യജമാന ഭക്തി; നട്ടെല്ല് വളഞ്ഞ ഇടവേള ബാബുവും ബിന്ദു പണിക്കരും ആ നടിയെ തേച്ചപ്പോള്‍; ഇപ്പോള്‍ മുഖ്യധാരയില്‍ നിന്നും ഇത്തിരി പിന്‍വലിഞ്ഞും അകലം പാലിച്ചും നില്‍ക്കുകയാണെങ്കിലും തങ്ങള്‍ മൊഴി നല്‍കേണ്ടത് ഒരുകാലത്ത് മലയാള സിനിമരംഗംത്തെ അടക്കിവാണ ശക്തനെതിരെയാണെന്ന തിരിച്ചറിവ് കേസില്‍ നിന്നും താരങ്ങളെ പിന്നോട്ട് വലിക്കുന്നു
അവസരം തന്നെ മുഖ്യപ്രശ്‌നമാകുമ്പോള്‍ വിവാദ വിഷയങ്ങളില്‍ സിനിമാരംഗത്തുള്ളവരെ സ്വാധീനിക്കാനുള്ള ശ്രമങ്ങള്‍ താരതമ്യേന എളുപ്പമാണ്. ഇപ്പോള്‍ നടിയെ ആക്രമിച്ച കേസിലും നടന്നുകൊണ്ടിരിക്കുന്നതും അതു തന്നെ. ഇരയായ നടിക്ക് നീതി തേടിയുള്ള വിചാരണയ്ക്കിടെയില്‍, നടിക്ക് അനുകൂലമായി മൊഴി നല്‍കിയിരുന്ന പല അഭിനേതാക്കളും ഇപ്പോള്‍ പിന്മാറുന്നതിനും മറ്റു കാരണങ്ങള്‍ തേടേണ്ടതില്ല. ഇപ്പോള്‍ മുഖ്യധാരയില്‍ നിന്നും ഇത്തിരി പിന്‍വലിഞ്ഞും അകലം പാലിച്ചും നില്‍ക്കുകയാണെങ്കിലും തങ്ങള്‍ മൊഴി നല്‍കേണ്ടത് ഒരുകാലത്ത് മലയാള സിനിമരംഗംത്തെ അടക്കിവാണ ശക്തനെതിരെയാണെന്ന തിരിച്ചറിവ് കേസില്‍ നിന്നും താരങ്ങളെ പിന്നോട്ട് വലിക്കുന്നു. ആവശ്യമില്ലാത്ത വിഷയങ്ങളില്‍ ഇടപെട്ട് പ്രമുഖ നടനെ പ്രതിസന്ധിയിലാക്കാന്‍ ആരും തയ്യാറല്ലെന്ന് ചുരുക്കം. ആക്രമിക്കപ്പെട്ട നടിയാകട്ടെ സിനിമയില്‍ സജീവവുമല്ല. അതിനാല്‍ നിലനില്‍പ്പും അവസരവും നഷട്‌പ്പെടാതിരിക്കാന്‍ നടിയെ കൈയൊഴിയുകയാണ്.
യുവ നടിയെ തട്ടിക്കൊണ്ടുപോയി ബലാത്സംഗം ചെയ്ത കേസിലെ സാക്ഷി വിസ്താരം കൊച്ചിയിലെ പ്രത്യേക കോടതിയിലാണ് നടക്കുന്നത്. കേസില്‍ എട്ടാം പ്രതിയായ നടന്‍ ദിലീപിന് ആക്രമിക്കപ്പെട്ട നടിയോടുളള മുന്‍ മുന്‍വൈരാഗ്യം തെളിയിക്കുന്നതിന്റെ ഭാഗമായിട്ടാണ് മലയാള സിനിമാ താരങ്ങള്‍ അടക്കമുളളവരെ പ്രോസിക്യൂഷന് സാക്ഷികളായി വിസ്തരിക്കുന്നത്. ഇതിന്റഎ ഭാഗമായി നടി ബിന്ദു പണിക്കര്‍, നടന്‍മാരായ കുഞ്ചാക്കോ ബോബന്‍, താരസംഘടനയുടെ ഭാരവാഹിയുമായ ഇടവേള ബാബു എന്നിവരുടെ സാക്ഷി വിസ്താരമാണ് കഴിഞ്ഞ ദിവസം നടന്നത്.
എന്നാല്‍ കൊച്ചിയില്‍ നടന്ന വിസ്താരത്തിനിടെ പ്രോസിക്യൂഷന് സാക്ഷിയായ താരസംഘടനയായ 'അമ്മ'യുടെ ജനറല്‍ സെക്രട്ടറി ഇടവേള ബാബുവും കൂറുമാറി ദിലീപിന് അനുകൂലമായി മൊഴി നല്‍കി. നടിയെ ആക്രമിച്ച കേസില്‍ പൊലീസിന് മുമ്പ് നല്‍കിയ മൊഴി പൂര്‍ണമായി തളളിപ്പറഞ്ഞായിരുന്നു ഇടവേള ബാബുവിന്റെ കൂറുമാറ്റം. ദീലീപ് തന്റെ സിനിമാ ആവസരങ്ങള്‍ തട്ടിക്കളയുന്നതായി ആക്രമിക്കപ്പെട്ട നടി തന്നോട് പറഞ്ഞെന്നായിരുന്നു ബാബുവിന്റെ നേരത്തെയുള്ള മൊഴി. ഇക്കാര്യം ദിലീപിനോട് സൂചിപ്പിച്ചെന്നും എന്തിനാണ് ആവശ്യമില്ലാത്ത കാര്യത്തില്‍ ഇടപെടുന്നതെന്ന് ചോദിച്ചിരുന്നെന്നും അന്വേഷണ സംഘത്തിനു നല്‍കിയ മൊഴിയിലുണ്ടായിരുന്നു. താര സംഘടനയായ അമ്മയുടെ കൊച്ചിയില്‍ നടന്ന റിഹേഴ്‌സല്‍ ക്യാംപിനിടെ നടിയോട് ദിലീപ് മോശമായി പെരുമാറിയ സംഭവവും മൊഴിയില്‍ ഉള്‍പ്പെട്ടിരുന്നു. എന്നാല്‍ കൊച്ചിയിലെ പ്രത്യേക കോടതിയില്‍ നടന്ന വിസ്താരത്തിനിടെ ഇടവേള ബാബു ഇത് മാറ്റിപ്പറയുകയായിരുന്നു. അതേസമയം, നടിയെ ആക്രമിച്ച് കേസില്‍ ആദ്യമായിട്ടാണ് ഒരു സാക്ഷി കൂറുമാറുന്നത്. പൊലീസിന് നല്‍കിയ മൊഴിയില്‍ നിന്ന് ബാബു പിന്‍മാറിയതോടെ സാക്ഷി കൂറുമാറിയതായി പ്രഖ്യാപിക്കണമെന്ന പോസിക്യൂഷന്‍ ആവശ്യം വിചാരണ കോടതി അംഗീകരിച്ചു.
നടിയെ ആക്രമിച്ച കേസില്‍ ഇടവേള ബാബുവിനു പിന്നാലെ മറ്റൊരു പ്രോസിക്യൂഷന് സാക്ഷിയായ ബിന്ദു പണിക്കരും മൊഴി മാറ്റി. പൊലീസിന് മുന്‍പ് കൊടുത്ത മൊഴിയാണ് ബിന്ദു പണിക്കര്‍ വിചാരണ കോടതിയില്‍ മാറ്റി പറഞ്ഞത്. ഇതിനെ തുടര്‍ന്ന് മൊഴി മാറ്റിയ ബിന്ദു പണിക്കരെ പ്രോസിക്യൂഷന് തന്നെ ക്രോസ് വിസ്താരവും നടത്തി.
അതേസമയം, ദിലീപിന്റെ മുന്‍ ഭാര്യയും വിവാഹ മോചനത്തിനു ശേഷം സിനിമയിലേക്ക് മടങ്ങിയെത്തുന്ന മഞ്ജു വാര്യരുടെ കൂടെ അഭിനയിക്കരുതെന്ന രീതിയില്‍ ദിലീപ് തന്നോട് സംസാരിച്ചതായി കുഞ്ചാക്കോ ബോബന്‍ നേരത്തെ മൊഴി നല്‍കിയിരുന്നു. അമ്മയുടെ ട്രഷറര്‍ ആയിരുന്ന തന്നെ മാറ്റിയാണ് ദിലീപ് ട്രഷറര്‍ ആയതെന്നും അത് അപ്രതീക്ഷിത നീക്കമായിരുന്നുവെന്നും കുഞ്ചാക്കോ ബോബന്‍ മൊഴിയില്‍ പറഞ്ഞിട്ടുണ്ട്. മഞ്ജു വാര്യര്‍ നീണ്ട ഇടവേളക്ക് ശേഷം അഭിനയിച്ച സിനിമയാണ് റോഷന്‍ ആന്‍ഡ്രൂസ് സംവിധാനം ചെയ്ത് കുഞ്ചാക്കോ ബോബന്‍ പ്രധാന വേഷത്തിലെത്തിയ 'ഹൗ ഓള്‍ഡ് ആര്‍യു'. ആ സിനിമയില്‍ താന്‍ അഭിനയിക്കരുതെന്ന് ദിലീപ് തന്നോട് സംസാരിച്ചിരുന്നതായും ആക്രമിക്കപ്പെട്ട നടിയെ താന്‍ അഭിനിയിച്ച കസിന്‍സ് എന്ന ചിത്രത്തില്‍ നിന്നും ഒഴിവാക്കാന്‍ ദിലീപ് ശ്രമിച്ചിരുന്നു എന്നും കുഞ്ചാക്കോ ബോബന്‍ മൊഴിയില്‍ പറഞ്ഞിരുന്നു. ഈ മൊഴിയില്‍ തന്നെ ഉറച്ചു നില്‍ക്കുന്നു എന്ന് തന്നെയാണ് കോടതിയില്‍ കുഞ്ചാക്കോ ബോബന്‍ പറഞ്ഞത്. കോടതിയില്‍ ഹാജരായ കുഞ്ചാക്കോ ബോബനെ പ്രതിഭാഗം അഭിഭാഷകരും പ്രോസിക്യൂഷനും വിസ്തരിച്ചു.
ഇടവേള ബാബുവും ബിന്ദു പണിക്കരും മൊഴി മാറ്റിയതോടെ നടിയെ ആക്രമിച്ച കേസില്‍ പ്രേസിക്യൂഷന്‍ അശങ്കയിലായി. ചില പ്രമുഖ താരങ്ങള്‍ നടീ നടന്‍മാരെ സ്വാധീനിക്കുണ്ടെന്നാണ് വിവരം. അതിനാല്‍ പണം എറിഞ്ഞ് സാക്ഷികളെ സ്വാധീനിക്കാനുള്ള തന്ത്രങ്ങള്‍ക്ക് മറുതന്ത്രമൊരുക്കുകയാണ് പ്രോസിക്യൂഷന് ഇപ്പോള്‍. ഇതില്‍ കുഞ്ചാക്കേ ബോബന്‍ തന്റെ മുന്‍ മൊഴിയില്‍ ഉറച്ചു നിന്നതുമാണ് മ്ാത്രമാണ് പ്രോസിക്യൂഷന് പ്രതീക്ഷ നല്‍കുന്നത്.
അതിനിടെ, നടിയെ ആക്രമിച്ച കേസില്‍ നടന്‍ ദിലീപിന്റെ വിടുതല്‍ ഹര്‍ജി ഹൈക്കോടതി തള്ളി. കേസില്‍ കുറ്റവിമുക്തനാക്കണമെന്ന ഹര്‍ജിയാണ് ഹൈക്കോടതി തള്ളിയത്. വിചാരണ കോടതി വിധിക്കെതിരെയായിരുന്നു ദിലീപ് ഹൈക്കോടതിയെ സമീപിച്ചത്. താന്‍ ഇരയാണെന്നും ക്വട്ടേഷന്‍ സംഘം തന്നെ കുടുക്കുകയായിരുന്നെന്നുമെന്നാണ് ദിലീപിന്റെ ഹര്‍ജി. നടിയെ ആക്രമിച്ച സംഭവവവും ജയിലില്‍ നിന്ന് മുഖ്യ പ്രതി സുനില്‍ കുമാര്‍ ഫോണ്‍വിളിച്ച് ഭീഷണിപ്പെടുത്തിയതും രണ്ടായി പരിഗണിച്ച് വിചാരണ നടത്തണമെന്ന ദിലീപിന്റെ ആവശ്യവും ഹൈക്കോടതി തള്ളി. നടിയെ ആക്രമിച്ചതിന്റെ തുടര്‍ച്ചയാണ് ജയിലിലെ ഫോണ്‍വിളിയെന്ന സര്‍ക്കാര്‍ വാദം അംഗീകരിച്ചാണ് കോടതി നടപടി. നടിയെ ആക്രമിച്ച കേസിലെ കുറ്റപത്രത്തില്‍ അപാകതയുണ്ടെന്നും ഇരയായ താന്‍ പ്രതികള്‍ക്കൊപ്പം വിചാരണ നേരിടേണ്ട സാഹചര്യമാണെന്നും ചൂണ്ടിക്കാട്ടിയാണ് ദിലീപ് ഹൈക്കോടതിയെ സമീപിച്ചത്.
https://www.facebook.com/Malayalivartha
