നല്ലകാലം വന്താച്ച്... സുരേഷ് ഗോപിയും ശോഭനയും വരവ് ഗംഭിരമാക്കി; വരനെ ആവശ്യമുണ്ട് ടീസര് ഉയരങ്ങളിലേക്ക്
മണിച്ചിത്രത്താഴിലെ സുരേഷ് ഗോപിയുടേയും ശോഭനയുടേയും കഥാപാത്രങ്ങള്‍ ഏറെ ഹിറ്റായിരുന്നു. എന്നാല്‍ വര്‍ഷങ്ങള്‍ കഴിഞ്ഞതോടെ രണ്ടുപേരും രണ്ട് തിരക്കിലായി സിനിമയില്‍ നിന്നും വിട്ടു നില്‍ക്കുന്ന അവസ്ഥയിലുമായി. നീണ്ട ഇടവേളയ്ക്ക് ശേഷം ഇവര്‍ ഒന്നിച്ചഭിനയിക്കുന്ന ചിത്രമാണ് വരനെ ആവശ്യമുണ്ട്. ഇതിന്റെ ടീസര് ഹിറ്റായതോടെ വലിയ പ്രതീക്ഷയാണ് നല്‍കുന്നത്.
ഇന്നലെ പുറത്തിറങ്ങിയ ടീസര് നിലവില്‍ 10 ലക്ഷത്തിലധികം വ്യൂവ്‌സുമായി യൂട്യൂബ് ട്രെന്‍ഡിംഗില്‍ ഒന്നാമതാണ്. ദുല്‍ഖര്‍ സല്‍മാന്‍ നായകനാകുന്ന ചിത്രമാണിത്. നായിക കല്ല്യാണി പ്രിയദര്‍ശന്റെ വിവാഹ ആലോചനയും അതിനെ ചുറ്റിയുള്ള രസകരമായ രംഗങ്ങളും ഉള്‍പ്പെടുത്തിയിട്ടുള്ള ടീസര് ആരാധകര്‍ ഏറ്റെടുത്തിരിക്കുകയാണ്. സഹനടനായ സുരേഷ് ഗോപിയുടെ രസകരമായ സംഭാഷണ രംഗങ്ങളാണ് ടീസറില്‍ എടുത്ത് പറയാവുന്ന മറ്റൊരു സവിശേഷത.
സുരേഷ് ഗോപിക്ക് ജോഡിയായി എത്തുന്നത് മലയാളത്തിന്റെ പ്രിയ നടി ശോഭനയാണ്. ഇരുവരും ഒരുമിച്ച് അഭിനയിച്ച മണിച്ചിത്രത്താഴിലെ സൂപ്പര്‍ ഹിറ്റ് ഡയലോഗ് ഗംഗേ ടീസറില്‍ നര്‍മ്മ രീതിയില്‍ അവതരിപ്പിച്ചിരിക്കുന്നു. ഉടനീളം നര്‍മ്മത്തിന് പ്രാധാന്യം നല്‍കിയിരിക്കുന്ന ടീസര് നായികയേയും സുരേഷ് ഗോപിയേയും കേന്ദ്രീകരിച്ച് ഒരുക്കിയിരിക്കുന്നു.
90കളിലെ ഹിറ്റ ജോഡിയായ സുരേഷ് ഗോപിയും ശോഭനയും ഏറെ വര്‍ഷങ്ങള്‍ക്കുശേഷം ഒന്നിക്കുവെന്ന പ്രത്യേകതയും ഈ ചിത്രത്തിനുണ്ട്. പ്രേക്ഷകരില്‍ കൗത്തുകമുണര്‍ത്തുന്ന ഒരു ടീസര് തന്നെയാണ് 'വരനെ ആവശ്യമുണ്ട്' എന്ന സിനിമയുടെത്. കല്യാണി പ്രിയദര്‍ശന്റെ അഭിനയമാണ് ഏറെ ശ്രദ്ധനേടിയിരിക്കുന്നത്. സന്ദീപ് രാജ്, വഫാ ഖദീജ, ദിവ്യാ മേനോന്‍, അഹമ്മദ്, മീരാ കൃഷ്ണന്‍, സംവിധായകരായ മേജര്‍ രവി, ലാല്‍ ജോസ്, ജോണി ആന്റണി എന്നിവര്‍ മറ്റു കഥാപാത്രങ്ങളാകുന്നു. സന്തോഷ് ശിവന്‍, ജി.വേണുഗോപാല്‍ എന്നിവരുടെ മക്കളും ചിത്രത്തില്‍ അഭിനയിക്കുന്നുണ്ട്. ചിത്രം നിര്‍മ്മിച്ചിരിക്കുന്നത് ദുല്‍ഖര്‍ സല്‍മാന്‍ ആണ്.
എം സ്റ്റാര്‍ സാറ്റലൈറ്റ് കമ്യൂണിക്കേഷന്റെ സഹകരണത്തോടെ വേഫാറര്‍ നിര്‍മിക്കുന്ന ഈ ചിത്രത്തിന്റെ ഛായാഗ്രഹണം മുകേഷ് മുരളീധരന്‍ നിര്‍വഹിക്കുന്നു. സന്തോഷ് വര്‍മയുടെ വരികള്‍ക്ക് അല്‍ഫോണ്‍സ് ജോസഫ് സംഗീതം നിര്‍വഹിക്കുന്നു. തൊബി ജോബിയാണ് എഡിറ്റിങ് ചെയ്തിരിക്കുന്നത്.
അതിനിടെ പോസ്റ്റിന് നേരെ മോശം കമന്റിട്ടയാളിന് ചുട്ട മറുപടിയാണ് സുരേഷ് ഗോപി നല്‍കിയത്. പരിഹസിച്ചവരോട് ഒന്നേ പറയാനുള്ളു, പോകാന്‍ പറ പറ്റങ്ങളോട്, അത്രയേ ഉള്ളൂ. അതാണെന്റെ റിയാക്ഷന്‍''
അവരൊക്കെ വിമര്‍ശിക്കുമ്പോഴും സ്വയം ഒന്നാലോചിക്കണം താനെന്താണ് ചെയ്തിട്ടുള്ളത്? അവരോടുള്ള ഉത്തരം അതാണ്. അവരോടുള്ള താക്കീതുമതാണ്. ഞാന്‍ പിരിച്ചെടുത്ത് ഇതുവരെ ഒന്നും ചെയ്തിട്ടില്ല. ഞാന്‍ എന്റെ ഡിസ്പന്‍സേഷനില്‍ നിന്നുണ്ടാക്കിയതാണ്. അത് ആക്ടറായിട്ടോ, ഒരു ആംഗര്‍ ആയിട്ടോ, എന്റെ കുഞ്ഞുങ്ങള്‍ക്കും സമ്പാദിച്ച് കൂട്ടിയതിന്നാണ്. ഇതൊന്നും പറയാനെനിക്ക് ഇഷ്ടമേ അല്ല. എങ്കിലും കുരുപൊട്ടിയേ പറ്റൂ എന്നുള്ള കുറച്ച് ആള്‍ക്കാരുടെ കുരുവും കിണ്ടിയും ഒക്കെ പൊട്ടട്ടെ. നല്ലതാ'...
വില്ലനായി എത്തി മലയാള സിനിമയുടെ ആക്ഷന്‍ ഹീറോയായി സൂപ്പര്‍താര പദവിയിലെത്തിയ താരമാണ് സുരേഷ് ഗോപി. ഏകലവ്യന്‍, കമ്മീഷണര്‍ തുടങ്ങിയ ചിത്രങ്ങളിലൂടെയാണ് സുരേഷ് ഗോപി കൂടുതല്‍ ശ്രദ്ധേയനായി മാറിയത്. പിന്നീട് രാഷ്ട്രീയത്തിലേക്ക് കളംമാറ്റിയ സുരേഷ് ഗോപി രാജ്യസഭാ അംഗമായി. ഇതിനിടയില്‍ ടെലിവിഷന്‍ പരിപാടികളില്‍ ആങ്കറായും അദ്ദേഹം തിളങ്ങി. ഇതിനിടയിലാണ് വരനെ ആവശ്യമുണ്ട് എന്ന് ചിത്രത്തിലഭിനയിക്കുന്നതും നല്ല വരവേല്‍പ്പ് ലഭിക്കുന്നതും. ഈ ചിത്രത്തിന്റെ വിജയത്തോടെ സുരേഷ് ഗോപിയും ശോഭനയും വീണ്ടും മലയാള സിനിമയില്‍ നിറഞ്ഞുനില്‍ക്കുമെന്ന കാര്യത്തില്‍ സംശയമില്ല.
https://www.facebook.com/Malayalivartha
