തിരുവനന്തപുരം സ്വദേശിയായ ഡോക്ടര്‍ക്കും കൊറോണ ബാധ സ്ഥിരീകരിച്ചു.ഇതോടെ നിലവില്‍ 21 പേരാണ് വൈറസ് ബാധിതരായി ചികിത്സയിലുള്ളതെന്ന് ആരോഗ്യമന്ത്രി കെ.കെ ശൈലജ വാര്‍ത്താ സമ്മേളനത്തില്‍ പറഞ്ഞു. വിദേശത്തായിരുന്ന ഡോക്ടര്‍ നാട്ടിലെത്തിയപ്പോഴാണ് രോഗം സ്ഥിരീകരിച്ചത്. വിവിധ വകുപ്പുകളുടെ ഏകോപനത്തില്‍ വളരെ നല്ല രീതിയില്‍ തന്നെ കോവിഡ് 19 പ്രതിരോധ ക്യംപെയിന്‍ നടന്നുപോരുന്നുണ്ടെന്നും ആരോഗ്യമന്ത്രി പറഞ്ഞു. ആയിരക്കണക്കിന് പ്രവര്‍ത്തകര്‍ ഇതുമായി ബന്ധപ്പെട്ട് പൂര്‍ണമായി മുഴുകിയിരിക്കുകയാണ്. എയര്‍പോര്‍ട്ടില്‍ വച്ചുതന്നെ, കൊറോണ ബാധിത രാജ്യങ്ങളില്‍ നിന്നെത്തുന്നവരെ പരിശോധിക്കുകയാണ് ചെയ്യുന്നത്.വീടുകളില്‍ നിരീക്ഷണത്തില്‍ ഉള്ളവര്‍ കൃത്യമായി നിര്‍ദ്ദേശങ്ങള്‍ പാലിക്കണം. 10,944 പേര് ഇന്ന് നിരീക്ഷണത്തില്‍ വന്നിട്ടുണ്ട്. 10,655 പേര്‍ വീടുകളില്‍ ക്വാറന്റൈന് ആണ്. 289 പേര് ആശുപത്രികളിലുമുണ്ട്. രോഗലക്ഷണങ്ങള് ഉള്ള 2147 വ്യക്തികളുടെ സാമ്പിള്‍ പരിശോധനയ്ക്ക് അയച്ചിട്ടുണ്ട്. ഇതില്‍ 1514 സാമ്പിളുകളുടെ പരിശോധനാ ഫലം നെഗറ്റിവ് ആണ്. 21 പേര്‍ക്കാണ് ഇപ്പോള്‍ രോഗമുള്ളത്. എല്ലാവരുടേയും ആരോഗ്യസ്ഥിതി തൃപ്തികരമാണ്. കൃത്യമായ ചികിത്സ തന്നെ നല്‍കുന്നുണ്ടെന്നും മന്ത്രി പറഞ്ഞു.'ബ്രേക്കിംഗ് ദ ചെയിന്' ക്യാമ്പയിനില്‍ എല്ലാവരും പങ്കെടുക്കണം. സാധിക്കുന്നിടത്തെല്ലാം ഈ ക്യാമ്പയിന് തുടങ്ങുക. കേരളത്തിലുടനീളം ക്യാമ്പയിനുണ്ടാകും. എല്ലാവരും അതില് പങ്കെടുക്കണമെന്നും ശുചിത്വം പാലിക്കണമെന്നും മന്ത്രി പറഞ്ഞു.