മലയാളി സമൂഹത്തിന് മറക്കാന്‍ കഴിയാത്ത അനുഭവം... വന്ദേഭാരത് മൂന്നാംഘട്ടത്തിന്റെ ഭാഗമായി കൂടുതല്‍ രാജ്യങ്ങളില്‍ നിന്നും വിമാനങ്ങള്‍ കൊച്ചിയിലെത്തുമെന്നത് ഒട്ടേറെ മലയാളി കുടുംബങ്ങള്‍ക്ക് ആശ്വാസമാകുന്നു, ആയിരങ്ങള്‍ നാട്ടിലേക്ക്...
കേരളത്തിന്റെ രോഗപ്രതിരോധ പ്രവര്‍ത്തനങ്ങള്‍ നടക്കുമ്പോഴും പ്രവാസികളോട് സംസ്ഥാന സര്‍ക്കാര്‍ കാണിക്കുന്ന അനീതിയാണ് സംസ്ഥാന മുഖ്യമന്ത്രി പിണറായി വിജയന് നിരന്തരം തലവേദനയായി മാറിക്കൊണ്ടിരുന്നത് .അതിനാല്‍ തന്നെ കൂടുതല്‍ പ്രവാസികളെ കേരളത്തിലേക്ക് കൊണ്ട് വരാനുള്ള ശ്രമങ്ങള്‍ക്ക് സര്‍ക്കാര്‍ ബോധപൂര്‍വ്വം തന്നെ മെല്ലെപോക്ക് നയമാണ് തുടര്‍ന്ന് വന്നത് .കേരളത്തിനെ പ്രതിരോധ നടപടികള്‍ ഒരു ഭാഗത്തു നടക്കുമ്പോഴും പ്രവാസികളെ ഏതു വിധേനെയും തടുക്കുന്ന നടപടിയാണ് കേന്ദ്ര സര്‍ക്കാര്‍ അവലംബിച്ചിരിക്കുന്നതെന്ന് നാലുപാടും വിമര്‍ശനം ഉയര്‍ന്നതോടെയാണ് സംസ്ഥാന സര്‍ക്കാര്‍ വന്‍ പ്രതിസന്ധിയിലായത് .
കേന്ദ്രത്തിന്റെ പദ്ധതികളെ വിലകുറച്ചു കാട്ടാനുള്ള സംസ്ഥാന സര്‍ക്കാരിന്റെ തീവ്ര ശ്രമവും പരാജയപ്പെട്ടതോടെയാണ് വന്ദേ ഭാരതി് മിഷന്റെ അനുകൂല്യങ്ങളെപ്പറ്റി മലയാളികള്‍ ഇത്രയേറെ ഗൗരവത്തോടെ ചിന്തിക്കുകയും അത് ഇരു കയ്യും നീട്ടി സ്വീകരിക്കുകയും ചെയ്തത് .വിവിധ രാജ്യങ്ങളിലുള്ള ഇന്ത്യക്കാരെ നാട്ടിലേക്ക് തിരിച്ചെത്തിക്കുന്നതിന്ററെ ഭാഗമായി രാജ്യത്തെ വിവിധ അന്താരാഷ്ട്ര വിമാനത്താവളങ്ങളിലേക്കുള്ള യാത്ര ടിക്കറ്റുകളും മറ്റും ഇതിനോടകം തന്നെ കൊടുത്തു തുടങ്ങി.
വന്ദേഭാരത് മൂന്നാംഘട്ടത്തിന്റെ ഭാഗമായി കൂടുതല്‍ രാജ്യങ്ങളില്‍ നിന്നും വിമാനങ്ങള്‍ കൊച്ചിയിലെത്തും എന്നത് ഒട്ടേറെ മലയാളി കുടുംബങ്ങള്‍ക്ക് ആശ്വാസം പകരുന്ന വാര്‍ത്ത തന്നെയാണ് . ഗള്‍ഫ്, ഓസ്‌ട്രേലിയ, യൂറോപ്പ് മേഖലകളില്‍ നിന്നാണ് വിമാനങ്ങള്‍ കൊച്ചിയിലെത്തുന്നത്. വിവിധ കമ്പനികളും ഏജന്‍സികളും ചേര്‍ന്ന് 14 പ്രത്യേക വിമാനങ്ങളും കൊച്ചിയിലേക്ക് ചാര്‍ട്ടര്‍ ചെയ്തിട്ടുണ്ട്. ചാര്‍ട്ടര്‍ വിമാനങ്ങളെ സ്വീകരിക്കാന്‍ എല്ലാവിധ സജ്ജീകരണങ്ങളും ഒരുക്കിയിട്ടുള്ളതായി സിയാല്‍ അറിയിച്ചു.ഇതോടെ ആയിരക്കണക്കിന് പ്രവാസികള്‍ അവരുടെ ജന്മനാട്ടിലേക്ക് മടങ്ങിവരുന്നു എന്നതും വ്യക്തമാണ് .
ജൂണ്‍ 9 മുതല്‍ 21 വരെ എയര്‍ ഇന്ത്യ എക്‌സ്പ്രസിന്റെ 15 വിമാനങ്ങള്‍ ഗള്‍ഫില്‍ നിന്ന് കൊച്ചിയിലേയ്ക്ക് സര്‍വീസ് നടത്തും എന്നതാണ് വ്യക്തമാകുന്നത് . അബുദാബി, സലാല, ദോഹ, കുവൈറ്റ്, ദുബായ്, മസ്‌ക്കറ്റ് എന്നിവിടങ്ങളില്‍ നിന്നാണ് എയര്‍ ഇന്ത്യ എക്‌സ്പ്രസ് സര്‍വീസുകളുള്ളത്. ഈമാസം 11, 13, 20 തീയതികളില്‍ സിംഗപ്പൂരില്‍ നിന്നും എയര്‍ ഇന്ത്യ എക്‌സ്പ്രസ് വിമാനങ്ങളെത്തും. എയര്‍ ഇന്ത്യ നേരത്തെ നിശ്ചയിച്ചിരുന്ന പട്ടികയില്‍ സിഡ്‌നി, വിയറ്റ്‌നാം എന്നിവിടങ്ങളില്‍ നിന്നുള്ള അധിക സര്‍വീസുകള്‍ ചേര്‍ത്തിട്ടുണ്ട്. ജൂണ്‍ 23 നാണ് സിഡ്‌നിയില്‍ നിന്ന് ഡല്‍ഹി വഴി കൊച്ചിയില്‍ വിമാനമെത്തുന്നത്. ജൂണ്‍ 29ന് വിയറ്റ്‌നാമില്‍ നിന്നുള്ള രണ്ടാമത്തെ വിമാനം കൊച്ചിയില്‍ എത്തും. ആദ്യ സര്‍വീസ്, ഏഴാം തീയതി കൊച്ചിയില്‍ എത്തിയിരുന്നു.
ജൂണ്‍ 10 മുതല്‍ 18വരെ മാത്രം 14 ചാര്‍ട്ടര്‍ വിമാനങ്ങള്‍ കൊച്ചിയില്‍ എത്തുമെന്ന് സിയാല്‍ അധികൃതര്‍ അറിയിച്ചു. കമ്പനികള്‍, വിദേശ മലയാളികളുടെ കൂട്ടായ്മകള്‍, ട്രാവല്‍ ഏജന്‍സികള്‍ എന്നിവയാണ് ഈ സര്‍വീസുകള്‍ ഏര്‍പ്പാടാക്കിയിട്ടുള്ളത്. ഈ വിമാനങ്ങള്‍ക്ക് കേന്ദ്രാനുമതി ലഭിച്ചാല്‍ മൂവായിരത്തിലധികം പ്രവാസികള്‍ക്ക് ഈയാഴ്ച തന്നെ നാട്ടിലെത്താനാകും.
ഗള്‍ഫ് രാജ്യങ്ങള്‍ക്ക് പുറമേ, അള്‍ജീരിയ, ഘാന, താജിക്കിസ്ഥാന്‍ എന്നിവിടങ്ങളില്‍ നിന്നും കൊച്ചിയിലേയ്ക്ക് സര്‍വീസുകള്‍ ചാര്‍ട്ടര്‍ ചെയ്തിട്ടുണ്ട്. എത്ര ചാര്‍ട്ടര്‍ വിമാനങ്ങള്‍ വന്നാലും സൗകര്യമൊരുക്കാന്‍ സിയാല്‍ സജ്ജമാണെന്ന് അധികൃതര്‍ വ്യക്തമാക്കി. അതിനാല്‍ തന്നെ വന്‍ തോതിലായിരിക്കും പ്രവാസികള്‍ നാട്ടിലേക്ക് മടങ്ങുക എന്നത് വ്യക്തമായിരിക്കുകയാണ്.
https://www.facebook.com/Malayalivartha
