മിൽമയിൽ നിന്ന് പാൽ മാത്രമല്ല ഇനി പച്ചക്കറിയും! പുതിയ പദ്ധതിക്ക് തിരുവനന്തപുരത്ത് തുടക്കം
മിൽമയിൽ പാലിനുപുറമെ പച്ചക്കറി ഉത്പാദനാവും വിപണനവും കൂടി തുടങ്ങുന്നു .പരീക്ഷണാടിസ്ഥാനത്തിൽ തിരുവനന്തപുരം ജില്ലയിലെ വിവിധ മേഖലകളിലാണ് പച്ചക്കറി കൃഷിക്ക് മിൽമ തുടക്കം കുറിക്കുന്നത്. കേരളത്തിന് വിഷരഹിത പച്ചക്കറിയും കര്ഷകര്ക്ക് വരുമാനവും എന്ന ലക്ഷ്യം മുൻനിര്ത്തിയാണ് മിൽമയുടെ പുതിയ പദ്ധതി.
തിരുവനന്തപുരം മേഖലയിൽ ഫെബ്രുവരി മുതൽ ആണ് പച്ചക്കറി കൃഷി ആരംഭിക്കുന്നത് . ഇതിനായി 11 സംഘങ്ങളെ തെരഞ്ഞെടുത്തു. 10 പേരുള്ള ഓരോ സംഘമായാണ് പച്ചക്കറി കൃഷി തുടങ്ങുന്നത് . ഓരോ സംഘങ്ങളും രണ്ട് ഏക്കര് സ്ഥലത്താണ് കൃഷി ചെയ്യുന്നത് . ഇവർക്ക് ആവശ്യമായ എല്ലാ സൗകര്യങ്ങളും സൗജന്യമായിരിക്കും.
പച്ചക്കറി കൃഷിക്ക് ആവശ്യമായ വിത്തുകള് ഇന്ത്യൻ ഇൻസ്റ്റിറ്റ്യൂട്ട് ഓഫ് ഹോര്ട്ടി കൾച്ചര് എന്ന കേന്ദ്ര സര്ക്കാര് സ്ഥാപനത്തിൽ നിന്നാണ് വാങ്ങുന്നത്. മുന്തിയ ഇനം ഹൈബ്രിഡ് വിത്തുകൾ ആണ് ഇവിടെ നിന്ന് കൊടുക്കുന്നത് ...ഇതിനുമുന്നോടിയായി കര്ഷകര്ക്ക് പ്രത്യേക പഠന സംവിധാനം ഒരുക്കുമെന്ന് മിൽമ തിരുവനന്തപുരം മേഖല ചെയര്മാൻ കല്ലട രമേശ് അറിയിച്ചു. ആദ്യഘട്ടത്തിൽ 25 ലക്ഷം രൂപയാണ് കൃഷിക്കായി അനുവദിച്ചിരിക്കുന്നത്.
മിൽമയുടെ പ്രത്യേക കേന്ദ്രങ്ങളിലൂടെയാണ് പച്ചക്കറി വിൽപ്പന നടത്താൻ ഉദ്ദേശിക്കുന്നത് . കൃഷി വിജയമായാൽ കൂടുതൽ കര്ഷകരിലേക്ക് പദ്ധതി വ്യാപിപ്പിക്കും
https://www.facebook.com/Malayalivartha