കോട്ടയം മെഡിക്കല്‍ കോളേജില്‍ ഇപ്പോൾ ഏഴ് പേരാണ് നിരീക്ഷണത്തില്‍ ഉള്ളത് ..ഇറ്റലിയില്‍ നിന്ന് എത്തിയ ഗൃഹനാഥന്റെ പ്രായമായ മാതാപിതാക്കളേയും കോട്ടയം മെഡിക്കല്‍ കോളേജ് ആശുപത്രിയിൽ പ്രവേശിപ്പിച്ചു ..ഈ കുടുംബവുമായി അടുത്ത് ഇടപഴകിയ ആൾക്കാരെ കണ്ടെത്തി നിരീക്ഷണത്തിൽ ആക്കുമെന്ന് ആരോഗ്യവകുപ്പ് ഉദ്യോഗസ്ഥർ പറയുന്നു.

കോട്ടയം നഗരപരിധിയില്‍ മാത്രം ഇത്തരത്തില്‍ കുടുംബവുമായി അടുത്ത് ഇടപഴകിയ മൂന്ന് പേര്‍ ഉണ്ടെന്നാണ് വിവരം.എങ്കിലും കൂടുതല്‍ ആളുകളുമായി ഇവര്‍ ഇടപഴകിയെന്നാണ് ആരോഗ്യപ്രവര്‍ത്തകരുടെ നിഗമനം ...

ഇറ്റലിയില്‍ നിന്ന് വന്ന വ്യക്തിയുടെ മകളും കുടുംബവും താമസിക്കുന്ന ചെങ്ങളത്തും ആരോഗ്യവകുപ്പ് സ്ഥിതിഗതികള്‍ വിലയിരുത്തുന്നുണ്ട്..ഖത്തര്‍,സിംഗപ്പൂര്‍,എന്നിവിടങ്ങളില്‍ നിന്ന് വന്ന രണ്ട് പേരും മെഡിക്കല്‍ കോളേജിലുണ്ട്. അതേ സമയം സ്വകാര്യ ആശുപത്രിയില്‍ നിരീക്ഷണത്തിലിരുന്ന വ്യക്തിക്ക് കൊറോണ വൈറസ് ഇല്ലെന്ന് കണ്ടെത്തി. ഇയാള്‍ ആശുപത്രി വിട്ടു.......

നിപ കാലത്തുണ്ടായിരുന്നത് പോലെ ഉള്ള സൗകര്യങ്ങളാണ് കോട്ടയം മെഡിക്കല്‍ കോളേജ് ആശുപത്രിയില്‍ സജ്ജമാക്കിയിട്ടുള്ളത് ...ഓരോ മീറ്റര്‍ അകലത്തില്‍ കിടക്കകള്‍ സജ്ജമാക്കി. ഏത് സാഹചര്യവും നേരിടാന്‍ നിര്‍ദ്ദേശം നല്‍കിയിട്ടുണ്ട്.രോഗികളെ മറ്റുള്ളവര്‍ സന്ദര്‍ശിക്കുന്നതിന് വിലക്ക് ഏർപ്പെടുത്തിയിട്ടുണ്ട്