കൊവിഡ് 19; വിശ്വാസികൾ പള്ളികളിൽ പ്രവേശിക്കുന്നത് വിലക്കി ലത്തീൻ അതിരൂപത; സർക്കാർ നിർദേശങ്ങൾ പാലിക്കണമെന്ന് അഭ്യർത്ഥിച്ച് ആര്‍ച്ച് ബിഷപ്പ് സൂസപാക്യവും
കൊവിഡ് 19 വ്യാപനത്തിന്റെ പശ്ചാത്തലത്തിൽ ഏര്‍പ്പെടുത്തിയ ലോക് ഡൗൺ പൂര്‍ണ്ണമായും പാലിക്കുന്നതിന്‍റെ ഭാഗമായി വിശ്വാസികൾ പള്ളികളിലേക്ക് പോകരുതെന്ന നിർദേശവുമായി ലത്തീൻ അതിരൂപത. ദേവാലയത്തിൽ പ്രവേശിക്കുന്നത് വിലക്കി സര്‍ക്കുലറും പുറത്തിറക്കിയിരിക്കുകയാണ്.
സര്‍ക്കാര്‍ നിര്‍ദ്ദേശങ്ങൾ പാലിക്കുന്നതടക്കമുള്ള കാര്യങ്ങൾ ഉൾപ്പെടുത്തി വിശദമായ സര്‍ക്കുലറാണ് ലത്തീൻ അതിരൂപത ഇടവക വികാരികൾക്ക് കൈമാറിയത് . വിദേശ രാജ്യങ്ങളിൽ നിന്ന് വരുന്നവര്‍ ക്വാറന്‍റൈൻ ലംഘിക്കരുത്. അതിരൂപതയുടെ വിവിധ ഭാഗങ്ങളിൽ വിശ്വാസികൾക്കിടയിൽ നിന്ന് ഉണ്ടായ നിയമ ലംഘനങ്ങൾ ഇനി ആവര്‍ത്തിക്കരുതെന്ന നിര്‍ദ്ദേശവും സര്‍ക്കുലറിൽ പറയുന്നുണ്ട്.
രോഗ ഭീതിയിൽ നിന്ന് കരകയറാൻ സര്‍ക്കാര്‍ നിര്‍ദ്ദേശങ്ങൾ പാലിക്കാൻ വിശ്വാസികൾ തയ്യാറാകണമെന്നും , ഇടവക വികാരികൾ ഇക്കാര്യത്തിൽ ജാഗ്രത പാലിക്കണമെന്നും ആര്‍ച്ച് ബിഷപ്പ് സൂസപാക്യം ആവശ്യപ്പെട്ടു.
https://www.facebook.com/Malayalivartha
