മട്ടന്നൂരില്‍ ആള്‍ക്കൂട്ടത്തോടെ ജുമുഅ നമസ്‌കാരം നടത്തിയവർക്കെതിരെ കേസ് . സര്‍ക്കാര്‍ നിര്‍ദേശം ലംഘിച്ചതിനാണ് കേസ് എടുത്തത്. ജുമാ നമസ്കാരം സംഘടിപ്പിച്ച രണ്ട് മുസ്ലിം പളളി കമ്മിറ്റി ഭാരവാഹികള്‍ക്കെതിരെയും ഖത്തിബിനെതിരെയും മട്ടന്നൂര്‍ പൊലീസ് കേസെടുക്കുകയും ചെയ്തു. പാലോട്ടുപള്ളി, പത്തൊന്‍മ്ബതാം മൈല്‍ പള്ളി കമ്മിറ്റി ഭാരവാഹികള്‍ക്കെതിരെയാണ് കേസ് എടുത്തിരിക്കുന്നത്. വെള്ളിയാഴ്ച്ചത്തെ ജുമാ ഒഴിവാക്കണമെന്നാവശ്യപ്പെട്ട് മട്ടന്നൂര്‍ പോലീസ് ഭാരവാഹികള്‍ക്ക് നോട്ടീസ് നല്‍കുകയും ചെയ്തിരുന്നു. ഇത് പരിഗണിക്കാതെയാണ് നമസ്കാരം നടത്തിയത്. 200 ഓളം പേര്‍ പങ്കെടുത്തതായി പോലീസ് അറിയിക്കുകയും ചെയ്തു.