രഞ്ജി ട്രോഫി ക്രിക്കറ്റില്‍ ആന്ധ്രക്ക് ഒന്നാം ഇന്നിംഗ്സ് ലീഡ്. കേരളത്തിനെതിരെയാണ് ഇന്നിംഗിങ്‌സ് നേടിയിരിക്കുന്നത്. കേരളത്തിന്റെ ഒന്നാം ഇന്നിംഗ്സ് സ്കോറായ 162 റണ്‍സിന് മറുപടിയായി ആന്ധ്ര രണ്ടാം ദിനം 255 റണ്‍സിന് ഓള്‍ ഔട്ടാകാകുയും ചെയ്തു. 93 റണ്‍സിന്റെ നിര്‍ണായക ഒന്നാം ഇന്നിംഗ്സ് ലീഡ് നേടിയ ആന്ധ്രക്ക് വരും ദിവസങ്ങളില്‍ വിജയം ലക്ഷ്യമിട്ട് പന്തെറിയാനും സാധിക്കും.

ഓപ്പണര്‍ പ്രശാന്ത് കുമാർ (79) അര്‍ധസെഞ്ചുറി നേടിയിരുന്നു. ആന്ധ്രക്ക് ഒന്നാം ഇന്നിംഗ്സ് ലീഡ് ഉറപ്പാക്കിയതും പ്രശാന്ത് കുമാറാണ്. വിക്കറ്റ് കീപ്പര്‍ ബാറ്റ്സ്മാന്‍ ഗിരിനാഥ്(41), കരണ്‍ ഷിന്‍ഡെ(24), നിതീഷ് കുമാര്‍ റെഡ്ഡി(39), ജ്യോതി കൃഷ്ണ(18) എന്നിവർ ആന്ധ്ര ഇന്നിംഗ്സില്‍ നിര്‍ണായകമായ കളി കളിച്ചു. കേരളത്തിനായി ക്യാപ്റ്റന്‍ ജലജ് സക്സേന നാല് വിക്കറ്റെടുത്തു. ബേസില്‍ തമ്പി മൂന്ന് വിക്കറ്റായിരുന്നു എടുത്തത്. രണ്ടാം ദിനം തുടക്കത്തിലെ ആന്ധ്രക്ക് ജ്യോതി കൃഷ്ണയുടെ വിക്കറ്റ്(18) നഷ്ടമാകുകയും ചെയ്തു. ബേസില്‍ തമ്പിക്കായിരുന്നു വിക്കറ്റ്. എന്നാല്‍ ഗിരിനാഥിനൊപ്പം മികച്ച കൂട്ടുകെട്ടുണ്ടാക്കിയ പ്രശാന്ത് കുമാര്‍ ആന്ധ്രക്ക് ഒന്നാം ഇന്നിംഗ്സ് ലീഡുറപ്പാക്കുകയും ചെയ്തു.