മുരളീധരന്‍മാര്‍' പൊളിച്ചടുക്കുന്നു; യു.ഡി.എഫ് അണികള്‍ ഇടതുമുന്നണിയുടെ മനുഷ്യമഹാശൃംഖലയില്‍ പങ്കെടുത്തത് യു.ഡി.എഫ് ഗൗരവത്തോടെ പരിശോധിക്കണമെന്നു കെ.മുരളീധരന്‍; ബി.ജെ.പി മാത്രമല്ല കോണ്‍ഗ്രസും രംഗത്ത്‌
യു.ഡി.എഫ് അണികള്‍ ഇടതുമുന്നണിയുടെ മനുഷ്യമഹാശൃംഖലയില്‍ പങ്കെടുത്തത് യു.ഡി.എഫ് ഗൗരവത്തോടെ പരിശോധിക്കണമെന്നു കെ.മുരളീധരന്‍. പൗരത്വനിയമത്തിനെതിരെ യു.ഡി.എഫ് സമരം ശക്തമാക്കണം. ഇക്കാര്യം പ്രതിപക്ഷനേതാവുമായി സംസാരിച്ചു. ഇന്നത്തെ കെപിസിസി യോഗത്തിലേക്ക് ക്ഷണിച്ചിട്ടില്ല.
മുന്‍ പ്രസിഡന്റിനെ വിളിക്കണോ എന്ന് തീരുമാനിക്കുന്നത് കെപിസിസി പ്രസിഡന്റാണാണെന്നും കെ.മുരളീധരന്‍ കോഴിക്കോട്ട് പറഞ്ഞു. പുതിയ കെപിസിസി ഭാരവാഹികളുടെ ആദ്യയോഗം ഇന്ദിരഭവനില്‍ നടക്കുന്നു. പ്രവര്‍ത്തക സമിതിയംഗം എ.കെ.ആന്റണി ഉദ്ഘാടനം ചെയ്ത യോഗത്തില്‍ 12 വൈസ് പ്രസിഡന്റുമാരും 34 ജനറല്‍ സെക്രട്ടറിമാരും ട്രഷററും യോഗത്തില്‍ പങ്കെടുക്കുന്നുണ്ട്. നിലവിലെ വര്‍ക്കിങ് പ്രസിഡന്റുമാരില്‍ കൊടിക്കുന്നില്‍ സുരേഷ് യോഗത്തില്‍ പങ്കെടുക്കുന്നുണ്ട്. എന്നാല്‍ കെ. സുധാകരന്‍ യോഗത്തിനെത്തിയില്ല. ബിജെപി സ്ഥാനാര്‍ഥിയായി മല്‍സരിച്ച പാരമ്പര്യമുള്ള മോഹന്‍ ശങ്കറിനെ വൈസ് പ്രസിഡന്റാക്കിയത് ഉള്‍പ്പടെ പുനഃസംഘടനയ്ക്കെതിരെ കെ.മുരളീധരന്‍ ഉന്നയിച്ച ആക്ഷേപങ്ങള്‍ യോഗത്തില്‍ ചര്‍ച്ചയായേക്കാം.
https://www.facebook.com/Malayalivartha
