മൊബൈല് ടവറുമായി ബന്ധപ്പെട്ട അന്വേഷണ വിവരങ്ങള് ഇന്ന് ; സൈബര് സെല്ലിന്റെ സഹായത്തോടെ ലഭിക്കുന്ന വിവരങ്ങള് നിർണ്ണായകം; പുഴയിൽ വീണ കാര്യത്തിൽ അവ്യക്തത തുടരുന്നു
ദേവനന്ദ ദുരൂഹ സാഹചര്യത്തില് മരിച്ച സംഭവത്തില് മൊബൈല് ടവറുമായി ബന്ധപ്പെട്ട അന്വേഷണ വിവരങ്ങള് ഇന്ന് ലഭ്യമാകും. പ്രദേശത്ത് അന്ന് മൊബൈല് ഉപയോഗിച്ചവരുടെ മുഴുവന് വിവരങ്ങളും ലഭിക്കുമെന്നതിനാല് കേസന്വേഷണത്തിന് ഏറ്റവും ഗുണകരമാകുമെന്നും അന്വേഷണ ഉദ്യോഗസ്ഥര് പറഞ്ഞു. സൈബര് സെല്ലിന്റെ സഹായത്തോടെ ലഭിക്കുന്ന വിവരങ്ങള് വിലയിരുത്തുന്നതിന് പിന്നാലെ പ്രതിയെക്കുറിച്ച് സൂചന ലഭിക്കുമെന്നുള്ള സൂചനകൾ പുറത്ത് വരുന്നു . കുട്ടിയെ കാണാതായ സമയം മുതല് മൃതദേഹം കണ്ടെത്തിയതുവരെയുള്ള എല്ലാ ഫോണ് സന്ദേശങ്ങളും പരിശോധിക്കുകയും ചെയ്യുന്നുണ്ട് .
അന്വേഷണ സംഘം ഇന്നലെ കുട്ടിയുടെ മാതാപിതാക്കളെ നേരിട്ട് കണ്ട് സംസാരിക്കുകയും ചെയ്തിരുന്നു. അമ്മ ധന്യയുമായി ഒരു മണിക്കൂറോളം അന്വേഷണ ഉദ്യോഗസ്ഥര് സംസാരിക്കുകയും ചെയ്തു . പൊലീസിന്റെ സംശയങ്ങള്, രക്ഷിതാക്കളുടെ സംശയങ്ങള്, ചോദ്യം ചെയ്തവരില് നിന്ന് ലഭിച്ച വിവരങ്ങള് എന്നിവയുടെ അടിസ്ഥാനത്തിലാണ് ഓരോ വിവരവും ചോദിച്ചറിഞ്ഞതും. മൊഴി രേഖപ്പെടുത്താനായി ഇവരെ വീണ്ടും സ്റ്റേഷനിലേക്ക് വിളിപ്പിക്കുകയും ചെയ്തു. നേരത്തെ രണ്ടുതവണ ധന്യയുടെ മൊഴി പൊലീസ് രേഖപ്പെടുത്തുകയും ചെയ്തിരുന്നു . കുട്ടി ഒരിയ്ക്കലും തനിയെ പുഴയുടെ ഭാഗത്തേക്ക് പോകില്ലെന്ന നിലപാടിൽ അച്ഛനും അമ്മയും . കേസന്വേഷണത്തിന്റെ ഭാഗമായി ഇതുവരെ 61 പേരെ ചോദ്യം ചെയ്യുകയും ചെയ്തു. ഫോറന്സിക്, പോസ്റ്റുമോര്ട്ടം റിപ്പോര്ട്ടുകള് ദേവനന്ദയുടേത് മുങ്ങിമരണമാണെന്നും വ്യക്തമാക്കുന്നുണ്ട്. പുഴയില് തനിയെ വീണതാണോ ബാഹ്യ പ്രേരണയാല് വീണതാണോയെന്ന കാര്യത്തിൽ അവ്യക്തത തുടരുന്നു.
https://www.facebook.com/Malayalivartha