ലഭ്യമാകുന്നത്.

കൈകാണിക്കുന്ന വാഹനവും അതിന്റെ ഉടമയെയും കുറിച്ചുള്ള പൂര്‍ണ്ണ വിവരങ്ങളും ഇനി ഞൊടിയിടയിൽ ഈ ആപ്പിലൂടെ പൊലീസിന് ലഭ്യമാകും. വൃക്തിഗത കേസ് വിവരങ്ങള്‍, വാഹനവിവരങ്ങള്‍ തുടങ്ങിയ വിവരങ്ങൾ നിമിഷങ്ങൾക്കുള്ളിൽ പൊലീസിന് ലഭിക്കും. ആപ്പില്‍ വാഹനത്തിന്റെ രജിസ്റ്റര്‍ നമ്പര്‍ നല്‍കിയാല്‍ ഉടമ ആരെന്നത് അടക്കമുള്ള പൂര്‍ണ വിവരങ്ങളും ഉടൻ തന്നെ അറിയാൻ സാധിക്കും. വാഹനത്തിന് കാലാവധിയുള്ള ഇന്‍ഷുറന്‍സുണ്ടോ, കുറ്റകൃത്യങ്ങളില്‍പ്പെട്ട വാഹനമാണോ തുടങ്ങിയ വിവരങ്ങളും ആപ്പിലൂടെ അറിയാൻ കഴിയും.

വ്യക്തിഗത വിവരങ്ങള്‍ മറച്ചുവെച്ച് പൊലീസിന് വിവരം നല്‍കിയാല്‍ അതും പെട്ടെന്ന് തന്നെ കണ്ടുപിടിക്കാനാകും. ലൈസന്‍സോ വോട്ടര്‍ ഐഡി കാര്‍ഡോ ആധാറോ പരിശോധിച്ചാല്‍ അയാളുടെ പേരില്‍ സംസ്ഥാനത്തെ എത് പൊലീസ് സ്‌റ്റേഷനിൽ കേസ് ഉണ്ടോ എന്നതും ഉടൻ ആപ്പിലെത്തും. സംസ്ഥാനത്ത് എവിടെ നിന്നും കാണാതാകുന്നവരുടെ വിവരങ്ങള്‍ ആപ്പിലൂടെ അപ്പപ്പോള്‍ തന്നെ പൊലീസിലെ മുഴുവന്‍ അംഗങ്ങൾക്കും ലഭിക്കും. അജ്ഞാത മൃതദേഹങ്ങള്‍ കണ്ടെത്തിയാല്‍ ആ വിവരവും ഉടൻ തന്നെ ഈ ആപ്പിൾ ലഭ്യമാകും. പാസ്‌പോര്‍ട്ട് വെരിഫിക്കേഷന്‍ അടക്കമുള്ള അന്വേഷണത്തിനും ആപ്പിൽ ക്രമീകരണം ഏര്‍പ്പെടുത്തിയിട്ടുണ്ട്. പൊലീസ് ഉദ്യോഗസ്ഥരുടെ വ്യക്തിഗത വിവരങ്ങളും ആപ്പില്‍ രേഖപ്പെടുത്താൻ സാധിക്കും. ഓരോ പോലീസ് ഉദ്യോഗസ്ഥനും വ്യക്തിഗത യൂസർ നെയിമും പാസ്സ്‌വേഡും ലഭിക്കും. ഇതുപയോഗിച്ച് എപ്പോൾ വേണമെങ്കിലും പോലീസ് ഉദ്യോഗസ്ഥന് അപ്പ്ലിക്കേഷനിൽ പ്രവേശിക്കാനാകും. ക്രൈം ​ഡ്രൈ​വ് ആ​പ്പ് വ​ഴി വ്യ​ക്തി​ഗ​ത കേ​സ് വി​വ​ര​ങ്ങ​ൾ, വാ​ഹ​ന​വി​വ​ര​ങ്ങ​ൾ തു​ട​ങ്ങി എ​ല്ലാം തന്നെ നിമിഷങ്ങൾക്കുള്ളിൽ ഈ ആപ്പിൽ ലഭ്യമാകും.

ക്രൈം ​ഡ്രൈ​വ് ആ​പ്പ് ഉ​ട​ൻ​ത​ന്നെ പോലീസ് സേനയിൽ അവതരിപ്പിക്കാനാണ് തീരുമാനം. ഇ​തോ​ടെ വാ​ഹ​ന പ​രി​ശോ​ധ​ന, കു​റ്റാ​ന്വേ​ഷ​ണ​ങ്ങ​ൾ, പ​രി​ശോ​ധ​ന​ക​ൾ അ​ട​ക്ക​മു​ള്ള കാ​ര്യ​ങ്ങ​ളി​ൽ വേഗത്തിൽ പരിഹാരം കണ്ടെത്താനും മികച്ച രീതിയിൽ തന്നെ നിയമം നടപ്പിലാക്കാനും സാധിക്കും. നി​യ​മ​ലം​ഘ​ക​രെ എ​ളു​പ്പ​ത്തി​ൽ ക​ണ്ടെ​ത്താ​നാ​വു​ന്നത്തോടെ കു​റ്റ​കൃ​ത്യ​ങ്ങ​ളുടെ എണ്ണവും ഗണ്യമായി കുറക്കാൻ കഴിയും. ഇത്തരമൊരു ആപ്പ് അവതരിപ്പിക്കുന്നതോടെ സംസ്ഥാനത്ത് വാഹന നിയമങ്ങൾ ലങ്കിക്കുന്നവരെ എളുപ്പത്തിൽ കണ്ടെത്താനും അതുവഴി കുട്ടാ കൃത്യങ്ങളുടെ എന്നതിൽ കുറവ് വരുത്താനും കഴിയും എന്നാണ് കേരള പോലീസിന്റെ നിഗമനം.