കൊറോണ വ്യാപനം തടയുന്നതിന്റെ ഭാഗമായി പ്രധാനമന്ത്രി നരേന്ദ്ര മോദി പ്രഖ്യാപിച്ച ജനതാ കര്‍ഫ്യൂവില്‍ ഭാഗമാകാന്‍ ഗോഎയര്‍ രംഗത്ത്.
കൊറോണ വ്യാപനം തടയുന്നതിന്റെ ഭാഗമായി പ്രധാനമന്ത്രി നരേന്ദ്ര മോദി പ്രഖ്യാപിച്ച ജനതാ കര്‍ഫ്യൂവില്‍ ഭാഗമാകാന്‍ ഗോഎയര്‍ രംഗത്ത്. ജനതാ കര്‍ഫ്യൂവിനെ പിന്തുണയ്ക്കാന്‍ ഞായറാഴ്ചത്തെ എല്ലാ സര്‍വീസുകളും ഗോഎയര്‍ നിര്‍ത്തിവച്ചു. ഇന്നലെയാണ് ഇക്കാര്യം അധികൃതര്‍ അറിയിച്ചിരിക്കുന്നത്.
കൊറോണ പടരുന്നത് തടയാന്‍ നാളെ രാവിലെ ഏഴു മുതല്‍ രാത്രി ഒന്‍പതുവരെയാണ് പ്രധാനമന്ത്രി ജനതാ കര്‍ഫ്യൂ പ്രഖ്യാപിച്ചിരിക്കുന്നത്. പത്മനാഭ സ്വാമി ക്ഷേത്രത്തിലും, ഗുരുവായൂരിലും ദര്‍ശനം നിര്‍ത്തിവച്ചു. ഇതിന്റെ അടിസ്ഥാനത്തില്‍ കേരളത്തിലെ ബീവറേജസുകളും ബാറുകളും പ്രവര്‍ത്തിക്കില്ലയെന്നും അധികൃതര്‍ അറിയിച്ചിട്ടുണ്ട്.
കൂടാതെ കേന്ദ്രത്തിന്റെ പല തീരുമാനങ്ങളേയും പല്ലും നഖവും കൊണ്ട് എതിര്‍ക്കുന്ന പിണറായി സര്‍ക്കാര്‍ പ്രധാനമന്ത്രിയുടെ ജനതാ കര്‍ഫ്യൂ പ്രഖ്യാപനത്തില്‍ പൂര്‍ണ്ണമായി സഹകരിക്കുമെന്ന് ഇന്നലെ അറിയിച്ചിരുന്നു. 'ജനത കര്‍ഫ്യൂ'വിനോട് സംസ്ഥാന സര്‍ക്കാര്‍ പൂര്‍ണമായും സഹകരിക്കും. മുഖ്യമന്ത്രി ഇന്നലെ മാത്രം കേരളത്തില്‍ 12 പേര്‍ക്കാണ് കൊറോണ സ്ഥിരീകരിച്ചത്.
https://www.facebook.com/Malayalivartha
