കൊവിഡിനെ പറ്റിയുള്ള വിവരങ്ങൾ ദിനം പ്രതി കേൾക്കുമ്പോഴും ഉയരുന്ന ആശങ്ക വലുതാണ്. നമ്മുടെ കൊച്ച് നാട്ടിലും കൊറോണ വന്നു എന്ന വിവരം നമ്മെ പിടിച്ച് കുലുക്കുന്നുണ്ട്. നമ്മുടെ ജീവിതക്രമങ്ങളെപ്പോലും മാറ്റിമറിക്കുന്ന തരത്തിലായിരിക്കുന്നു. .​ ക്വാറ​ൻറീൻ, ​​െഎസൊലേഷൻ, സോഷ്യൽ ഡിസ്​റ്റൻസിങ്, മാസ്​ക്, സാനി​െറ്റെസർ തുടങ്ങിയവയുടെ ഉപയോഗം, ഹാൻഡ്​​ വാഷ് ബോധവത്​കരണം തുടങ്ങി നിരവധി മാർഗങ്ങളിലൂടെ അതിനെ പ്രതിരോധിക്കാൻ എല്ലാവരും സജ്ജമായിക്കഴിഞ്ഞു.എങ്കിലും മാനസികമായിട്ടുള്ള ധൈര്യം ചോർന്നു പോകുന്ന അവസ്ഥയാണ് പലർക്കും ഉണ്ട്. ഈ സാഹചര്യത്തിൽ സമൂഹത്തിലെ വ്യക്​തികളുടെ മാനസികാരോഗ്യത്തെ പറ്റി ചിന്തിക്കേണ്ടുന്നത് അത്യാവശ്യമാണ്. തനിക്കും ഉറ്റവർക്കും രോഗം വരുമോ , രോഗവ്യാപനം സമൂഹത്തെ നശിപ്പിക്കുമോ? , ഇതി​​െൻറയെല്ലാം പരിണിതഫലം എന്താകും എന്ന് തുടങ്ങി നിരവധി മാനസിക ഭീതിയുണ്ടാകും. നിലവിലുള്ള സാഹചര്യത്തിൽ മൂഹത്തി​​െൻറ മാനസികാരോഗ്യമേഖലയിൽ കുറെക്കൂ​ടി ശ്രദ്ധചെലുത്തേണ്ടിയിരിക്കുന്നു. ചുരുക്കത്തിൽ, ശാരീരിക രോഗത്തിലൂന്നിയുള്ള ആരോഗ്യപ്രവർത്തനങ്ങളുടെ കൂടെ വ്യക്​തികൾ നേരിടുന്ന മാനസിക പ്രശ്​നങ്ങളും കൂടുതൽ പരിഗണന അർഹിക്കുന്നുണ്ട്​.

ഇനി ഈ സാഹചര്യങ്ങളിൽ ശ്രദ്ധിക്കേണ്ടുന്ന കാര്യം. മാധ്യമങ്ങളിലൂടെയും സമൂഹ മാധ്യമങ്ങളിലൂടെയും വ്യക്​തികൾക്ക്​ കൃത്യമായ വിവരങ്ങളും രോഗത്തെക്കുറിച്ച്​ ആശങ്കയുയർത്താത്ത വിശദാംശങ്ങളും മാത്രം നൽകുക. അതോടൊപ്പം വ്യാജവാർത്തകളും അശാസ്​ത്രീയമായ അഭിപ്രായങ്ങളും ചികിത്സാമാർഗങ്ങളും പ്രചരിക്കുന്നത്​​ കർശനമായി തടയുക . മാനസിക ​ദൗർബല്യങ്ങളുള്ള വ്യക്​തികളെ പരിഹസിക്കുകയോ കുറ്റപ്പെടുത്തുകയോ അവരോട്​ ദേഷ്യപ്പെടുകയോ ചെയ്യാതെ ആവശ്യമായ പിന്തുണ നൽകുക. അവരോട് സ്നേഹത്തോടെ പെരുമാറുക. ആവശ്യഘട്ടത്തിൽ മാനസികാരോഗ്യ വിദഗ്​ധ​​െൻറ സഹായം ലഭ്യമാക്കുക. ഇതോടൊപ്പം തന്നെ ബോധവത്​കരണത്തി​​െൻറ വിഷയങ്ങളിൽ മാനസികാരോഗ്യത്തി​​െൻറ പ്രാധാന്യം മനസ്സിലാക്കി അത്തരം കാര്യങ്ങൾ ഉൾപ്പെടുത്തുകയും വേണം.

ചെറിയതോതിൽ മാനസികാരോഗ്യക്കുറവുള്ള നിരവധി പേർ നിലവിൽ സമൂഹത്തിലുണ്ട്​. ഒരു ചികിത്സ ആവശ്യമുള്ള തലത്തിലേക്ക്​ വളർന്നിട്ടില്ലെങ്കിലും ഇത്തരം വ്യക്​തികളിൽ​ രോഗത്തെ കുറിച്ചുള്ള പേടി , ആശങ്ക, ഉത്​കണ്​ഠ എന്നിവ വർധിക്കാൻ സാധ്യത കൂടുതലാണ് ​. ഉദാഹരണത്തിന്​ പൊതുവിൽ തനിക്കെ​​ന്തെങ്കിലും രോഗം വരുമോ എന്ന്​ സദാസമയവും ആശങ്കപ്പെടുന്നവരുമുണ്ട്​.

‘ഹൈപോകോൺഡ്രിയാസിസ്​ (Hypochondriasis)’ എന്ന മാനസിക പ്രശ്​നത്തി​​െൻറ ഗണത്തിൽ പെട്ടവർ എന്തോ അപൂർവരോഗം തനിക്കുണ്ട് എന്ന് വിശ്വക്കുകയും അതുമായി ബന്ധപ്പെട്ട ലക്ഷണങ്ങൾ ശരീരത്തിൽ സ്വയം കണ്ടെത്തി അവയെ വലുതാക്കി ​ തനിക്ക്​ രോഗമുണ്ടെന്ന്​ വിശ്വസിക്കുകയും ചെയ്യുന്നു ജീവിതത്തിലുടനീളം സർവസാധാരണമായി അനുഭവപ്പെടുന്ന ചുമയും പനിയും ജലദോഷവും ശ്വാസംമുട്ടലുമെല്ലാം കോവിഡ്​ ലക്ഷണമായി തെറ്റിധരിക്കുകയും മാത്രമല്ല ആ​ശുപത്രിയിലേക്ക്​ ഒാടാനും സമൂഹത്തിൽ ഭീതിപരത്താനുമുള്ള സാധ്യത ഇവർക്ക് കൂടുതലാണ് .

​ ശാരീരിക ശുചിത്വത്തെക്കുറിച്ചും കൈകൾ വൃത്തിയാക്കേണ്ടതിനെക്കുറിച്ചുമെല്ലാം പത്രങ്ങളിലും ടെലിവിഷനിലും സമൂഹ മാധ്യമങ്ങളിലുമെല്ലാം നിരന്തരമായ നിർദേശങ്ങൾ പ്രചരിക്കുന്ന അവസ്​ഥയിൽ. എന്തെങ്കിലും ഒരു ചിന്ത മനസ്സിൽ വന്ന് അത് നിയന്ത്രിക്കാനാകാത്ത പെരുമാറ്റവൈകല്യമായി മാറുന്ന അവസ്ഥയിലേക്ക് ഇവർ നയിക്കപ്പെടും. ​ രോഗാണുഭീതിമൂലം ശരീരം എത്ര വൃത്തിയാക്കിയാലും മതിയാവാത്ത അവസ്​ഥയുണ്ടാവും. അഥവാ, വൃത്തിയാക്കിയാൽതന്നെ വൃത്തിയായോ എന്ന സംശയത്തിൽ ഇവർ നിരന്തരം വലഞ്ഞ്​ അസ്വസ്​ഥരാകും. ആവശ്യമില്ലാത്തപ്പോൾ​േപാലും എന്തിന്,​ ഉറക്കത്തിലും മാസ്​ക്​ ധരിക്കാൻ ഇവർ ശ്രമിച്ചേക്കും.

ഇൗ കാര്യങ്ങൾ മനസ്സിലാക്കി വ്യക്​തികളും ആരോഗ്യപ്രവർത്തകരും ഇത്തരം പ്രശ്​നങ്ങളുള്ളവരെ എത്രയുംപെ​െട്ടന്ന്​ ഒരു മനോരോഗ വിദഗ്​ധ​​െൻറ സഹായം തേടുക​. കൂടാതെ, വൈറസ്​ പ്രതിരോധപ്രവർത്തനങ്ങളിലും അവയുമായി ബന്ധപ്പെട്ട തീരുമാനങ്ങളിലും മാനസികാരോഗ്യ വിദഗ്​ധരുടെ അഭിപ്രായങ്ങൾകൂടി പരിഗണിക്കുകയും വേണം. നിലവിൽ വിഷാദരോഗം, ചിത്തഭ്രമം, ഉത്​കണ്​ഠ, മാനസിക സമ്മർദം തുടങ്ങിയ രോഗങ്ങൾക്ക്​ ചികിത്സയിലുള്ളവർ കൂടുതൽ ശ്രദ്ധിക്കുകയും മരുന്നുകൾ കൃത്യമായി കഴിക്കുകയും വേണം. ആവശ്യമെന്ന്​ തോന്നുമ്പോൾ ഒട്ടും വൈകാതെതന്നെ ​ഒരു വിദഗ്​ധ​​െൻറ സഹായം തേടി മനസ്സി​​െൻറ ആരോഗ്യം പൂർവസ്​ഥിതിയിലാക്കുക . ഇതോടൊപ്പം ആരോഗ്യപ്രവർത്തകർ ശ്രദ്ധിക്കേണ്ട ഒരു കാര്യം കൂടിയുണ്ട്​. അത്​ നിരീക്ഷണത്തിലോ ചികിത്സയിലോ കഴിയുന്ന രോഗികൾ മാനസിക പ്രശ്​നങ്ങൾക്ക്​ ചികിത്സയിലുള്ളവരാണെങ്കിൽ മരുന്നുകൾ മുടങ്ങാതിരിക്കാൻ ഒരു കരുതൽ അവർക്കും കൂടെ നൽകുക. ഒരു കാര്യം ഓർക്കുക ......... ഭീതി വേണ്ട.........ഭയപ്പെടേണ്ട...ഭ്രമിക്കുകയും വേണ്ട.....