നദികള്‍ കരകവിയാം മഴ പെരുമഴയായി; പിന്നെ ഇടിയും കനത്ത മഴയും; 11 വരെ പേടിക്കണം; ചെറു വള്ളങ്ങളിലും മറ്റും മത്സ്യബന്ധനത്തില്‍ ഏര്‍പ്പെടുന്നവര്‍ ഇടിമിന്നല്‍ സമയത്ത് വള്ളത്തില്‍ നില്‍ക്കുന്നത് അപകട സാദ്ധ്യത വര്‍ദ്ധിപ്പിക്കു; കാലാവസ്ഥാ മുന്നറിയിപ്പുകള്‍ ഇങ്ങനെ
സംസ്ഥാനത്ത് പലഭാഗങ്ങളിലും ഇടിയോടുകൂടിയ കനത്ത മഴ. വൈകിട്ട് മൂന്നരയോടുകൂടിയ മഴ പെരുമഴയായി പെയ്യുകയാണ്. കൊല്ലം, ആലപ്പുഴ, തിരുവനന്തപുരം ജില്ലകളില്‍ മഴ കോരി ചൊരിഞ്ഞു. ശക്തമായ ഇടിയും മിന്നലുമാണ്. കഴിഞ്ഞ കുറേദിവസമായി വൈകുന്നേരങ്ങളില്‍ ഇരുണ്ടുമൂടി മഴ ചെയ്യാറുണ്ടെങ്കിലും ഇത്രയും ശക്തമായ മഴ ആദ്യമാണ്.
മേയ് 11 വരെ ഇടിമിന്നലോട് കൂടിയ ശക്തമായ മഴയ്ക്കും കാറ്റിനും സാദ്ധ്യതയുണ്ടെന്ന് കേന്ദ്ര കാലാവസ്ഥ വകുപ്പ് പറയുന്നു.. മണിക്കൂറില്‍ 30 മുതല്‍ 40 കി. മീ വരെ വേഗതയില്‍ കാറ്റ് വീശും... അറബിക്കടലില്‍ കന്യാകുമാരി മേഖലയിലും മാലിദ്വീപ് മേഖലയിലും അടുത്ത 24 മണിക്കൂറില്‍, 35 മുതല്‍ 45 കി മി വേഗതയില്‍ ശക്തമായ കാറ്റിനു സാദ്ധ്യതയുണ്ട്.മത്സ്യ തൊഴിലാളികള്‍ മത്സ്യബന്ധനത്തിന് പോകരുത്. ഇടിമിന്നലിന് സാദ്ധ്യതയുള്ളതിനാല്‍ മത്സ്യബന്ധനത്തില്‍ ഏര്‍പ്പെടുന്ന മല്‍സ്യത്തൊഴിലാളികള്‍ ഇടിമിന്നല്‍ ഏല്‍ക്കാതിരിക്കാന്‍ പ്രത്യേകം ശ്രദ്ധിക്കണം.
ചെറു വള്ളങ്ങളിലും മറ്റും മത്സ്യബന്ധനത്തില്‍ ഏര്‍പ്പെടുന്നവര്‍ ഇടിമിന്നല്‍ സമയത്ത് വള്ളത്തില്‍ നില്‍ക്കുന്നത് അപകട സാദ്ധ്യത വര്‍ദ്ധിപ്പിക്കുമെന്നും ഇത്തരം സമയത്ത് ഇരിക്കുന്നത് ഉചിതമായിരിക്കുമെന്നും കാലാവസ്ഥ നിരീക്ഷണ കേന്ദ്രം അറിയിച്ചു.
50 ദിവസത്തോളം നീളുന്ന ലോക്ക്ഡൗണില്‍ വൈറസിനെ പേടിച്ച് മനുഷ്യരെല്ലാം അകത്തിരുന്നപ്പോള്‍ സ്വയം നിശ്വസിച്ച പ്രകൃതിയില്‍ എല്ലാം ഒന്ന് കഴുകി ശുദ്ധമാക്കാന്‍ ഉഗ്രന്‍ മഴ പെയ്യുമെന്നാണ് കാലാവസ്ഥാ പ്രവചനംതന്നെ. പ്രളയം ഉണ്ടാകുന്ന തരത്തില്‍ മഴയുടെ ഭാവം മാറിയില്ലെങ്കിലും ഡാമുകള്‍ നിറയും. നദികള്‍ കരകവിയാം.മഴ പെരുമഴയായി, പിന്നെ ഇടിയും കനത്ത മഴയും
കഴിഞ്ഞ രണ്ടുവര്‍ഷവും പ്രതീക്ഷകള്‍ തെറ്റിച്ച് തിമിര്‍ത്ത കാലവര്‍ഷം ആവര്‍ത്തിക്കാനും സാദ്ധ്യതയുണ്ട്. കഴിഞ്ഞവര്‍ഷത്തെ തോതിലൊ അതിലേറെയോ മഴയുണ്ടാകുമെന്നാണ് പ്രവചനം.ഇക്കുറി വേനല്‍മഴ പകുതിപോലും കിട്ടിയില്ല. അതുകൊണ്ട് സംസ്ഥാനത്ത് താപനില ഒന്നര മാസമായി കൂടുതലാണ്. 35 ഡിഗ്രിക്ക് താഴെ പകല്‍ താപനിലയും 26ന് താഴെ രാത്രി താപനിലയും പോയിട്ടില്ല. അത് വായു ചൂടുപിടിക്കാനും വടക്കുപടിഞ്ഞാറന്‍ കാറ്റ് ഇവിടെ വീശിയടിക്കാനും ഇടയാക്കും.
അതുപോലെതന്നെ കൊവിഡ് പോയാലും ഇല്ലെങ്കിലും സ്‌കൂള്‍ തുറന്നാലും ഇല്ലെങ്കിലും കാലവര്‍ഷം ജൂണ്‍ ഒന്നിന് എത്തുമെന്ന് കേന്ദ്ര കാലാവസ്ഥാ കേന്ദ്രം അറിയിച്ചു. മദ്ധ്യപൂര്‍വ്വ ശാന്തസമുദ്രനിരപ്പിലെ ഉഷ്മാവാണ് കേരളത്തില്‍ മഴയുടെ തോത് നിര്‍ണയിക്കുന്ന പ്രധാന ഘടകം. അവിടെ തണുപ്പാണ്. അതുകൊണ്ട് മഴമേഘങ്ങള്‍ക്ക് കട്ടികൂടും. ആ മേഘങ്ങള്‍ ഒഴുകിയെത്തുമ്പോള്‍ പശ്ചിമഘട്ടം കടന്നുപോകില്ല. അവിടെ തട്ടി മഴയായി സംസ്ഥാനത്ത് പെയ്തിറങ്ങും.
https://www.facebook.com/Malayalivartha
