അബുദാബിയില്‍ നിന്നും പ്രവാസികളെയും കൊണ്ട് ആദ്യ വിമാനം പുറപ്പെട്ടു; രാത്രി 10.17ന് കൊച്ചിയില്‍ വിമാനം ലാന്‍ഡ് ചെയ്യും
അബുദാബിയില്‍ നിന്നും മലയാളികളായ പ്രവാസികളെയും വഹിച്ചുള്ള ആദ്യവിമാനം പുറപ്പെട്ടു. കൊച്ചിയില്‍ നിന്ന് ഉച്ചയ്ക്ക് പുറപ്പെട്ട ഇന്ത്യന്‍ സമയം അഞ്ച് മണിയോടെയാണ് അബുദാബിയിലെത്തിയത്. പ്രതീക്ഷിച്ചതിനും 20 മിനിറ്റ് മുമ്‌ബേ എയര്‍ ഇന്ത്യ എക്‌സ്പ്രസ് ലാന്‍ഡ് ചെയ്തു.
യാത്രികരില്‍ ആര്‍ക്കും കൊറോണ രോഗലക്ഷണങ്ങള്‍ ഇല്ലെന്ന് അധികൃതര്‍ അറിയിച്ചു. ആരോഗ്യ പരിശോധനയ്ക്ക് ശേഷമാണ് ഇവര്‍ക്ക് ബോര്‍ഡിംഗ് പാസുകള്‍ നല്‍കാന്‍ ആരംഭിച്ചത്. രണ്ട് വിമാനങ്ങളിലുമായി 354 പേരാണ് വരുന്നത്. അബുദാബി ഫ്‌ലൈറ്റ് 10.17നാകും കൊച്ചിയില്‍ ലാന്‍ഡ് ചെയ്യുക എന്നാണ് ഏറ്റവും പുതിയ വിവരം.
യാത്രയ്ക്കിടയില്‍ ആര്‍ക്കെങ്കിലും ശാരീരിക അസ്വസ്ഥതകള്‍ അനുഭവപ്പെട്ടാല്‍ അവരെ കിടത്തി ചികിത്സിക്കുന്നതിനായി വിമാനത്തിന്റെ പിറകിലെ രണ്ട് വരി സീറ്റുകള്‍ പ്രത്യേകമായി ക്രമീകരിച്ചിട്ടുണ്ട്. കൊച്ചിയിലും കരിപ്പൂരുമായി വന്നിറങ്ങുന്ന യാത്രക്കാരെ ഏഴ് ദിവസം സര്‍ക്കാര്‍ ക്വാറന്റെയ്‌നില്‍ പാര്‍പ്പിക്കും. പരിശോധനയില്‍ രോഗം ഇല്ലെന്ന് കണ്ടെത്തുന്നവരെ വീടുകളിലേക്ക് വിടും. വീടുകളില്‍ എത്തിയാലും ഇവര്‍ നിരീക്ഷണത്തില്‍ കഴിയണമെന്നാണ് നിര്‍ദ്ദേശം.
https://www.facebook.com/Malayalivartha
