കൊവിഡ് രോഗ വ്യാപനം തടയുന്നതിന് കര്‍ശന സുരക്ഷാ നടപടികൾ ഏർപ്പെടുത്തി സര്‍ക്കാര്‍. ആളുകൾ പരമാവധി പുറത്തിറങ്ങാതിരിക്കാനും അത്യാശ്യമല്ലാത്ത സര്‍വ്വീസുകളും രോഗവ്യാപനത്തിന് കാരണമായേക്കാവുന്ന വിധത്തിൽ അപകടകരമായ ഇടങ്ങളും പരമാവധി ഒഴിവാക്കാനും വേണ്ടിയാണു കടുത്ത പ്രതിരോധ നടപടികൾ സ്വീകരിച്ചിരിക്കുന്നത്.

സ്ഥിതി നിയന്ത്രണാതീതം എന്ന് വിലയിരുത്തലുള്ള ജില്ലകളിൽ കര്‍ശന നിയന്ത്രണങ്ങളാണ് ജില്ലാ ഭരണകൂടങ്ങൾ ഏര്‍പ്പെടുത്തിയിട്ടുള്ളത്. കൊവിഡ് നിയന്ത്രണത്തിന്‍റെ ഭാഗമായായി ഇന്ന് മുതൽ രണ്ടാഴ്ച കാലത്തേക്ക് ജില്ലയിലെ എല്ലാ ബാർബർഷാപ്പുകളും അടച്ചിടണമെന്ന് കാസര്‍കോട് ജില്ലാ കളക്ടർ ഉത്തരവിട്ടു. പത്തനംതിട്ട ജില്ലയിലെ ബാർബർ ഷോപ്പുകളും ബ്യൂട്ടീപാർലറുകളും അടയ്ക്കാനും നിര്‍ദ്ദേശം നൽകിയിട്ടുണ്ട്.  അതേസമയം, രാജ്യത്ത് കൊവിഡ് ബാധിതരുടെ എണ്ണം 260 ആയി ഉയർന്നു. മരണ നിരക്ക് നാലാണ്. കേരളത്തിൽ രോഗ ബാധിതരുടെ എണ്ണം 40 ആയിരിക്കുന്നു.