പാവം രജിത് കുമാർ ...ഈയിടെ ആയി ചെയ്യുന്നതെല്ലാം പൊല്ലാപ്പായി മാറുന്ന കാഴ്ചയാണ് കുറച്ചു ദിവസങ്ങളിലായി പ്രേക്ഷകർ ബിഗ്‌ബോസിലൂടെ കണ്ടുകൊണ്ടിരിക്കുന്നത്.. ടാസ്ക്കിനിടെ വികൃതിക്കുട്ടിയായി അഭിനയിച്ചു രേഷ്മയുടെ കണ്ണിൽ മുളക് എഴുതിയതിനു ബിഗ്‌ബോസ് റെജിത്തിനെ പുറത്താക്കിയിരുന്നു...

അവിടെ നിന്ന് തിരിച്ച നാട്ടിലെത്തിയപ്പോൾ രജിത്കുമാർ ഫാൻസ്‌ അസോസിയേഷൻ രജിത്തിന്‌ വിമാനത്താവളത്തിൽ ഒരുക്കിയത് വൻ സ്വീകരണം ..ജാഗ്രതാ നിർദ്ദേശമൊക്കെ കാറ്റിൽ പരത്തിയ ആരാധകരുടെ പ്രകടനം കാരണം പണി കിട്ടിയത് വീണ്ടും പാവം രജിത്തിന്‌ ..രജിത്തിനെതിരെ കേസ് എടുത്തിരിക്കയാണ് ഇപ്പോൾ

ഇന്നലെ രാത്രിയായിരുന്നു ആൾക്കൂട്ടങ്ങൾ ഒഴിവാക്കണം എന്ന മുന്നറിയിപ്പുകൾ അവഗണിച്ച് രജിത് കുമാറിന് സ്വീകരണം എന്ന പേരിൽ നൂറോളം പേർ വിമാനത്താവളത്തിൽ തടിച്ചു കൂടിയത്. കൈകുഞ്ഞുങ്ങളുമായി പോലുമെത്തിയവർ പൊലിസ് ഇടപെട്ടിട്ടും പിരിഞ്ഞു പോയില്ല. ഇതോടെയാണ് ഇവർക്കെതിരെ കേസെടുത്തത്.

ജാഗ്രതയുടെ ഭാഗമായി മത-രാഷ്ട്രീയ- സാമുദായിക സംഘടനങ്ങൾ പോലും സംഘം ചേർന്നുള്ള എല്ലാ വിധ പ്രവർത്തനങ്ങളും ഉപേക്ഷിച്ചു ജനങ്ങളുടെ സുരക്ഷക്കായി നിലകൊള്ളുമ്പോൾ ഇങ്ങനെയുള്ള നിയമലംഘനങ്ങൾക്കു മുൻപിൽ കണ്ണടക്കാൻ ആവില്ല എന്ന നിലപാടിലാണ് പോലീസ് .

മനുഷ്യ ജീവനേക്കാളും വില താരാരാധനക്കു കല്പിക്കുന്ന സ്വഭാവം മലയാളിക്കില്ല , ഇങ്ങനെ ചില ആളുകൾ നടത്തുന്ന കാര്യങ്ങൾ കേരള സമൂഹത്തിനു തന്നെ ലോകത്തിന്റെ മുൻപിൽ നാണിപ്പിക്കുന്നതാണെന്ന് ജില്ലാ കലക്ടർ എസ്. സുഹാസ് പറഞ്ഞു.