കോവിഡ്– 19 രോഗികൾ ധരിച്ച മുഖാവരണം (മാസ്ക്) ഉപയോഗിച്ച ശേഷം എന്തു ചെയ്യണമെന്ന സംശയത്തിന് ഉത്തരവുമായി ആരോഗ്യ കുടുംബക്ഷേമ മന്ത്രാലയം പറഞ്ഞു. അ‍ഞ്ച് ശതമാനം വീര്യമുള്ള ബ്ലീച്ച് ലായനി ഉപയോഗിച്ച് ഒരു ശതമാനം വീര്യമുള്ള സോഡിയം ഹൈപ്പോ ക്ലോറൈറ്റ് ലായനി ഉപയോഗിച്ചോ അണുവിമുക്തമാക്കിയ ശേഷം നശിപ്പിച്ചു കളയണമെന്നാണ് മന്ത്രാലയം കഴിഞ്ഞ ദിവസം പുറത്തിറക്കിയ ഉത്തരവിൽ പറയുന്നത് .

നിയന്ത്രണാതീതമായി കൂടിയാൽ ഈ മാസ്ക്കുകൾ ഇൻസിനറേറ്ററുകളിൽ ഇട്ട് കത്തിച്ചു കളയുകയോ ആഴത്തിൽ കുഴിച്ചിടുകയോ ചെയ്യുന്നതാവും ഉചിതമെന്നും മന്ത്രാലയം പുറത്തിറക്കിയ ചട്ടത്തിൽ വ്യക്തമാക്കിയിരിക്കുന്നു. ഉപയോഗിച്ച മാസ്ക് വീണ്ടും ഉപയോഗിക്കരുത് എന്ന കാര്യം മറക്കരുത് . കഴുത്തിൽ തൂക്കിയിട്ടു നടക്കുകയും അരുത് . . 6 മുതൽ 8 വരെ മണിക്കൂറിൽ കൂടുതൽ ഉപയോഗിക്കാതിരിക്കുന്നാണ് നല്ലത്. മാസ്ക് നീക്കം ചെയ്യുമ്പോൾ അണുബാധയ്ക്കു സാധ്യത യുള്ളതിനാൽ വള്ളിയിൽ (സ്ട്രിങ്) പിടിച്ച് മാത്രമേ എടുക്കാവൂ.