പൊങ്കാലയ്ക്കു ശേഷം ഉപേക്ഷിച്ചു പോകുന്ന ഇഷ്ടികകൾ അഞ്ചു വീടുകളുടെ ചുമരുകളായി മാറും...വീടു നിർമിക്കാൻ സൗജന്യമായി ഇഷ്ടിക ലഭിക്കുന്നതിന് കോർപറേഷനിൽ രജിസ്റ്റർ ചെയ്തിട്ടുള്ളത് 25 പേരാണ് . ഇതിൽ നിന്നു തിരഞ്ഞെടുക്കപ്പെടുന്ന 5 പേർക്കാണ് പൊങ്കാലയ്ക്കു ശേഷം ഭക്തർ ഉപേക്ഷിച്ചു പോയ ഇഷ്ടികകൾ കോർപറേഷൻ ശേഖരിച്ചു വിതരണം ചെയ്യുന്നത്

സർക്കാർ നാപ്പിലാക്കിയ വിവിധ ഭവന പദ്ധതികളുടെ ഗുണഭോക്താക്കൾക്ക് ആ പണം കൊണ്ട് മാത്രം ഗൃഹ നിർമ്മാണം പൂർത്തിയാക്കാൻ കഴിയാതെ വരുന്ന സാഹചര്യത്തിലാണ് കോർപറേഷൻ ഇഷ്ടിക ശേഖരണം ആരംഭിച്ചത്..

ആദ്യം ഗുണഭോക്താക്കളിൽ നിന്ന് വാർഡു കൗൺസിലറുടെ ശുപാർശ കത്ത് വാങ്ങും. ശേഖരിക്കുന്ന ഇഷ്ടികകളുടെ എണ്ണം അനുസരിച്ചാണ് ഗുണഭോക്താക്കളെ തിരഞ്ഞെടുക്കുക..ഇത്തവണ അഞ്ച്‌ പേർക്കാണ് ആറ്റുകാലമ്മയുടെ അനുഗ്രഹം കൊണ്ട് വീട് നിർമ്മിക്കാനുള്ള ഇഷ്ടിക ലഭിക്കുന്നത്

വാർഡു കൗൺസിലറുടെ ശുപാർശ കത്തുമായി വന്ന് സൗജന്യ ഇഷ്ടികക്ക് രജിസ്റ്റർ ചെയ്യാം..ഇത്തവണ രജിസ്റ്റർ ചെയ്തിട്ടുള്ളത് 25 പേരാണ്..ഇതിൽ നിന്ന് അഞ്ച്‌ പേർക്കാണ് ഇഷ്ടിക സൗജന്യമായി ലഭിക്കുക .. 2016 മുതലാണ് ഈ പദ്ധതി പ്രവർത്തനം ആരംഭിച്ചത് ..ഇതുവരെ 23 പേർ പൊങ്കാല അടുപ്പുകൾ ഉപയോഗിച്ച് വീടു നിർമാണം പൂർത്തിയാക്കി

ഇതിനു മുൻപ് പൊങ്കാല നിവേദ്യത്തിനു പിന്നാലെ സ്വകാര്യ വ്യക്തികൾ ഇഷ്ടിക കടത്തിക്കൊണ്ടു പോകുകയായിരുന്നു പതിവ്

വോളന്റിയർമാരുടെ സഹായത്തോടെ പല സ്ഥലങ്ങളിലായി അടുക്കി വച്ചിട്ടുള്ള ഇഷ്ടിക ഇന്ന് സംഭരണ കേന്ദ്രത്തിലേക്ക് മാറ്റും. ഗുണഭോക്താക്കളെ തിരഞ്ഞെടുത്ത ശേഷം വിതര ണം ആരംഭിക്കുമെന്ന് കോർപറേഷൻ അധികൃതർ അറിയിച്ചു.