പിടക്കോഴി കുഞ്ഞുങ്ങള്‍ ആണെന്ന വ്യാജേന പൂവന്‍ കോഴി കുഞ്ഞുങ്ങളെ നല്‍കി കബളിപ്പിച്ചെന്ന് ഉപഭോക്താവിന്റെ പരാതി. ഈ പരാതിയിൽ നഷ്ടപരിഹാരം നല്‍കാന്‍ ഉത്തരവ് ഇറക്കിയിരിക്കുകയാണ് . മക്കിയാട് സ്വദേശി കുറുപ്പനാട്ട് കെ.ജെ. ആന്റണി നല്‍കിയ പരാതിയിൽ ജില്ലാ ഉപഭോക്തൃ തര്‍ക്കപരിഹാര ഫോറം ഉത്തരവ് പുറപ്പെടുവിക്കുകയായിരുന്നു.

ഉപഭോക്താവിന് 5000 രൂപ നഷ്ടപരിഹാരം നല്‍കാൻ ഉത്തരവിൽ പറഞ്ഞിരിക്കുന്നു. കോഴികളെ വളര്‍ത്താനുണ്ടായ ചെലവ് പരിഗണിച്ച് 2000 രൂപയും ഉപഭോക്താവിനുണ്ടായ മാനസിക വിഷമതകള്‍ പരിഗണിച്ച് 3000 രൂപയും അടക്കം 5000 രൂപ നഷ്ടപരിഹാരമായി മുപ്പത് ദിവസത്തിനുള്ളില്‍ നല്‍കാനാണ് ഉത്തരപൂക്കോട് വെറ്ററിനറി ആന്‍ഡ് അനിമല്‍ സയന്‍സസ് സര്‍വകലാശാലയില്‍ നിന്നും വാങ്ങിയ കോഴിക്കുഞ്ഞുങ്ങളില്‍ കൂടുതല്‍ പൂവന്‍ കോഴികളാണെന്ന് കാണിച്ചാണ് ആന്റണി പരാതിനല്‍കിയത്. 2019 മാര്‍ച്ച് 30-നാണ് ഇദ്ദേഹം 900 രൂപ മുടക്കി മുട്ടക്കോഴി കുഞ്ഞുങ്ങളെ വാങ്ങിയതും. 30 പിടക്കോഴിക്കുഞ്ഞുങ്ങളും 10 പൂവന്‍ കോഴിക്കുഞ്ഞുങ്ങളുമായിരുന്നു ആവശ്യപ്പെട്ടത്. ഇങ്ങനെ തന്നെയാണ് കോഴിക്കുഞ്ഞുങ്ങളെ നല്‍കിയതെന്ന് അധികൃതരും വ്യക്തമാക്കിയിരുന്നു. കോഴികള്‍ രണ്ട് കിലോ തൂക്കമായപ്പോഴാണ് 20 പൂവന്‍ കോഴികളാണ് ലഭിച്ചതെന്ന് മനസിലായത്.