മുടങ്ങിയ പരീക്ഷകള്‍ മെയ് 21 നും 29 നും ഇടയില്‍ നടത്താന്‍ തീരുമാനം; നടത്തിയ പരീക്ഷകളുടെ മൂല്യ നിര്‍ണയം ഈ മാസം 13 മുതല്‍ തുടങ്ങും
സംസ്ഥാനത്ത് മുടങ്ങിയ പ്ലസ് വണ്‍,പ്ലസ് ടു ക്ലാസുകളിലെ ബാക്കിയുള്ള പരീക്ഷകള്‍ മെയ് 21 നും 29 നും ഇടയില്‍ നടത്താന്‍ തീരുമാനമായി. ഇതുവരേ നടത്തിയ പരീക്ഷകളുടെ മൂല്യ നിര്‍ണയം ഈ മാസം 13 മുതല്‍ തുടങ്ങും. കേന്ദ്രം ലോക്ക് ഡൗണ്‍ നിയന്ത്രണങ്ങളില്‍ കാര്യമായ ഇളവ് വരുത്തിയതോടെ പരീക്ഷകള്‍ നടത്തുന്നതിന് തടസമില്ല. ഇതനുസരിച്ച് മെയ് 17നു ശേഷം നാല് ദിവസമായി പരീക്ഷ നടത്താനുള്ള തയാറെടുപ്പിലായിരുന്നു വിദ്യാഭ്യാസവകുപ്പ്. ജൂണ്‍ ആദ്യവാരം സ്‌കൂളുകള്‍ തുറക്കുന്നതിനെക്കുറിച്ച് തീരുമാനമായിട്ടില്ലെങ്കിലും ജൂണ്‍ മുതല്‍ വിദ്യാര്‍ഥികള്‍ക്കുള്ള പഠന രീതികള്‍ ഓണ്‍ലൈനായി നടപ്പാക്കും.
ഓണ്‍ലൈന്‍ പരീക്ഷയുടെയും പഠനത്തിന്റെയും സാധ്യതകള്‍ പരിശോധിക്കാന്‍ അധ്യാപകരുടെ നേതൃത്വത്തില്‍ സര്‍വേ തുടങ്ങിയിട്ടുണ്ട്. വിദ്യാര്‍ഥികളുമായി ബന്ധപ്പെട്ട് വീട്ടില്‍ ഇന്റര്‍നെറ്റും സ്മാര്‍ട്ട് ഫോണ്‍ അടക്കമുള്ള ഓണ്‍ലൈന്‍ സാധ്യതകളും ഉണ്ടോ എന്നായിരുന്നു വിലയിരുത്തിയിരുന്നത്. ഓണ്‍ലൈന്‍ പരീക്ഷ നടത്തേണ്ട സാഹചര്യത്തിനും അധ്യയന വര്‍ഷം തുടങ്ങാന്‍ വൈകുന്ന മുറയ്ക്ക് ഓണ്‍ലൈന്‍ ക്ലാസുകള്‍ ആരംഭിക്കുന്നതിനും ഈ വിവരങ്ങള്‍ പ്രയോജനപ്പെടുത്താനാണ് സര്‍വേ. ലക്ഷദ്വീപിലും പരീക്ഷ നടത്തേണ്ടതുണ്ട്. അവിടെ കൊവിഡ് ഭീഷണിയില്ല. അതിനാല്‍ സാഹചര്യങ്ങള്‍ അനുകൂലമാണ്.
https://www.facebook.com/Malayalivartha
